ء«بىز, تۇركىستان قالاسىنا تاريحي مارتەبە بەرۋ – ەلباسىنىڭ جوباسى ەكەنىن ەستەن شىعارماۋىمىز كەرەك. سول سەبەپتى, تاريحي قالانىڭ ەرەكشەلىگىن ساقتاي وتىرا, ونى زاماناۋي باعىتتا دامىتۋدىڭ نەگىزگى ءۇش باعىتىن جۇزەگە اسىرىپ كەلەمىز. ول ءۇش باعىتتىڭ ءبىرى – تاريحي-مادەني ايماق. ەكىنشىسى – اكىمشىلىك-ىسكەرلىك ورتالىق, ءۇشىنشىسى – ەسكى قالانى جاڭعىرتۋ», – دەدى وبلىس اكىمى. قالا تۇرعىندارى مەن جاڭادان قونىستانۋشىلار تاراپىنان بۇگىندە تۇرعىن ۇيگە دەگەن سۇرانىس ارتۋدا. بۇل ورايدا, سالىناتىن تۇرعىن ۇيلەردىڭ سانىن ارتتىرۋ جانە سىرتقى كەلبەتى مەن ساپاسىنا ءمان بەرۋ ماڭىزدى. «باستى ماقسات – تۇركىستان قالاسىن تۇرعىندارى مەن قوناقتارىنا جايلى, قاۋىپسىز, تازا, كورىكتى دە اسەم قالاعا اينالدىرۋ», – دەدى ءو. شوكەەۆ.
بۇگىندە اكىمشىلىك - ىسكەرلىك ورتالىعىندا جالپى اۋدانى 575,8 مىڭ شارشى مەتر نەمەسە 7459 پاتەردى قۇرايتىن 156 كوپقاباتتى تۇرعىن ءۇيدىڭ قۇرىلىسى جۇرگىزىلۋدە. وتكەن جىلدىڭ قورىتىندىسىمەن 32 ءۇيدىڭ قۇرىلىسى اياقتالىپ, 1701 پاتەر پايدالانۋعا بەرىلگەن. سونداي-اق 2019 جىلى قالا بويىنشا 100 كوشە اسفالتتالسا, بيىل تاعى دا 100 كوشەگە اسفالت توسەلەتىن بولادى.
