يندۋستريا جانە ينفراقۇرىلىمدىق دامۋ ءبىرىنشى ۆيتسە-ءمينيسترى قايىربەك وسكەنباەۆ اتالعان زاڭ تۇرعىن ءۇي-كوممۋنالدىق شارۋاشىلىعى سالاسىن رەفورمالاۋعا, ونىڭ ىشىندە كوپتەگەن نورمالارى جەتىلدىرۋدى قاجەت ەتەتىن «تۇرعىن ءۇي قاتىناستارى تۋرالى» زاڭىن جەتىلدىرۋگە باعىتتالعانىن اتاپ ءوتتى.
«زاڭ جوباسى كەلەسى نەگىزگى ماسەلەلەردى شەشۋگە باعىتتالعان. ء«بىر ءۇي – ءبىر بىرلەستىك – ءبىر شوت» قاعيداتى بويىنشا «م ۇلىك يەلەرىنىڭ بىرلەستىگى» كوممەرتسيالىق ەمەس ۇيىمىنىڭ جاڭا نىسانىن قۇرۋ جولىمەن باسقارۋ ورگاندارىنىڭ قىزمەتىن رەتتەۋ. وزدەرىڭىز بىلەتىندەي, ەلىمىزدە تۇرعىن ءۇي كوممۋنالدىق شارۋاشىلىعى ماسەلەلەرى بويىنشا زاڭ قابىلدانىپ, ءتيىستى نورمالار كۇشىنە ەنگەلى جاتىر. تۇكش دەگەندە ەڭ الدىمەن, پيك جۇمىستارىنا قاتىستى شاعىمدار وتە كوپ بولاتىن. سەبەبى پيك جۇمىستى باستان اياق ءوزى اتقارادى. ياعني, پيك اتقارىلعان جۇمىسقا ءوزى باعا بەرىپ, جينالعان اقشاعا ساي ءتيىستى تولەمدەردى جۇرگىزىپ وتىراتىن. سول سەبەپتى م ۇلىك يەسى مەن قىزمەت كورسەتەتىن كومپانيانىڭ قۇقىعىنىڭ ارا جىگىن اجىراتىپ الۋ كەرەك بولدى. تۇرعىندار وزىنە قىزمەت كورسەتەتىن كومپانيانىڭ جۇمىسىنا پىكىرىن بىلدىرە الادى. وسىعان بايلانىستى ءار ءۇيدىڭ ءوز شوتى بولۋ كەرەك دەگەن شەشىمگە كەلدىك. ياعني, مۇنداعى جۇيە ء«بىر ءۇي – ءبىر بىرلەستىك – ءبىر شوت» بويىنشا قۇرالادى. ءاربىر م ۇلىكتىڭ مەنشىك يەلەرى بىرلەستىگى نەمەسە جاي سەرىكتەستىك وزدەرىنىڭ اعىمداعى جانە جيناق شوتتارىن اشاتىن بولادى. اتالعان شارا پاتەر يەلەرى كووپەراتيۆتەرى جانە باسقارۋشى كومپانيالار تاراپىنان قىزمەتتەر مەن تاريفتەردى تۇرعىندارعا كۇشتەپ تاڭۋدى جويۋعا مۇمكىندىك بەرەدى جانە تۇرعىنداردىڭ قاراجاتىن اشىق جۇمسالۋىن قامتاماسىز ەتەدى», دەدى ق.وسكەنباەۆ.
سونىمەن قاتار ول اتالعان زاڭ كوندومينيۋم وبەكتىسىن تىركەۋدى جەڭىلدەتەتىنىن ايتتى.
«بۇگىندە كوپپاتەرلى تۇرعىن ۇيلەردىڭ كوندومينيۋم وبەكتىسى رەتىندە تىركەلۋىنىڭ تومەندىگى ءارتۇرلى سەبەپتەر بويىنشا بايقالادى: تىركەۋ پروتسەدۋرالارىنىڭ قيىندىعى, ۇيگە قاجەتتى قۇجاتتاردىڭ بولماۋى (تەحنيكالىق پاسپورت, جەر ۋچاسكەلەرىنە اكتىلەر جانە باسقالارى). قولدانىستاعى 78 مىڭ كوپپاتەرلى تۇرعىن ءۇيدىڭ تەك 21 مىڭى عانا (نەمەسە 27 پايىزى) كوندومينيۋم وبەكتىسى رەتىندە تىركەلگەن. ازاماتتارعا جايلى جاعدايلار جاساۋ ماقساتىندا قولدانىستاعى كوپپاتەرلى تۇرعىن ۇيلەردىڭ كوندومينيۋم وبەكتىسىنىڭ ورتاق مۇلكىن انىقتاي وتىرىپ, مەملەكەتتىك تەحنيكالىق بايقاۋىن قامتاماسىز ەتۋ, مەملەكەتتىك تىركەۋگە قۇجاتتاردى قالىپتاستىرۋ جانە ۇسىنۋ بويىنشا مىندەتتەمەلەر جەرگىلىكتى اتقارۋشى ورگاندارعا جۇكتەلدى جانە جەرگىلىكتى بيۋدجەت قاراجاتى ەسەبىنەن جۇزەگە اساتىن بولادى. تىركەۋ پروتسەدۋراسى ماكسيمالدى جەڭىلدەتىلىپ, ءوتىنىش ەكى مەنشىك يەسىنەن بەرىلەدى, مەرزىمى 1 جۇمىس كۇنىنە دەيىن قىسقارتىلىپ, وبەكتىلەردى تىركەۋ پروتسەسىن اۆتوماتتاندىرۋ قاراستىرىلعان جانە قۇقىق بەلگىلەۋشى قۇجاتتاردىڭ نوتاريالدى كوشىرمەسىن ۇسىنۋ الىنىپ تاستالدى», دەدى يندۋستريا جانە ينفراقۇرىلىمدىق دامۋ ءبىرىنشى ۆيتسە-ءمينيسترى.
سپيكەرلەردىڭ ايتۋىنشا, زاڭ بويىنشا تۇرعىن ۇيلەرگە كۇردەلى جوندەۋ جۇمىسىنىڭ تارتىبىنە دە جاڭا نورمالار ەنگىزىلدى. بىرىنشىدەن, بۇل باعىتتا الداعى ەكى جىل ءۇشىن رەسپۋبليكالىق بيۋدجەتتەن 30 ملرد تەڭگەگە جۋىق قاراجات بولىنگەن. ول ءۇشىن جەرگىلىكتى اتقارۋشى ورگاندار شۇعىل كۇردەلى جوندەۋدى تالاپ ەتەتىن تۇرعىن ۇيلەر بويىنشا جوبالىق-سمەتالىق قۇجاتتامالاردى ازىرلەۋى كەرەك. وسىدان كەيىن اتالعان ۇيلەردىڭ تۇرعىندارىمەن كەلىسىم جاسالادى. ايتا كەتەتىن جايت, تۇرعىن ءۇي كوممۋنالدىق شارۋاشىلىعى ماسەلەلەرى بويىنشا زاڭ قابىلدانىپ قويعان. الداعى ەكى ايدىڭ ىشىندە ءتيىستى جۇمىستاردىڭ ءبارى ۇيلەستىرىلىپ, ناۋرىز ايىنان باستاپ وسى زاڭ ءتارتىبى بويىنشا ءتيىستى جۇمىس باستالادى.
