اۋە قورعانىسى كۇشتەرىنىڭ باس قولباسشىسى اۆياتسيا گەنەرال-مايورى نۇرلان ورمانبەتوۆ باستاعان وفيتسەرلەر توبى وڭتۇستىك قازاقستان وبلىسىندا ورنالاسقان اۆياتسيالىق بولىمدە بولدى, دەپ حابارلادى قورعانىس مينيسترلىگىنىڭ ءباسپاسوز قىزمەتى.
اۋە قورعانىسى كۇشتەرىنىڭ باس قولباسشىسى اۆياتسيا گەنەرال-مايورى نۇرلان ورمانبەتوۆ 
باستاعان وفيتسەرلەر توبى وڭتۇستىك قازاقستان وبلىسىندا ورنالاسقان اۆياتسيالىق بولىمدە بولدى, دەپ حابارلادى قورعانىس مينيسترلىگىنىڭ ءباسپاسوز قىزمەتى.
كۇندىزگى جانە تۇنگى ۇشۋلاردى ورىنداۋ اۆياتسيالىق بولىمدەر جاۋىنگەرلىك ازىرلىگىنىڭ ماڭىزدى قۇرامداس بولىگى بولىپ تابىلدى. ونسىز اۆياتورلاردىڭ قىزمەتتىك ءىس-ارەكەتىن ەلەستەتۋ مۇمكىن ەمەس. ال توپتىڭ جۇمىسى بارىسىندا ميگ-29 جانە سۋ-25 ۇشاقتارىمەن ۇشۋ جانە قونۋ مىندەتتەرىن ورىنداۋعا ارنالعان ماقساتتى ۇشۋلار وتكىزىلدى.
ۇشۋدان كەيىنگى جينالىستا اۋە قورعانىسى كۇشتەرىنىڭ باس قولباسشىسى كوپتەگەن ۇشقىشتاردىڭ ۇشۋ ساعاتتارى بويىنشا كورسەتكىشتەرىنىڭ جوعارى ەكەنىن اتاپ ءوتتى. بۇل – كوككە كوتەرىلۋگە بەت العان جاس بۋىنعا بەرىلۋى ءتيىس باي تاجىريبەنىڭ ولشەمى.
– جالپى العاندا اسكەري اۋە كۇشتەرى بۇل ءبولىمنىڭ جەكە قۇرامى ۇشاقتى باسقارۋ تەحنيكاسىن جانە ونى جاۋىنگەرلىك قولدانۋدى جەتىك مەڭگەرگەن, – دەدى نۇرلان ورمانبەتوۆ.
سول كۇنى وسى بولىمدە تۇنگى وقۋ-جاتتىعۋ ۇشۋلارى بولدى. مۇنداي ۇشۋلاردى وتكىزۋ – ەلىمىزدىڭ اۋە كەڭىستىگىن كۇزەتۋ مەن قورعاۋ جونىندەگى مىندەتتەردى ورىندايتىن اسكەري ۇشقىشتاردىڭ شەبەرلىگىن ارتتىرۋعا ارنالعان مىندەتتى تالاپ.
«ەگەمەن-اقپارات».
