م ۇلىك ۆەب-پورتال ارقىلى رەسىمدەلمەك
قۇجات ازىرلەۋدە بيۋروكراتيا مەن قاعازباستىلىقتان حالىقتىڭ مەزى بولعانى بەلگىلى. سوندىقتان, ەلدەگى ءتيىستى مەكەمەلەر قىزمەتىنىڭ مولدىرلىگىن ارتتىرىپ, جۇيەدەگى جەمقورلىقتىڭ جولىن كەسۋ شارالارى قولعا الىنۋدا.
م ۇلىك ۆەب-پورتال ارقىلى رەسىمدەلمەك
قۇجات ازىرلەۋدە بيۋروكراتيا مەن قاعازباستىلىقتان حالىقتىڭ مەزى بولعانى بەلگىلى. سوندىقتان, ەلدەگى ءتيىستى مەكەمەلەر قىزمەتىنىڭ مولدىرلىگىن ارتتىرىپ, جۇيەدەگى جەمقورلىقتىڭ جولىن كەسۋ شارالارى قولعا الىنۋدا.
وسىدان 9 جىل بۇرىن ەلىمىزدە ەلەكتروندى ۇكىمەت قۇرۋ ءىسى باستالدى. سوعان وراي جاسالعان باعدارلامانىڭ باستى ماقساتى اقپاراتتىق-كوممۋنيكاتسيالىق تەحنولوگيا ارقىلى حالىققا ساپالى ءارى جەدەل قىزمەت كورسەتۋ بولاتىن. نەگىزى, ەلەكتروندى ۇكىمەت ەنگىزۋ – بۇل مەملەكەتتىك باسقارۋدىڭ تيىمدىلىگىن ارتتىرۋدى كوزدەيتىن اكىمشىلىك رەفورمانىڭ ماڭىزدى ەلەمەنتى. ول مەملەكەتتىك پروتسەدۋرالاردىڭ مولدىرلىگىن قامتاماسىز ەتىپ, سىبايلاس جەمقورلىقتى تومەندەتۋگە مۇمكىندىك تۋدىرادى. ەكىنشى, مەملەكەتتىك اپپاراتتى ۇستاۋ بويىنشا شىعىنداردى قىسقارتادى. قىزمەتكەرلەردىڭ الەۋمەتتىك جاعدايىن دا تۇزەيدى. ۇشىنشىدەن, قىزمەتىنىڭ كاسىبيلىگى مەن قىزمەت كورسەتۋدى جاقسارتادى. ءتورتىنشىدەن, سالىقتاردى تولەۋ مەن ءارتۇرلى قۇجاتتاردى رەسىمدەۋ پروتسەدۋرالارىنا كوپ ۋاقىت كەتىرمەيدى, دەدى «استانا قالاسى بويىنشا جىلجىمايتىن م ۇلىك ورتالىعى» رمقك ديرەكتورىنىڭ ورىنباسارى بايتاق ادەپحان ۇلى.
بۇگىنگە دەيىن «ەلەكتروندى ۇكىمەت» قالىپتاسۋ مەن دامۋدىڭ ءتورت كەزەڭىنەن ءوتتى. ءبىرىنشى, «ەلەكتروندى ۇكىمەت» پورتالى ىسكە قوسىلىپ, اقپاراتتارمەن تولىقتىرىلدى. ەكىنشى, ينتەراكتيۆتى كەزەڭدە ەلەكتروندى قىزمەتتەر ۇسىنىلدى. كەزەككە تۇرماي-اق كەز كەلگەن ورگانعا سۇرانىس جىبەرىپ, قاجەتتى قۇجات تاۋىپ الاتىن مۇمكىندىك تۋدى. ءۇشىنشى, ترانزاكتسيالىق كەزەڭدە سالىق پەن ايىپپۇلدى, كوممۋنالدىق قىزمەت اقىسىن ونلاين جۇيەسىندە تولەۋگە جاعداي جاسالدى. اسىرەسە, كاسىپكەرلەر ءۇشىن ونىڭ پايداسى زور بولدى. ەلەكتروندى مەملەكەتتىك ساتىپ الۋلار ارقىلى تەندەرلەر مەن بايقاۋلاردىڭ ادىلدىگى مەن اشىقتىعى ايقىندالدى. ءتورتىنشى, تۇرلەندىرمەلى مەزەت. مۇنىڭ باستى ماقساتى, حالىققا قىزمەت كورسەتۋدى مەيلىنشە جىلدامداتۋ. الەۋمەتتىك ماڭىزى بار قىزمەتتەرگە كوڭىل ءبولىنىپ, بارلىعى ەلەكتروندى ۇلگىگە اۋىستىرىلدى. وسىعان وراي, ورتالىق «E-gov» بۇرىشىن ۇيىمداستىرىپ, عالامتورعا كىرۋ ءۇشىن بولىنگەن VPN بايلانىس ارناسىن ىسكە قوستى. ءسويتىپ, ازاماتتارعا تەحنيكالىق تولقۇجاتتى پورتال ارقىلى الۋدى ءتۇسىندىردى.
