ءبىر ءنومىرىن جىبەرمەي وقىپ وتىراتىن «ەگەمەننىڭ» 6 تامىز كۇنگى سانىنداعى گۇلايىم شىنتەمىرقىزىنىڭ «كەزدەسەيىك... بىراق؟» اتتى ماقالاسى ماعان بىردەن وي سالدى دا قولىما قالام الدىم. كەزىندە قازاق سسر ىشكى ىستەر ءمينيسترى بولعان شىراقبەك قابىلباەۆ, كوپ جىلدار قازاق سسر قارجى ءمينيسترى قىزمەتىن ابىرويمەن اتقارعان رىمبەك بايسەيىتوۆ, قازاقتان شىققان تۇڭعىش دەرەكتى فيلم رەجيسسەرى وراز ابىشەۆ, اكادەميك رىمعالي نۇرعاليەۆ, عىلىم وكىلدەرى اسقار قۇسايىنوۆ پەن بولاتبەك ناسەنوۆ, كورنەكتى جازۋشى مەدەۋ سارسەكە وقىعان ابىرالى وڭىرىندەگى قاينار ورتا مەكتەبىنە بيىل 92 جىل تولدى. سودان بەرى بۇل ءبىلىم ۇياسى مىڭداعان تۇلەكتى ۇشىردى. ولاردىڭ قاي-قايسىسى بولماسىن وسى مەكتەپتى ءاردايىم ەسكە الىپ, ساعىنىشپەن باس قوسىپ وتىرادى.
ءبىر ءنومىرىن جىبەرمەي وقىپ وتىراتىن «ەگەمەننىڭ» 6 تامىز كۇنگى سانىنداعى گۇلايىم شىنتەمىرقىزىنىڭ «كەزدەسەيىك... بىراق؟» اتتى ماقالاسى ماعان بىردەن وي سالدى دا قولىما قالام الدىم. كەزىندە قازاق سسر ىشكى ىستەر ءمينيسترى بولعان شىراقبەك قابىلباەۆ, كوپ جىلدار قازاق سسر قارجى ءمينيسترى قىزمەتىن ابىرويمەن اتقارعان رىمبەك بايسەيىتوۆ, قازاقتان شىققان تۇڭعىش دەرەكتى فيلم رەجيسسەرى وراز ابىشەۆ, اكادەميك رىمعالي نۇرعاليەۆ, عىلىم وكىلدەرى اسقار قۇسايىنوۆ پەن بولاتبەك ناسەنوۆ, كورنەكتى جازۋشى مەدەۋ سارسەكە وقىعان ابىرالى وڭىرىندەگى قاينار ورتا مەكتەبىنە بيىل 92 جىل تولدى. سودان بەرى بۇل ءبىلىم ۇياسى مىڭداعان تۇلەكتى ۇشىردى. ولاردىڭ قاي-قايسىسى بولماسىن وسى مەكتەپتى ءاردايىم ەسكە الىپ, ساعىنىشپەن باس قوسىپ وتىرادى.
كەيبىر كەزدەسۋگە كەلگەندەردىڭ اس ءىشىپ, اياق بوساتاتىنى ءوز الدىنا, سونداي كەزدەردە ارتى توبەلەسكە ۇلاسىپ, ادام ولىمىنە اكەلىپ سوققان جاعدايلار دا ورىن العان بولاتىن. تاۋبە, سوڭعى جىلدارى مۇنداي كەزدەسۋلەردىڭ ءمانى دە, ماعىناسى دا وزگەردى. ساعىنىشپەن مەكتەبىنە ورالعان تۇلەكتەر ەڭ الدىمەن اۋىل ورتالىعىنداعى مەشىتكە بارىپ, دۇنيەدەن وتكەن مۇعالىمدەرى مەن سىنىپتاستارىن ەسكە الىپ, قاتىم تۇسىرەدى. ءبىلىم ۇياسىنا بارىپ, كوزى ءتىرى ۇستازدارىمەن قاۋىشادى. ەڭ باستىسى, كەزدەسۋگە بارعان تۇلەكتەر ءبىر سىنىپتىڭ م ۇلىكتەرى مەن قۇرال-جابدىقتارىن تۇگەلدەي جاڭارتىپ بەرۋدى داستۇرگە اينالدىرعانى قۋانتادى. بۇل جاقسى ءىستى قازىرگى مەكتەپ ديرەكتورى, ول كەزدە مۇعالىم بولعان بەرىك سارسەنبەكوۆتىڭ سىنىپتاستارى باستاعان ەدى. ولار توزىڭقىراپ كەتكەن سپورت زالىن تانىماستاي وزگەرتتى. سپورت قۇرالدارىن الىپ كەلدى. قاينار ورتا مەكتەبىنىڭ ەرلى-زايىپتى ۇستازدارى, بۇگىندە ومىردەن وتكەن ساتتار تۇسىپبەكوۆ پەن قاتيرا اۋباكىروۆانىڭ بالالارى تاريح جانە گەوگرافيا كابينەتتەرىن بۇگىنگى تالاپقا ساي جابدىقتاپ بەردى.
