ايگىلى مامان بارلىق كاسىپكەرلەر مەن جاۋاپتى قىزمەتتەگى ادامداردى ءالسىز مەسسەندجەرمەن جۇمىس ىستەمەۋگە شاقىرىپ وتىر. شابۋىل شەتەلدىك بيلىك تاراپىنان ۇيىمداستىرىلعانى جانە باسقاداي دا كوپتەگەن شەنەۋنىكتەر مەن كاسىپكەرلەر بۇل تورعا ءتۇسىپ «جەم» بول بولعانى جوبالانادى.
دۋروۆ مىرزا بىرىككەن ۇلتتار ۇيىمى قىزمەتكەرلەرى مەن الپاۋىت مەملەكەتتەر باسشىلارىنا تەك قانا جاڭا سمارتفون الىپ, وعان بۇدان بىلاي WhatsApp ورناتپاۋىنا اقىل-كەڭەس بەرىپ وتىر. ول Facebook كومپانياسىنىڭ قۇپيا ساقتاۋ ساياساتىن قاتتى سىنعا الدى. ال, ءوز كەزەگىندە مارك تسۋكەربەرگتىڭ قاراماعىنداعىلار پروبلەما مەسسەندجەردە ەمەس, Apple-ءدىڭ پروگرامماسىنان بولعانىن ايتۋدا.
وتپەلى شيفرلاۋ ەشقانداي دا قاۋىپسىزدىك ءۇشىن كەپىل بولا المايتىنىن ءسوز ەتكەن دۋروۆ Apple مەن Facebook ءوز ونىمدەرىنىڭ كەمشىن تۇستارىن ادەيى جويماي وتىرعاندىعىن ايتتى. ونىڭ ايتۋىنشا بىلتىر, 2019 جىلى عانا سىنعا ۇشىراپ وتىرعان مەسسەندجەردىڭ پايدالانۋشىعا اسا قاۋىپتى 12 قاتەسىن تاپقان.
بىلتىر كۇزدە عانا اقش, ۇلىبريتانيا مەن اۋستراليا كۇشتىك قۇرىلىمدار مەن ارنايى قىزمەتتەر كەرەك كەزىندە پايدالانۋشىلاردىڭ حات-حابارلارىنا كىرە الۋى ءۇشىن Facebook باسشىلىعىن WhatsApp مەسسەندجەرىندەگى شيفرلاۋدى باسەڭدەتۋ تۋرالى سۇراعان ەدى. سۇراۋ سالۋشىلار مۇنداي وتىنىشتەرىن تەك بالالار قاۋىپسىزدىگى ءۇشىن جاساپ وتارعاندارىن تىلگە تيەك ەتكەن.
Facebook باسشىسى مارك تسۋكەربەرگ ءوز كەزەگىندە بەكدورعا ءۇزىلدى-كەسىلدى قارسى ەكەنىن جەتكىزگەن. بەكدوردىڭ نەگىزگى قىزمەتى شيفرلانعان جانە قورعالعان مالىمەتتەرگە قۇپيا تۇردە كىرۋ بولىپ تابىلادى. بىلتىر رەسەيدە Telegram-عا تيىم سالىناردىڭ الدىندا دۋروۆ ءوز مەسسەندجەرىندە وسى بەكدور جوعىن ايتىپ, بيلىك وكىلدەرىنە ەشقانداي دا شيفر كىلتىن بەرمەيتىنىن ەسكەرتكەن ەدى.
