جۋىردا اقمولا وبلىسى اكىمدىگى مەن «شەۆرون» كومپانياسى اراسىندا ەرەيمەنتاۋ اۋدانىنداعى «سامال» جەل قۋاتى پاركى جوباسىن جۇزەگە اسىرۋعا قاتىستى ءوزارا ىنتىماقتى كەلىسىم-شارتقا قول قويۋ ءراسىمى بولدى.
جۋىردا اقمولا وبلىسى اكىمدىگى مەن «شەۆرون» كومپانياسى اراسىندا ەرەيمەنتاۋ اۋدانىنداعى «سامال» جەل قۋاتى پاركى جوباسىن جۇزەگە اسىرۋعا قاتىستى ءوزارا ىنتىماقتى كەلىسىم-شارتقا قول قويۋ ءراسىمى بولدى.
«شەۆرون» كومپانياسى ەۋرازيا بولىمشەسىنىڭ باسقارۋشى ديرەكتورىنىڭ ورىنباسارى يمير بوننەر ءوز سوزىندە جەل قۋاتى الەمنىڭ دامىعان ەلدەرىنىڭ بارلىعىندا ءتيىمدى پايدالانىلىپ كەلە جاتقاندىعىن ايتتى. ال, «سامال» جەل پاركىنىڭ قۇرىلىسى قازاقستانداعى ءىرى شەتەلدىك ينۆەستيتسيالىق جوبالاردىڭ ءبىرى بولىپ تابىلادى. كاسىپورىن وسى جوبا اياسىندا الداعى ۋاقىتتا ەرەيمەنتاۋ قالاسىنىڭ ماڭىندا جەلدەن ەلەكتر قۋاتىن وندىرەتىن قوندىرعى قويۋدى ۇيعارىپ وتىر. بولاشاقتا ەرەيمەنتاۋ قالاسىندا قۋاتى 50 مەگاۆاتتىق ستانسا سالىناتىن بولادى. قازاقستاندا بالامالى جانە جاڭارتىلاتىن ەنەرگەتيكانى دامىتۋ جونىندەگى 2013-2020 جىلدارعا ارنالعان ءىس-شارالار جوسپارىنا ەنگىزىلگەن قۇنى 239 ميلليون دوللاردى قۇرايتىن جوبانى كومپانيا وزدەرى قارجىلاندىراتىن بولادى. سونداي-اق, كومپانيا الەۋمەتتىك ينۆەستيتسيالار باعدارلاماسى اياسىندا ەرەيمەنتاۋ اۋدانىنىڭ ءبىلىم بەرۋ, دەنساۋلىق ساقتاۋ مەكەمەلەرىنە 30 ميلليون تەڭگەنىڭ قۇرال-جابدىقتارىن سىيعا تارتقانىن وقىرماندارىمىزعا جەتكىزگەنبىز.
جەل پاركىنىڭ قۇرىلىسى ارقىلى ارزان ەلەكتر قۋاتىن وندىرۋمەن بىرگە قورشاعان ورتانى تازا ۇستاۋعا تىكەلەي ىقپال ەتەتىن بۇل جوبانىڭ وبلىس ءۇشىن اسا ماڭىزدى ەكەندىگىنە توقتالعان وبلىس اكىمى قوسمان ايتمۇحامەتوۆ قازاقستان رەسپۋبليكاسىنىڭ جەر زاڭناماسى شەڭبەرىندە جەل پاركىنىڭ قۇرىلىسى ءۇشىن ينۆەستورلاردىڭ 622 گەكتار جەر ۋچاسكەسىن 49 جىلعا ۋاقىتشا قايتارىمدى پايدالانۋ قۇقىن الۋىنا قولداۋ كورسەتىلەتىندىگىن جانە اتالعان جوبانىڭ جاقىن ارادا يندۋستريالاندىرۋ كارتاسىنا ەنگىزىلەتىندىگىن جەتكىزدى.
بيىل قازاقستان مەن «شەۆرون» كومپانياسىنىڭ جەمىستى سەرىكتەستىگىنە 20 جىلعا اياق باستى. كاسىپورىن وسى ۋاقىت ىشىندە قازاقستاندا ينۆەستورلارعا قولايلى جاعداي جاسالعانىن, بۇل ەلدە ەركىن جۇمىس ىستەۋگە بولاتىنىن وزگەلەرگە دالەلدەدى. وسى كاسىپورىننىڭ ارقاسىندا قازاقستانعا 8,5 مىڭ شەتەلدىك كومپانيا 200 ميلليارد دوللاردان استام ينۆەستيتسيا قۇيدى. 20 جىلدا كاسىپورىن ەلىمىزدە بىرنەشە زاۋىتتاردىڭ اشىلۋىنا سەپتىگىن تيگىزدى. تمد ەلدەرىندە بالاماسى جوق اتىراۋ قۇبىر ارماتۋراسى زاۋىتى قازاقستان مەن «شەۆرون» كومپانياسىنىڭ بىرلەسكەن جوباسى بولىپ سانالادى.
باقبەرگەن امالبەك,
«ەگەمەن قازاقستان».
اقمولا وبلىسى.
