القالى جيىن بارىسىندا ساپارحان وماروۆ فەرمەرلەر وداعىنىڭ مۇشەلەرىن جاڭا پرەزيدەنتى بولىپ جيگۋلي دايراباەۆتىڭ سايلانۋىمەن قۇتتىقتادى. سونداي-اق مينيستر بۇعان دەيىن قفو مۇشەلەرىنىڭ كوپشىلىگىمەن ءداستۇرلى سەنبىلىك كەزدەسۋلەر شەڭبەرىندە كەزدەسكەنىن ايتتى. ال تولىق قۇرامداعى العاشقى كەزدەسۋ ەكەنىن اتاپ ءوتتى.
قفو مۇشەلەرى اشم مينيسترىنە اۋىل شارۋاشىلىعىنىڭ بارلىق وزەكتى ماسەلەلەرى تۋرالى اشىق ايتتى. ونىڭ ىشىندە گەربيتسيدتەرگە سۋبسيديا الۋ ماسەلەلەرى, سونداي-اق ءسۇتتى جانە ەتتى مال شارۋاشىلىعىنداعى قازىرگى جاعداي دا كەڭىنەن تالقىلاندى.
اتاپ ايتقاندا, فەرمەرلەر «مال شارۋاشىلىعىن دامىتۋ» باعدارلاماسىندا ولقىلىقتار جىبەرىلگەنىن العا تارتتى. ولاردىڭ پىكىرىنشە, مال باسىن كوبەيتۋ ءۇشىن «انگۋس» تۇقىمىنىڭ يمپورتىنا باسا نازار اۋدارىلعانى قاتەلىك. سەبەبى, بەلگيالىق سيىرلاردىڭ كورسەتكىشتەرى الدە قايدا جوعارى: بۇقا مەن سيىردىڭ ءتىرى سالماعى ايتارلىقتاي كوپ, سويىلعان كەزدە 80%-عا جۋىق, ال انگۋس 65%-عا جۋىق ەت بەرەدى. سونىمەن قاتار انگۋسقا قاراعاندا ءسۇتتى ەكەن.
سونىمەن قاتار قازاقستان فەرمەرلەر وداعىنىڭ وكىلدەرى اۋىل شارۋاشىلىعى مينيسترلىگى ءتىرى مالدىڭ ەكسپورتىنا 6 ايلىق موراتوري جاريالاۋىنا قاتىستى ويلارىن ورتاعا سالدى. فەرمەرلەر تولىقتاي اشم شەشىمىن قولدايدى. سونداي-اق قفو كەيبىر مۇشەلەرى تىيىم سالۋ مەرزىمىن 5 جىلعا دەيىن ۇلعايتۋدى ۇسىندى.
فەرمەرلەر كوتەرگەن ماسەلەر بويىنشا اشم باسشىسى مينيسترلىكتىڭ 2017-2021 جىلدارعا ارنالعان اوك دامىتۋ مەملەكەتتىك باعدارلاماسىن ىسكە اسىرۋ اياسىندا جۇيەلى ماسەلەلەردى شەشۋ بويىنشا جوسپارلى تۇردە جۇمىس ىستەپ جاتقانىن اتاپ ءوتتى. سوڭعى جىلى وسى باعىتتا ەلەۋلى قادامدار جاسالدى. اتاپ ايتقاندا, سالانىڭ جۇمىسىن ءتيىمدى جانە قازىرگى زامانعا ساي, ال ونىڭ ەرەجەلەرى تازا جانە بارشاعا تۇسىنىكتى ەتەتىن زاڭناماعا ەلەۋلى تۇزەتۋلەر ەنگىزىلدى. بۇدان باسقا, جەر پايدالانۋدىڭ تيىمدىلىگىن ارتتىرۋعا باعىتتالعان جاڭا وزگەرىستەر ازىرلەنۋدە.
جيىن سوڭىندا ساپارحان وماروۆ بىرلەستىك وكىلدەرىمەن ۇنەمى كەزدەسۋلەر وتكىزۋگە ۋادە بەردى. ۋاقىتتى ۇنەمدەپ, فەرمەرلەردى جۇمىستارىنان مازالاماۋ ءۇشىن بەينەكونفەرەنتسيا ارقىلى كەزدەسۋلەر وتكىزۋدى ۇسىندى.
«بۇگىنگى ءبىزدىڭ كەزدەسۋىمىز جەمىستى دە, جەڭىستى جۇمىستاردىڭ باستاماسى. ءىسىمىز ىلگەرى باسۋى ءۇشىن, قوردالانعان ماسەلەردى ورتاعا سالىپ تالقىلاپ, ءتيىمدى شەشۋ جولدارىن ۇسىنۋىمىز قاجەت. سوندىقتان اشىق پىاكىر الماسۋ ارقىلى بىرىگىپ جۇمىس ىستەۋگە شاقىرامىن», دەپ اتاپ ءوتتى ساپارحان وماروۆ.
