● ءبىر ءوزى ەكى التىن الدى. سولتۇستىك يرلانديانىڭ استاناسى بەلفاست قالاسىندا ءوتىپ جاتقان XV دۇنيەجۇزىلىك پوليتسەيلەر مەن ءورت سوندىرۋشىلەر ويىندارىندا قازاقستان قۇراماسىنىڭ كاپيتانى سەرىك نۇرعاليەۆ ەكى بىردەي التىن مەدال جەڭىپ الدى.
ول بەنچپرەسس (جاتىپ سىعىمداپ كوتەرۋ) جانە پۋشپۋلليفتينگ (كۇشتىك قوسسايىس) تۇرلەرىندە ۇزدىك ناتيجە كورسەتتى.
● ءبىر ءوزى ەكى التىن الدى. سولتۇستىك يرلانديانىڭ استاناسى بەلفاست قالاسىندا ءوتىپ جاتقان XV دۇنيەجۇزىلىك پوليتسەيلەر مەن ءورت سوندىرۋشىلەر ويىندارىندا قازاقستان قۇراماسىنىڭ كاپيتانى سەرىك نۇرعاليەۆ ەكى بىردەي التىن مەدال جەڭىپ الدى.
ول بەنچپرەسس (جاتىپ سىعىمداپ كوتەرۋ) جانە پۋشپۋلليفتينگ (كۇشتىك قوسسايىس) تۇرلەرىندە ۇزدىك ناتيجە كورسەتتى.
● مىقتىلار ءتىزىمى جاريالاندى. جاقىندا بۇكىلالەمدىك ۆەلوسپورت وداعىنىڭ (UCI) جاڭا رەيتينگىسى جاريالاندى. وندا جەكەلەگەن ۆەلوسپورتشىلار ءتىزىمىن بيىلعى جىلعى «تۋر دە فرانس» كوپكۇندىگىنىڭ جەڭىمپازى بريتاندىق كريستوفەر فرۋم باستادى.
«استانا» كومانداسىنىڭ ۇزدىك ۆەلوشاباندوزى ۆينچەنتسو نيبالي 8-ورىنعا ورنالاستى. كوماندالار اراسىندا «استانا» 5-ورىنعا جايعاستى.
● گولوۆكينگە قارسىلاس تابىلماي جاتىر. WBA/IBO تۇجىرىمدارى بويىنشا ورتا سالماقتاعى الەم چەمپيونى گەننادي گولوۆكيننىڭ كەلەسى قارسىلاسى 28 جاسار امەريكالىق كەرتيس ستيۆەنس بولۋى مۇمكىن دەلىنۋدە.
● جالقى التىن جۇلدە. بولگاريانىڭ استاناسى سوفيا قالاسىندا ەستۋ قابىلەتى تومەن سپورتشىلار اراسىندا وتكەن دۇنيەجۇزىلىك جازعى سۋردوليمپيادا ويىندارى اياقتالدى. وندا سپورتتىڭ التى ءتۇرى بويىنشا سىنعا تۇسكەن قازاقستان سپورتشىلارى ءبىر التىن جۇلدەنى يەلەنىپ, جالپىكوماندالىق بەيرەسمي ەسەپتە ۇزدىك وتىزدىقتىڭ قاتارىنا ەندى.
ال جالعىز التىن جۇلدەنى 60 كگ. سالماقتا كۇرەسكەن بالۋانىمىز عابيت ەسجانوۆ جەڭىپ الدى.
● پەرۆاك وتانىنا ورالدى. جاقىندا وسى كەزگە دەيىن تەننيستەن قازاقستان اتىنان جارىسقا قاتىسقان رەسەيلىك كسەنيا پەرۆاك وتانىنا قايتا ورالدى. ەندى ول رەسەي اتىنان جارىستارعا قاتىساتىن بولادى.
وسىعان دەيىن كسەنيا پەرۆاكتىڭ رەسەيگە ورالاتىنى جايلى رەسەي تەننيس فەدەراتسياسى حابارلاعان ەدى. بىراق قازاقستان تەننيس فەدەراتسياسى بۇل اقپاراتتىڭ شىندىققا جاناسپايتىنىن, پەرۆاكتىڭ رەسەيگە كەتۋگە ەشقانداي ويى جوقتىعىن مالىمدەگەن. الايدا...
