ەل اۋماعى بويىنشا ۆيرۋستىڭ تارالۋىنا جول بەرمەۋ ماقساتىندا دوستىق جانە التىنكول ستانسالارىنا كەلگەن پويىز جولاۋشىلارى مەن بريگادالارى قىزمەتكەرلەرىن قازاقستاندىق سانيتارلىق قىزمەتى تەكسەرىستەن وتكىزەدى. ولار تەپلوۆيزور ارقىلى جول جۇرۋشىلەردىڭ جاعدايىن تەكسەرەدى جانە قالىن سۇراپ-بىلەدى. سودان كەيىن جولاۋشىلار مەن پويىز بريگاداسى قىزمەتكەرلەرىنە شەكارالىق جانە كەدەندىك تەكسەرىستەر جۇرگىزىلەدى.
ۇلتتىق تاسىمالداۋشى جولسەرىكتەرمەن تۇراقتى نەگىزدە نۇسقاۋلىقتار وتكىزىلىپ, اۋىرىپ قالعان جولاۋشىنى انىقتاۋ كەزىندە پويىز باستىعىنىڭ ءىس-ارەكەتىن رەگلامەنتتەيتىن, جولاۋشىلار نەمەسە پويىز بريگاداسى قىزمەتكەرىنىڭ كوروناۆيرۋسپەن اۋىرىپ قالۋ كۇدىگى تۋىنداعان كەزدە جولاۋشىلار پويىزى باستىعى ءۇشىن نۇسقاۋلىق ازىرلەندى.
جولاۋشىلار پويىزىنىڭ قوزعالىسى كەزىندە جولاۋشىلار مەن قىزمەت كورسەتۋ پەرسونالىنىڭ كوروناۆيرۋسپەن اۋىرىپ قالۋى كۇدىگى تۋعاندا جولاۋشىلار پويىزىنىڭ باستىعى جەدەل تۇردە پويىز ءماشينيسى ارقىلى مەديتسينالىق پۋنكت ورنالاسقان ستانسانىڭ كەزەكشىسىن نەمەسە ۆوكزال بويىنشا كەزەكشىنى اقپاراتتاندىرۋى كەرەك.
پويىزدىڭ توقتاۋ پۋنكتىنە كەلۋىنە دەيىن ول العاشقى ىندەتكە قارسى شارالاردى (اۋرۋدى وزگە جولاۋشىلاردان بولەكتەۋ, اۋرۋ جولاۋشى ورنالاسقان ۆاگون بويىنشا ادامداردىڭ قوزعالىسىنا تىيىم سالۋ, ءاربىر 30 مينۋت سايىن شاي ىدىستارىن, ەدەندى, سانيتارلىق توراپتى جانە وزگەلەرىنە دەزينفەكتسيا جۇرگىزۋ) وتكىزۋگە مىندەتتى.
بۇگىنگى تاڭدا ۋاكىلەتتى ورگانمەن كەلىسىمى بويىنشا اتالعان پويىزداردىڭ ۋاقىتشا توقتاتىلۋى جونىندەگى راسىمدەر وتكىزىلۋدە.
دەنساۋلىق ساقتاۋ مينيسترلىگى وكىلدەرىنىڭ قاتىسۋىمەن الماتى جانە نۇر-سۇلتان قالالارىندا نۇسقاۋلىقتار وتكىزىلدى. سونداي-اق پويىز بريگادالارىنىڭ قىزمەتكەرلەرى تىنىس الۋ ماسكالارىمەن جابدىقتالعان جانە ونى ۇنەمى تاعىپ ءجۇرۋ تۋرالى ەسكەرتىلگەن.
بۇدان باسقا, قازاقستان مەن قىتاي اراسىندا تەمىر جول كولىگىمەن باگاج جانە قول جۇگىن الىپ جۇرۋگە باقىلاۋ كۇشەيتىلگەن.
