دەپارتامەنت باسشىسىنىڭ ورىنباسارى سەرىك قانىبەكوۆتىڭ سوزىنشە, وتكەن جىلى اكىمدىكتەر مەن ولاردىڭ قۇرىلىمدىق بولىمشەلەرىندە 66 سىبايلاس جەمقورلىق دەرەگى جاسالعانى انىقتالىپ وتىر.
بۇدان كەيىنگى ورىندا دەنساۋلىق ساقتاۋ سالاسى 8, ىشكى ىستەر سالاسىنىڭ قۇرىلىمدىق بولىمدەرىندە 7, اۋىلشارۋاشىلىعى مەكەمەلەرىنىڭ قىزمەتكەرلەرى 4 رەت قىلمىسقا بارعان.
- ءبىز ماڭعىستاۋ وڭىرىندە ىسكە اسىپ جاتقان مەملەكەتتىك جانە ۇكىمەتتىك باعدارلامالاردى جۇزەگە اسىرۋدى دا باقىلادىق. وسى سالادا 19 سىبايلاس جەمقورلىق قىلمىسى تىركەلىپ وتىر. اتاپ ايتساق, «وڭىرلەردى دامىتۋ – 2020» باعدارلاماسى بويىنشا - 9, «نۇرلى جول» باعدارلاماسى بويىنشا - 7, ء«بىلىم جانە عىلىمدى دامىتۋ», «دەنساۋلىق ساقتاۋدى دامىتۋ» مەن «نۇرلى جەر» مەملەكەتتىك باعدارلامالارى اياسىنداعى جوبالاردى ىسكە اسىرۋ كەزىندە ءبىر-ءبىر دەرەكتەن سىبايلاس جەمقورلىققا بارۋ فاكتىلەرىن انىقتادىق, - دەدى ول.
ۆەدومستۆونىڭ تەرگەۋ باسقارماسىنىڭ باسشىسى باۋىرجان بايمىرزانىڭ بۇگىنگى بريفينگتە كەلتىرگەن مالىمەتتەرىنە سۇيەنسەك, وسى اتالعان سىبايلاس جەمقورلىق دەرەكتەرىنەن مەملەكەتكە كەلگەن زالالدىڭ جالپى سوماسى 558 ملن 600 مىڭ تەڭگەنى قۇراعان. بۇل, 2018 جىلعا قاراعاندا 187,9 ملن تەڭگەگە, ياعني ءۇش ەسەگە ارتىق كورسەتكىش.
ءبىر قۋانتارلىعى, جەمقورلار قولدى ەتكەن 558 ميلليوننان استام مەملەكەت قارجىسىنىڭ 554 ملن 400 مىڭ تەڭگەسى بۇگىندە ءوندىرىلىپ الىندى.
- ءبىز جەر قاتىناستارى سالاسىندا 54 قىلمىستىڭ, دەنساۋلىق ساقتاۋ باعىتىندا 12, قۇرىلىس سالاسىندا 11, سونداي-اق اۋىل شارۋاشىلىعى مەكەمەلەرىنىڭ قىزمەتكەرلەرى بارعان ءتورت قىلمىستىڭ جولىن كەستىك. ماسەلەن, تۇپقاراعان اۋدانى جەر قاتىناستارى ءبولىمىنىڭ باسشىسى مەن اقشۇقىر اۋىلىنىڭ اكىمى 263 جەكە جانە زاڭدى تۇلعاعا زاڭسىز جەر تەلىمدەرىن بەرگەن. وسى رەتتە مەملەكەتكە 1,5 ملرد تەڭگە كولەمىندە زالال كەلتىرىلدى. سوت ۇكىمىمەن كىنالى تۇلعالار سوتتالدى, - دەدى باۋىرجان سەرىك ۇلى.
جەڭ ۇشىنان جالعاسقان جەمقورلىققا ءۇشىنشى بيلىك - سوت ورگاندارىنىڭ وكىلدەرى دە بارۋى دا كوڭىل قىنجىلتادى.
مىسالعا ايتساق, جاڭاوزەن قالالىق سوتتىڭ سۋدياسى ا.س. 500 مىڭ تەڭگە پارامەن ۇستالىپ, وعان 25 ملن تەڭگە ايىپپۇل سالىندى. ول بۇل اقشانى قالالىق جەر قاتىناستارى ءبولىمىنىڭ تالاپ ارىزىن قاراۋسىز قالدىرۋ تۋرالى ۇيعارىم شىعارۋ ءۇشىن ەكى ازاماتتان تالاپ ەتكەن.
جالپى ايتساق, 2019 جىلى 137 قىلمىس تىركەلدى. كۇدىك رەتىندە 55 ادام جاۋاپقا تارتىلىپ, 114 قىلمىستىق ءىس سوتقا جىبەرىلگەن. انىقتالعان جانە وندىرىلگەن ماتەريالدىق زالال سوماسى 2,1 ملرد تەڭگەنى قۇراپ وتىر. بۇل 2018 جىلمەن سالىستىرعاندا 641 ملن 600 مىڭ تەڭگەگە ارتىق سوما.
- وسى تەكتەس قىلمىستىق ىستەردى تەرگەۋ قورىتىندىسى بويىنشا مەملەكەتتىك ورگاندار مەن ۇيىمدارعا 115 ۇسىنىس ەنگىزىلدى, (2018 جىلى 69 ۇسىنىس بەرىلگەن ەدى). وسى اتالعان ۇسىنىستاردىڭ نەگىزىندە بىلتىر 43, ەكى جىل بۇرىن 59 لاۋازىمدى تۇلعا تارتىپتىك جاۋاپكەرشىلىككە تارتىلدى, - دەدى بريفينگتەگى سوزىندە سىبايلاس جەمقورلىققا قارسى ءىس-قيمىل اگەنتتىگىنىڭ ايماقتىق دەپارتامەنتىنىڭ شتاب باسشىسى قايرات زۇلپىقاروۆ.
قايرات امانتاي ۇلىنىڭ ايتۋىنشا, بىلتىرعى جىلى الدىن الا ءسوز بايلاسۋ ارقىلى پارا الۋجانە بيۋدجەت قاراجاتىن تۇراقتى جىمقىرۋ جونىنەن بەس دەرەك بەلگىلى بولعان. ولار بويىنشا انىقتالعان جانە وندىرىلگەن زالال سوماسى 1,2 ملرد تەڭگەنى قۇرايدى.
- «قازاۆتوجول» ۇك اق وبلىستىق فيليالىنىڭ باسشىلارى ۇيىمداستىرعان قىلمىستىڭ جولى كەسىلدى. ولار «نۇرلى جول» مەملەكەتتىك باعدارلاماسى اياسىندا جۇزەگە اساتىن رەسپۋبليكالىق ماڭىزداعى جول سالۋشى مەردىگەر كومپانياداردان بىرنەشە رەت زاڭسىز سىياقى العان. وسىنداي كۇدىكپەن قىلمىستىق ءىس سوتقا جولداندى. ناتيجەسىندە, مەملەكەت پايداسىنا 552 ملن 200 مىڭ تەڭگە ءوندىرىلدى, - دەدى ول.