● بالۋاندارىمىز جاتتىعۋ جيىندارىندا. وسى كۇندەرى ەلiمiزدiڭ گرەك-ريم جانە ەركiن كۇرەستەن ۇلتتىق قۇرامانىڭ كەيبiر مۇشەلەرi قىتايدا جاتتىعۋ جيىنىن وتكiزiپ ءجۇر.
ولاردىڭ قاتارىندا جاسۇلان سادىقوۆ, تيمۋر تاشماعامبەتوۆ, ازامات شاعاپ ۇلى, نۇرعالي جولاەۆ, جانبولات ماعزۇموۆ, ابىلايحان نۇرسۇلتانوۆ, ميحايل يزوتوۆ بار.
● تۋعان كۇنىنە كەرەمەت سىي. قاراعاندىلىق «شاحتەر» كلۋبىنىڭ ويىنشىسى ماقسات بايجانوۆ 6 تامىزدا ءوزىنىڭ 29 جاسقا تۋعان كۇنىندە «سكەربەندەۋ» قاقپاسىنا ەكىنشى گولدى سوعىپ, ءوز-وزىنە تاماشا سىي جاسادى. بۇعان دەيىن «اقتوبە» كومانداسىنىڭ شابۋىلشىسى سەرگەي گريدين دە تۋعان كۇنىندە ەۋروپا ليگاسىنىڭ العاشقى ىرىكتەۋ كەزەڭىندە قارسىلاستار قاقپاسىنا دوپ سوعىپ, وزىنە سىي جاساعان ەدى.
● ەڭ اۋقاتتى سپورتشىلار. جاقىندا «Forbes» جۋرنالىنىڭ 2013 جىلدىڭ ەڭ باي سپورتشىسى رەتىندە رەسەي تەننيسشىسى ماريا شاراپوۆانىڭ ەسىمىن اتادى. 2012 ماۋسىم مەن 2013 جىلدىڭ شىلدە ارالىعىندا شاراپوۆا 29 ميلليون دوللار پايدا تاپقان كورىنەدى.
● ءجۇز جىلدىقتىڭ كۇنى بەلگىلەندى. قازاق فۋتبولىنىڭ 100 جىلدىق مەرەيتويى اتالىپ وتەتىن كۇن بەكىتىلدى. شىعىس قازاقستان وبلىستىق تۋريزم, دەنە شىنىقتىرۋ جانە سپورت باسقارماسىنىڭ مالىمەتىنە سۇيەنسەك, مەرەيتوي 21-22 قىركۇيەكتە سەمەي قالاسىندا وتەدى. تورقالى تويعا كەشەگى كەڭەستىك داۋىردەگى اتى اڭىزعا اينالعان «سپارتاك» (ماسكەۋ), «دينامو» (تبيليسي), «قايرات» (الماتى), «رۋبين» (قازان), «ۆوستوك» (وسكەمەن), «سپارتاك» (سەمەي) فۋتبول كلۋبتارىنىڭ ارداگەرلەرى قاتىسىپ, سەمەيدەگى «سپارتاك» ستاديونىندا جولداستىق كەزدەسۋلەر وتكىزەدى.
● كەزەكتى تۋر باستالادى. ۆولەيبولدان ەلىمىزدىڭ ايەلدەر قۇراما كومانداسى بۇكىلالەمدىك گران-پري جارىسىنا قاتىسۋدى ودان ءارى جالعاستىرۋدا. ەندى ولار 9-11 تامىز كۇندەرى پولشانىڭ پلوتسك قالاسىندا وتەتىن جارىسقا قاتىسادى. ءبىزدىڭ قىزدار جاپونيا, گەرمانيا جانە پولشا قۇرامالارىمەن «H» توبىندا باق سىناسادى. ال 16-18 تامىز كۇندەرىنە بەلگىلەنگەن ءۇشىنشى تۋرداعى «K» توبىنىڭ ويىندارى الماتىدا وتەدى. بۇل توپتا قازاقستان برازيليا, كۋبا جانە نيدەرلاندى قۇرامالارىمەن كەزدەسەدى.
«ەگەمەن-اقپارات».
