كانوە ەسۋ. كانادانىڭ ۋەللەند قالاسىندا ءجاسوسپىرىمدەر مەن جاستار اراسىندا وتكەن الەم چەمپيوناتىندا قازاقستاندىق سەرگەي ەمەليانوۆ التىن جۇلدە جەڭىپ الدى. ول كانوە ەسۋ بويىنشا مىڭ مەترگە جەكەلەي جارىستا الدىنا جان سالمادى. وسى سىندا ەمەليانوۆ 200 مەترگە جەكەلەي جارىستا كۇمىس جۇلدەگە يە بولدى.
كانوە ەسۋ. كانادانىڭ ۋەللەند قالاسىندا ءجاسوسپىرىمدەر مەن جاستار اراسىندا وتكەن الەم چەمپيوناتىندا قازاقستاندىق سەرگەي ەمەليانوۆ التىن جۇلدە جەڭىپ الدى. ول كانوە ەسۋ بويىنشا مىڭ مەترگە جەكەلەي جارىستا الدىنا جان سالمادى. وسى سىندا ەمەليانوۆ 200 مەترگە جەكەلەي جارىستا كۇمىس جۇلدەگە يە بولدى.ال جاستار اراسىندا ءوتكەن 1000 مەترگە ەكىلىك جارىستا ماكسيم سينياۆسكي مەن ەۆگەني سافرونوۆ قولا ءجۇلدە الدى.
دزيۋدو. سولتۇستىك يرلانديانىڭ بەلفاست قالاسىندا پوليتسەيلەر جانە ءورت ءسوندىرۋشىلەر اراسىندا ءوتىپ جاتقان حV بۇكىلالەمدىك ويىنداردا اسحات ەلۋباەۆ (سۋرەتتە) التىن مەدالدى جەڭىپ الدى. بۇل سىندا ول فينالدا رۋمىنيالىق قارسىلاسىنا ادەمى ءادىس جاساپ, ايقىن باسىمدىقپەن ۇتتى. سونىمەن بىرگە, جارىستا تالعات قوجابەكوۆ (استانا قالاسى) 100 كيلوعا دەيىنگى سىندا كۇمىس جۇلدەنى يەلەنسە, اسقار جانداروۆ (وقو) قولا جۇلدەنى قاناعات تۇتتى. قازىر اسحات شقو ىشكى ىستەر دەپارتامەنتىنىڭ «ارلان» ارنايى جاساعىندا قىزمەت ەتەدى.
فۋتبول. كەشە تۇندە بەت قاتتالىپ جاتقاندا, قاراعاندىنىڭ «شاحتەر» كومانداسى البانيانىڭ تيرانا قالاسىندا كورچا قالاسىنىڭ «سكەندەربەۋ» كلۋبىمەن ۋەفا چەمپيوندار ليگاسىنىڭ ءۇشىنشى كەزەڭىندەگى ەكىنشى ماتچىن وتكىزدى. بۇعان دەيىن استانادا وتكەن العاشقى ماتچتا «شاحتەر» قارسىلاستارىن 3:0 ەسەبىمەن جەڭگەن بولاتىن. وسى ويىندا قاراعاندىلىقتاردىڭ ءوز باسىمدىعىن ساقتاپ قالسا, ەلىمىز تاريحىندا العاش رەت چەمپيوندار ليگاسىنىڭ پلەي-وفف كەزەڭىنە شىققان كوماندا اتانادى.
باسكەتبول. فيليپپين استاناسى مانيلادا ەرلەر اراسىندا ءوتىپ جاتقان ءححVىى ازيا چەمپيوناتىندا قازاقستان قۇراماسى العاشقى توپتىق كەزەڭدەگى ءۇش ويىنىندا جەڭىسكە جەتىپ, كەلەسى كەزەڭگە ءوتتى. كوماندا ءبىرىنشى توپتىق كەزەڭنىڭ «D» توبىندا باحرەين, ءۇندىستان مەن تايلاند قۇرامالارىن ارتقا تاستاپ, ەكىنشى كەزەڭگە شىقتى. الدىڭعى كۇنى قىتاي قۇراماسىمەن كەزدەسىپ, 67:73 ەسەبىمەن ۇتىلىپ قالدى. كەشە وتانداستارىمىز وڭتۇستىك كورەيا كومانداسىمەن كەزدەستى.
ۆولەيبول. وسى كۇندەرى الەمنىڭ ءتورت بۇرىشىندا ايەلدەر اراسىندا «بۇكىلالەمدىك گران پري» ءتۋرنيرى وتۋدە. بيىل جيىرما ءبىرىنشى رەت جالاۋى جەلبىرەگەن جارىسقا ءبىزدىڭ ەلدىڭ قۇراماسى دا قاتىسۋدا. ال جالپى تۋرنيردە 20 ەلدىڭ وكىلدەرى كۇش سىناسىپ جاتىر.
قازاقستان قۇراماسى يتاليادا «ە» توبىنا كىرەتىن ارگەنتينا, گەرمانيا جانە يتاليا قۇرامالارىمەن وينادى. وكىنىشكە قاراي, وتانداستارىمىز بارىندە دە ۇتىلىپ قالدى.
ەندى قۇراما ەكىنشى تۋردىڭ ويىندارىنا قاتىسادى. ولار 9-11 تامىز كۇندەرى پولشانىڭ پلوتسك قالاسىندا وتەدى. ءبىزدىڭ قىزدار جاپونيا, گەرمانيا جانە پولشا قۇرامالارىمەن «H» توبىندا باق سىناسادى. ال 16-18 تامىز كۇندەرىنە بەلگىلەنگەن ءۇشىنشى تۋرداعى «K» توبىنىڭ ويىندارى الماتىدا وتەدى. بۇل توپتا قازاقستان برازيليا, كۋبا جانە نيدەرلاندى قۇرامالارىمەن كەزدەسەدى.
«ەگەمەن-اقپارات».
