• 09 تامىز, 2013

اقپاراتتار اعىنى

255 رەت

كورسەتىلدى

2 مين

وقۋ ءۇشىن

Egemen Qazaqstan

*«قولجەتىمدى تۇرعىن ءۇي-2020» باعدارلاماسى بويىنشا بيىل جاس وتباسىلار ءۇشىن 3,5 مىڭعا جۋىق پاتەر سالىنادى. اتاپ ايتقاندا, الماتىدا 120 پاتەر, سولتۇستىك قازاقستاندا 216 پاتەر, قوستانايدا 352 پاتەر, اتىراۋدا 234 پاتەر, قاراعاندىدا 154 پاتەر قۇرىلىسى جوسپارلانعان.

*استانادا تامىزدا مەكتەپكە دەيىنگى ءبىلىم بەرەتىن 52 مەكەمە اشىلدى. سونىڭ ىشىندە 28 مەكتەپ قازاق تىلىندە جانە 24-ءى ورىس تىلىندە وقىتادى.

*شىمكەنتتەگى قوشقاراتا وزەنى بويى اسەم اباتقا اينالادى. قازىر قىزۋ ءجۇرىپ جاتقان بۇل جۇمىستاردىڭ بيىلعى العاشقى كەزەڭىندە وزەن باستاۋىنان ورداباسى الاڭىنا دەيىنگى 16 گەكتار جەر تولىق يگەرىلەدى. ال قۇرىلىسقا قاجەتتى 452 ملن. تەڭگە قارجى قالا بيۋدجەتىنەن ءبولىندى.

*قازاقستاندا باۋىردىڭ قاتەرلى ىسىگى سىرقاتىنا قارسى زاماناۋي ەم قولدانۋ ءجونىندە باستاما كوتەرىلدى. بۇل قوزعالىستىڭ يدەياسىن تاراتۋشى الماتىلىق جاس حيرۋرگ اسحات يسبامبەتوۆ بولىپ وتىر.

*ەلوردادا وزگە ۇلت وكىلدەرى يننوۆاتسيالىق ادىستەمە نەگىزىندە قازاق جانە اعىلشىن تىلدەرىن مەڭگەرىپ شىقتى. «ديالوگ.kz» دەپ اتالاتىن جوبا اياسىنداعى وقۋدىڭ كەلەسى كەزەڭى قىركۇيەك ايىندا باستالادى دەپ كۇتىلۋدە.

*استانادا تۇڭعىش ءتۇنەمەلىك ورىن اشىلدى. ونىڭ كادىمگى مەيمانحانالار مەن پاتەرلەردەن باستى ايىرماشىلىعى قولجەتىمدىلىگى مەن ارزاندىعىندا. مۇنداعى تازا توسەك, ينتەرنەت, تەلەۆيزور سەكىلدى ۇسىنىلاتىن زاتتارى بار جاتىنجايلاردىڭ تاۋلىكتىك قۇنى 1500 تەڭگە تۇرادى.

*بيىل قىزىلورداداعى كوپ قاباتتى تۇرعىن ۇيلەر اۋلالارىندا 23 بالالار سپورت الاڭى سالىنادى. بۇل ماقساتقا 103 ملن. تەڭگە ءبولىنىپ وتىرعانىن تىلگە تيەك ەتكەن قالا اكىمى نۇرلىبەك نالىباەۆ بۇدان بولەك, 74,5 ملن. تەڭگەگە زامان تالابىنا ساي 50 اۆتوبۋس ايالداماسى بوي كوتەرەتىنىن مالىمدەدى.

*اقتاۋدا سپورتتىق پوكەر كلۋبى اتىن جامىلعان جاسىرىن كازينو انىقتالدى. ۇستاۋ كەزىندە وندا 20-عا جۋىق كەلۋشى مەن سول جەردىڭ 9 قىزمەتكەرى بولعان. وقيعا ورنىنان 450 مىڭ تەڭگەدەن ارتىق اقشا تاركىلەندى.

«قازاقپارات», «قازاقستان جاڭالىقتارى», Bnews.kz, TengriNews, EgemenNews حابارلارى بويىنشا دايىندالدى.