كولىك جانە كوممۋنيكاتسيا مەن ادىلەت مينيسترلىگى استانا جانە الماتى قالالارىندا جىلجىمايتىن م ۇلىك نىساندارىنىڭ تەحنيكالىق تولقۇجاتتارى مەن ونىڭ كوشىرمەسىن بەرۋدى «ەلەكتروندى ۇكىمەت» ۆەب-پورتالى ارقىلى ۇيىمداستىرۋدى قولعا الدى. قاناتقاقتى رەجىمدە ءۇش ايعا ۇلاسقان شارا ءوز ناتيجەسىن بەردى. اتالعان مەكەمە «حالىققا قىزمەت كورسەتۋ ورتالىعى» رمك, «ۇلتتىق اقپاراتتىق تەحنولوگيالار» اق-پەن بىرگە تەحنيكالىق تولقۇجات بەرۋدى پورتال ارقىلى ەلەكتروندى جۇيەمەن رەسىمدەۋدى باستادى. العاشىندا ءتۇرلى قيىندىق, كەدەرگىلەر بولدى. دەسە دە, بۇگىندە بۇل ءىس ءوز جۇيەسىن تاپقان. سوندىقتان, ەلوردانىڭ بارلىق تۇرعىندارىن جىلجىمايتىن م ۇلىككە تەحنيكالىق تولقۇجات پەن ونىڭ كوشىرمەسىن الۋدا ەلەكتروندى جۇيەنى پايدالانۋعا شاقىرامىز. ءسويتىپ, اقپاراتتىق-كوممۋنيكاتيۆتىك تەحنولوگيا دامىعان زاماندا «ەلەكتروندى ۇكىمەتتىڭ» جەتىستىكتەرىن ءوز يگىلىكتەرىنە جاراتسىن دەگىمىز كەلەدى.
ول قيىن ەمەس. اۋەلى, جەكە كۋالىگىڭىزدى جاڭاسىنا الماستىرىڭىز. وندا چيپ, ونىڭ ىشىندە كودتار بەلگىلەنەدى. سول كودتار بويىنشا سىزگە قولتاڭبا بەرىلەدى. قولتاڭبامەن «ەلەكتروندى ۇكىمەتتىڭ» ۆەب-پورتالىنا كىرىپ, قاجەتتى قۇجاتقا سۇراۋ سالۋعا بولادى. ەلەكتروندى قولتاڭبانى «E-gov» بۇرىشىنان نەمەسە حالىققا قىزمەت كورسەتۋ ورتالىقتارىنان الا الاسىز. بۇل قولايلىلىقتار حالىققا قىزمەت كورسەتۋدى جەڭىلدەتۋمەن قاتار, ىقتيمال پاراقورلىقتىڭ جولىن كەسەدى. ەلەكتروندى قولتاڭبامەن قۇجات ىسىندەگى بارلىق شارۋانى ۇيدە وتىرىپ-اق, تاۋلىكتىڭ كەز كەلگەن ۋاقىتىندا اتقارۋعا مۇمكىندىك تۋعان. ورتالىققا «E-gov» پورتالى ارقىلى جىبەرگەن قۇجاتتارىڭىز سول زاماتتا ازىرلەنىپ, ورىنداۋعا جىبەرىلەدى. تاياۋ بولاشاقتا, ورتالىق قىزمەتى تولىق بىرىزدىلىككە ءتۇسىپ بولعان سوڭ, قۇجات دايىنداۋ ۋاقىتىن ءبىر تاۋلىككە دەيىن قىسقارتۋ كوزدەلگەن.
بايتاق ادەپحان ۇلىنىڭ ايتۋىنشا, استانا مەن الماتى قالالارىندا قاناتقاقتى رەجىمدە جۇزەگە اسىرىلعان باعدارلامادا ارينە, كەمشىلىكتەر مەن ولقى تۇستار بولعان. بۇگىندە سول كەمشىلىكتەر تولىقتىرىلىپ, باعدارلاما جەتىلدىرىلىپ جاتىر. جىل سوڭىنا قاراي تولىق جاساقتالعان باعدارلاما رەسپۋبليكانىڭ بارلىق ايماقتارىنا جىبەرىلەتىن بولادى.
نۇرباي ەلمۇراتوۆ,
«ەگەمەن قازاقستان».