بىلتىر بىتىرگەندەرىنە 40 جىل بولعان تۇلەكتەر «مەيزەك» ءان-بي ۇلگىلى بالالار ءانسامبلىنىڭ بارلىق مۇشەلەرىنە جاڭا كيىمدەر تىكتىرىپ بەردى. ءبارى جيىلىپ بارىپ, اۋىل ىرگەسىندەگى بۇلاق كوزىن ارشىپ, تاعى ءبىر يگى ءىستىڭ باستاماشىسى بولدى. تۇلەكتەردىڭ ءوز ءومىر جولدارى جايلى جازعان ەستەلىكتەرىن مەكتەپتى 1972 جىلى بىتىرگەن ازامات, ەلىمىزگە بەلگىلى مەتسەنات, «جامبىلگيپس» اشىق اكتسيونەرلىك قوعامىنىڭ پرەزيدەنتى قايناربەك قۇسايىنوۆ كىتاپ ەتىپ شىعاردى. بەس جىلدان بەرى قۇسايىنوۆتار اۋلەتى مەكتەپتى ەڭ ۇزدىك بىتىرگەن ءبىر تۇلەككە 100 مىڭ تەڭگە سىياقى تاپسىرىپ وتىرۋدى ادەتكە اينالدىردى. مەكتەپتى 1968 جىلى كۇمىس مەدالمەن اياقتاعان اكادەميك اسقاربەك قۇسايىنوۆ كەزدەسۋگە كەلگەن كەزىندە مەكتەبىنە 15 كومپيۋتەر, ينتەراكتيۆتى تاقتا سىيعا تارتقانىن, بولاتبەك ناسەنوۆ پەن رىمعالي نۇرعاليەۆ اعالارىمىز ءوز ەڭبەكتەرىنەن مەكتەپ كىتاپحاناسىنا جۇزدەگەن كىتاپتار بەرگەنىنە كۋا بولعانىم بار. مەكتەپتىڭ 1971 جىلعى تۇلەگى, عىلىم دوكتورى, پروفەسسور سەرعازى دۇيسەنباەۆ تا وسىدان ەكى جىل بۇرىن بولعان 40 جىلدىق كەزدەسۋدە ءبىر شاكىرتكە 100 مىڭ تەڭگە مولشەرىندە ستيپەنديا تاعايىندادى.
سونداي-اق, كەزدەسۋگە بارعان ءبىر كەزدەگى شاكىرتتەر ءوز كۇشتەرىمەن كونتسەرتتىك باعدارلاما ۇسىنىپ, كوپتەن كورمەگەن اۋىلداستارىنا جاقسى كوڭىل كۇي سىيلاۋدى دا ۇمىت قالدىرماي كەلەدى. مۇنداي جاقسى باستامالار قاسيەتتى قاينار ەلىندە, سان جىلدىق تاريحى بار قاينار ورتا مەكتەبىندە ءوز جالعاسىن تابا بەرەتىنى ءسوزسىز.
بەيبىتبەك ابدىكارىموۆ,
جۋرناليست.
استانا.
