ونىڭ سوزىنشە, بيىلعى 6 قاڭتاردان باستاپ بۇگىنگە دەيىن قازاقستانعا قىتايدان مەملەكەتتىك شەكارا پۋنكتتەرى ارقىلى 30 394 ادام كەلگەن.
«6 قاڭتاردان 4 اقپانعا دەيىن دەنساۋلىق ساقتاۋ مينيسترلىگىنىڭ ماماندارى قىتايمەن مەملەكەتتىك شەكارا ارقىلى وتەتىن اۋەجايلار مەن تەمىر جول بەكەتتەرىندە 21 838 ادامدى, ونىڭ ىشىندە 20 084 جولاۋشى مەن 1 814 ەكيپاج مۇشەلەرىن تەكسەردى. 29 جولاۋشىدان دەنە قىزۋى مەن جەدەل رەسپيراتورلى ۆيرۋستىق ينفەكتسيا بەلگىلەرى انىقتالدى, ولاردىڭ 28-ءى اۋرۋحاناعا جاتقىزىلدى. قازىرگى ۋاقىتتا پويىزداردىڭ قوزعالىسى, اۋە قاتىناسى جانە قىتايمەن جەڭىل اۆتوموبيلدەر تاسىمالى توقتاتىلدى. مەديتسينالىق ۇيىمدار تۇرعىلىقتى جەرى بويىنشا قىتايدان كەلگەن ازاماتتاردىڭ دەنساۋلىعىن باقىلاۋدى جالعاستىرۋدا. 5 اقپانعا دەيىن جرۆي بەلگىلەرى بار 104 ادام اۋرۋحاناعا جاتقىزىلدى, 71 ادام اۋرۋحانادان شىعارىلدى, 33 پاتسيەنت ستاتسيوناردا قالدى. ناۋقاستاردىڭ جاعدايى جاقسى. كوروناۆيرۋس انىقتالعان جوق. ءبىز بارلىق اۋرۋحانادان الىنعان سىنامالاردى الماتىداعى ۇلتتىق جوعارى ينفەكتسيالىق عىلىمي ورتالىعىنا جىبەرەمىز. بۇل ورتالىق جاڭا كوروناۆيرۋستى پتر-دياگنوستيكالاۋ ادىستەمەسىن يگەرگەن. سوڭعى 14 كۇندە كەلگەن 10 131 ادام قازىر مەديتسينالىق باقىلاۋدا» دەدى رەسمي وكىل.
ماڭىزدى مالىمدەمە بارىسىندا ول اعىمداعى جىلدىڭ 2-4 اقپان ارالىعىندا قازاقستانعا باسقا ەلدەردەن مەملەكەتتىك شەكارا پۋنكتتەرى ارقىلى 127 573 ادام كىرگەنىن, 2020 جىلدىڭ 1 قاڭتارىنان باستاپ 764 683 ادام كەلگەنىن اتاپ ءوتتى. ولاردان ەش قاۋىپ جوق ەكەنىن اتاپ كورسەتكەن رەسمي وكىل سوڭىندا جالعان اقپاراتتارعا جول بەرمەۋگە شاقىردى.
