فۋتبولدان چەمپيوندار ليگاسىنىڭ فينالدىق راۋندىنا شىققان قاراعاندىنىڭ «شاحتەر» كومانداسىنىڭ ىقتيمال قارسىلاستارى بەلگىلى بولدى. بۇل تۋرالى Vesti.kz حابارلادى.
قارسىلاس بولىپ قالۋى مۇمكىندەردىڭ اراسىندا شۆەيتساريانىڭ «بازەل», شوتلانديانىڭ «سەلتيك», رۋمىننىڭ «ستياۋا», چەحتىڭ «ۆيكتوريا پلزەن» جانە حورۆاتتىڭ «دينامو زاگرەب» كوماندالارى بار.
ەسكە سالا كەتەيىك, قاراعاندىلىقتار وسىنىڭ الدىندا ەكى ماتچتىڭ قورىتىندىسى بويىنشا البانيانىڭ «سكەندەربەۋ» كومانداسىنان ارتىقشىلىق كورسەتكەن بولاتىن. كەنشىلەر ءوز الاڭىندا ولاردى 3:0 ەتىپ ۇتىپ, سىرت الاڭدا 2:3 بولىپ جەڭىلىپ قالدى.
دامير قوجامقۇل.
