– «كوزىمنىڭ قاراسى» ءانىن كەز كەلگەن قازاقستاندىق بىلەدى دەگەن ويدامىز. ەستافەتانىڭ شارتتارىن ورىنداۋ ماقساتىندا ارنايى دايىندىق جۇرگىزگەن جوقپىز. بىزگە مەكتەپ الدىنا شىعىپ ءان ايتاتىندىعىمىز حابارلاندى. ءۇزىلىس كەزىندە ولەڭدى ءبىر ەمەس, ءۇش رەت ايتىپ شىقتىق, – دەيدى مەكتەپتەگى ءوزىن-ءوزى باسقارۋ ۇيىمىنىڭ پرەزيدەنتى راۋان يبراگيم.
وقۋشىلار ەستافەتانى قىزىلوردا قالاسىنداعى نازارباەۆ زياتكەرلىك مەكتەبىنە, قاراقيا اۋدانى, جەتىباي كەنتىندەگى №8 جالپى ءبىلىم بەرۋ ورتا مەكتەبى مەن فورت-شەۆچەنكوداعى م.گوركي اتىنداعى مەكتەپ-ليتسەيىنە جولدادى.
– ال اقتاۋداعى نازارباەۆ زياتكەرلىك مەكتەبىنىڭ اكىمشىلىگى اقىننىڭ شىعارماشىلىعىن ناسيحاتتاۋ ماقساتىندا بىرنەشە شارانى وتكىزۋدى جوسپارلاپ وتىر.
– ءبىلىم ورداسىندا اباي اتامىزدىڭ 175 جىلدىعىن تويلاۋ ماقساتىندا وتكىزىلەتىن شارالاردى وتكەن وقۋ جىلىنان بەرى وتكىزىپ كەلەمىز. بيىل «ادامنىڭ ءبىر قىزىعى بالا دەگەن» اتتى ساحنالىق قويىلىمدارىمىزدى وتباسى مۇشەلەرىن قاتىستىرىپ وتكىزۋدى جوسپارلاپ وتىرمىز. ءبىز بالامەن جۇمىس جاساپ قانا قويماي, ونىڭ وتباسى مۇشەلەرىنە دە ويشىلدىڭ شىعارمالارىن ناسيحاتتاۋدى كوزدەيمىز, – دەيدى مەكتەپ ديرەكتورىنىڭ ورىنباسارى التىنزەر يحسانوۆا.
بۇعان دەيىن وڭىردەگى ايتۋلى شارالاردان تىس قالماي, اسەرلى قويىلىمدارىن, ادەمى ونەرلەرىن ورتاعا سالىپ جۇرگەن زياتكەرلەر اباي اقىننىڭ مەرەيتويىندا بەلسەندىلىك تانىتاتىنى انىق.
ماڭعىستاۋ وبلىسى
