انتاليانىڭ «گراند رينگ» قوناق ۇيىندە ۋلانعان بىرقاتار شەتەلدىك دەمالۋشىلاردىڭ اراسىندا قازاقستاننىڭ 5 ازاماتى بار ەكەندىگى بەلگىلى بولدى.
انتاليانىڭ «گراند رينگ» قوناق ۇيىندە ۋلانعان بىرقاتار شەتەلدىك دەمالۋشىلاردىڭ اراسىندا قازاقستاننىڭ 5 ازاماتى بار ەكەندىگى بەلگىلى بولدى.
قازاقستاننىڭ انتالياداعى كونسۋلدىعىنان كەلىپ تۇسكەن اقپاراتقا سايكەس, وتانداستارىمىز دەر كەزىندە جەرگىلىكتى «مارينا» ەمحاناسىندا ءتيىستى ەم شارالارىن الىپ, قوناق ۇيگە قايتارىلدى.
كونسۋلدىق قىزمەتكەرلەر قازاقستاندىقتارعا بارلىق ءتيىستى كومەكتى كورسەتتى, ەمدەۋ مەكەمەسىنىڭ قىزمەتكەرلەرىمەن كەزدەسىپ, ازاماتتارىمىزدىڭ دەنساۋلىعىنا قازىرگى ۋاقىتتا ەشقانداي قاۋىپتىڭ جوق ەكەندىگى انىقتالدى.
ازاماتتاردىڭ ۋلانۋ سەبەبىن انىقتاۋ ءۇشىن, قوناق ءۇي باسشىلارى جانە مەديتسينالىق پەرسونالمەن كەزدەسۋ ۇيىمداستىرىلدى. مۇنىمەن قوسا, انتاليا قالاسىنىڭ سانيتارلىق باقىلاۋ سالاسىنداعى قۇزىرلى ورگاندارى ءتيىستى جۇمىستار اتقارۋدا.
قازىرگى ۋاقىتتا 3 ازاماتىمىز باسقا قوناق ۇيگە اۋىستىرىلدى, 2 ادامعا اقشالارى قايتارىلدى. ولاردىڭ جاعدايى تۇراقتى جانە وزدەرىنىڭ دەنساۋلىعىنان ەشقانداي دا ءبىر شاعىم جوق ەكەندىگىن حابارلادى.
جالپى, وسى قوناق ۇيدە قازاقستاننىڭ 33 ازاماتى بار ەكەندىگى انىقتالدى, دەپ حابارلادى قر ءسىم ءباسپاسوز قىزمەتى.
