سۋرەت: zrpress.ru
قالايشا بەبي-بۋمەرلەر سمارتفوندى باسقالارعا قاراعاندا كوپ جاقسى كورەدى؟ وعان نەندەي سەبەپ بار؟ تالاي جىلدىڭ ءجۇزى بولدى, عالىمدار سمارتفوندى كىم كوپ قولدانادى دەپ زەرتتەۋلەر جاساپ ءجۇر. Nielsen كومپانياسىنىڭ زەرتتەۋلەرىنە سۇيەنسەك, 35 پەن 49 جاستاعى امەريكاندىقتار 18 بەن 34 جاستاعىلارعا قاراعاندا ينتەرنەتتى اپتاسىن 40 مينۋتقا كوپ قارايتىن بولىپ تۇر. بەبي-بۋمەرلەر ميللەنيالدارعا قاراعاندا گادجەتتەرىنە كوپ بايلانعان. ءتىپتى ولار ءشاي ءىشىپ وتىرسا دا, تۇسكى اسقا بارسا دا قاستارىنان سمارتفوندارىن ءبىر ەلى تاستامايتىن جانە كوز المايتىن كورىنەدى. نەلىكتەن بۇلاي بولدى ەكەن؟
Wired باسىلىمىنىڭ جازۋىنشا ادام ءومىرىنىڭ ءدال ورتاسى ونىڭ بارلىق مۇمكىندىكتەرىن بارىنشا سارپا پايدالانىپ قالۋعا تىرىساتىن كەزەڭ ەكەن. ورتا جاستاعى ادام ءوز وتباسىندا باستى تۇلعا ەسەبىندە بولعاندىقتان بارلىق اقپارات ءوزى ارقىلى وتەتىنىنە اسا سەنىمدى بولادى. ورتا جاستاعىلار ءوز بالالارىنان ماتىندىك نەمەسە FaceTime حابارلامالار السا, وزىنەن ۇلكەندەردەن, ياعني ءوز اتا-انالارىنان ەلەكەتروندىق حاتتار مەن قوڭىراۋ تۇرىندە تۇسەتىن حابارلامالاردى ءجيى قابىلدايدى.
سونىمەن قاتار بۇل جاستاعى ادامدار جۇمىسباستى جانە باسشىلىق قىزمەتتە بولعاندىقتان جۇمىس بابىندا دا مەسسەندجەرلەر مەن ەلەكتروندىق پوشتا ارقىلى كوپتەگەن اقپارات الادى. عالىمداردىڭ زەرتتەۋىنشە بۇل حابارلامالارعا جاۋاپ بەرۋ ءۇشىن عانا اپتاسىنا التىن ۋاقىتتىڭ 72 ساعاتى كەتەتىن كورىنەدى.
مىنە, ح بۋىننىڭ ينتەرنەتكە بايلانعانى, ونىڭ ىشىندە سمارتفوننان باس المايتىنى وسىدان بەلگىلى بولىپ وتىر. البەتتە, بارلىق ورتا جاستاعىلار مۇنداي ەمەس شىعار. بىراق كوپشىلىگىندە وسىنداي داعدى بار دەۋگە ابدەن نەگىز بار.
سولاي دەسەك تە, ح بۋىننىڭ باسقالاردان ارتىقشىلىعى دا بار. سمارتفونعا دىبىستىق بەلگى بەرىپ, كەلە قالعان ءاربىر حابارلامانى تەكسەرە قويايىن دەگەن قۇلشىنىس ادامنىڭ پسيحيكالىق دەنساۋلىعىنا كەرى اسەرىن تيگىزەرى ءسوزسىز. ال, ەندى الەۋمەتتىك جەلىلەردەگى وسەك-اياڭ مەن ويىندار تۋرالى اڭگىمە مۇلدە بولەك. سمارتفونىن ءبىر جەرگە قالدىرىپ كەتسە, بايبالام سالىپ, ابىگەر بولىپ قالۋ دا قاي-قايسىمىز ءۇشىن قيىن ماسەلە بولىپ تۇر. وسىلايشا, گادجەتكە بايلانۋ وڭاي ەمەس ماسەلە بولسا, ودان زارداپ شەگىپ, زيان كورىپ جاتقانداردىڭ جاعدايى تىپتەن قيىن بولۋدا.
وسى جاعىنان كەلگەندە ح بۋىن وزىنەن كەيىنگى ءۇ جانە Z بۋىندارعا قاراعاندا الدەقايدا ءتوزىمدى ەكەندىكتەرىن كورسەتىپ, اناۋ-مىناۋ پسيحيكالىق اۋىتقۋشىلىقتارعا بوي بەرمەيتىن كورىنەدى.
