الماتى قالالىق سالىق دەپارتامەنتى باسشىسىنىڭ ورىنباسارى 26 ملن. تەڭگە پارامەن قولعا ءتۇستى
الماتى قالالىق سالىق دەپارتامەنتى باسشىسىنىڭ ورىنباسارى 26 ملن. تەڭگە پارامەن قولعا ءتۇستى
الماتى قارجى پوليتسياسى جالعان كاسىپكەرلەردىڭ اتىنان زاڭسىز قۇجاتتار جاساۋ ارقىلى وزگە كومپانيالاردىڭ كوپ كولەمدەگى سالىقتان جالتارۋلارىنا كومەكتەسىپ جۇرگەن قىلمىستىق توپتى اشكەرەلەدى.
اقپارات كوزدەرى بۇل قىلمىستىق توپقا الماتى قالاسى سالىق دەپارتامەنتى ديرەكتورىنىڭ ورىنباسارى ب.ءاجىنۇروۆ قامقورلىق كورسەتىپ كەلگەنىن جەتكىزەدى. بۇل توپتىڭ ىزىنە تۇسكەن قارجى پوليتسياسىنىڭ قىزمەتكەرلەرى جالعان كاسىپكەرلەرمەن جاسالعان كۇدىكتى كەلىسىمدەر بويىنشا جالپى سوماسى 600 ملن. تەڭگەگە تەڭ بۋحگالتەرلىك قۇجاتتاردىڭ (ەسەپ-فاكتۋرا, فيسكالدىق چەكتەر, كاسسالىق وردەرلەرگە تۇبىرتەكتەر, ەڭبەك دەمالىسىنا ۇستەمەاقىلار) جاسالعانىن انىقتادى.
«جالعان كاسىپكەرلەر زاڭسىز نەگىزدە ءتۇسكەن اقشالاي تابىستىڭ بەلگىلى ءبىر پايىزىن قامقورلىق جاساعانى ءۇشىن الماتى قالاسى سالىق دەپارتامەنتى ديرەكتورىنىڭ ورىنباسارىنا تولەپ وتىرعان», – دەلىنگەن حابارلامادا.
ۇستىمىزدەگى جىلدىڭ 7 تامىزىندا الماتى قالاسى بويىنشا سالىق دەپارتامەنتى باسشىسىنىڭ ورىنباسارى ب.اجىنۇروۆقا قارسى قىزمەتتىك بابىن اسىرا پايدالانۋ (قىلمىستىق كودەكستىڭ 307-بابى 2-تارماعى) فاكتىسى بويىنشا قىلمىستىق ءىس قوزعالدى.
كەيىن ب.ءاجىنۇروۆتىڭ ءوزى دە جالعان قۇجات جاساپ بەرگەنى ءۇشىن 26 ملن. تەڭگە كولەمىندە پارا الىپ جاتقان جەرىندە قولعا ءتۇستى. سونداي-اق, ونىڭ كابينەتىن ءتىنتۋ كەزىندە 30 مىڭ دوللارعا جۋىق اقشا مەن وزگە دە جالعان كاسىپكەرلەر قۇجاتتارى تابىلعان.
«قازىر بۇل قىلمىستىق ءىس بويىنشا تەرگەۋ باستالدى. ونىڭ ناتيجەسى كەيىن حابارلاناتىن بولادى», – دەپ مالىمدەدى الماتى قالالىق قارجى پوليتسياسىنان.
سۇلتان بوزايعىر.
