وعان ءوڭىر بويىنشا 30 مىڭعا جۋىق ادام قاتىسىپ, 394 توننا قوقىس جينالىپ, شىعارىلدى. بۇل ناۋقانعا 200 ارنايى تەحنيكا جۇمىلدىرىلدى. سونداي-اق 20 مىڭعا جۋىق اعاش وتىرعىزىلدى.
بۇل كۇنى قوناەۆ قالاسىندا 10 گەكتار اۋماقتى قامتيتىن «بارىس» ەكو-پاركىنىڭ نەگىزى قالانىپ, اعاش كوشەتتەرىوتىرعىزىلدى. يگى شاراعا قالا تۇرعىندارى, جاستار, مەكەمە قىزمەتكەرلەرى مەن بەلسەندىلەر قاتىستى. ءوڭىر باسشىسى مارات سۇلتانعازيەۆ تە قولىنا كەتپەن-كۇرەك الىپ, ەكولوگيالىق اكتسياعا ءوز ۇلەسىن قوستى.
«قوناەۆ قالاسى – وبلىس ورتالىعى رەتىندە قارقىندى دامىپ كەلە جاتقان شاھار. سوندىقتان مۇندا حالىقتىڭ دەمالىسىنا, سالاۋاتتى ءومىر سالتىن ۇستانۋىنا قولايلى جاعداي جاساۋ – ءبىزدىڭ باستى مىندەتىمىز. «بارىس» ەكو-پاركى تەك اعاش ەگەتىن ورىن ەمەس, ول – قالا تۇرعىندارى مەن قوناقتارى ءۇشىن زاماناۋي مادەني دەمالىس ورتالىعى, جايلى قوعامدىق كەڭىستىك بولماق. مۇنداي يگى شارالارعا قوعام بەلسەندىلەرىنىڭ, ارداگەرلەرىمىز بەن جالىندى جاستارىمىزدىڭ اتسالىسۋى كوڭىل قۋانتادى. «اتادان مال قالعانشا, تال قالسىن» دەگەن دانالىقتى ۇستانعان حالقىمىز ءۇشىن اعاش ەگۋ – ەڭ ساۋاپتى ىستەردىڭ ءبىرى. بۇل اكتسيا وسكەلەڭ ۇرپاقتىڭ بويىندا پاتريوتيزم مەن تابيعاتقا دەگەن سۇيىسپەنشىلىكتى وياتادى دەپ سەنەمىن», دەدى مارات ەلەۋسىز ۇلى.
ايماق باسشىسىنىڭ ايتۋىنشا, بيىل وڭىرىمىزدە 220 مىڭ اعاش ەگۋ جوسپارلانسا, جىل باسىنان بەرى ونىڭ 22 مىڭى وتىرعىزىلعان.
قالا تۇرعىندارى شاھاردىڭ كوركەيىپ, دامۋى ورتاق جاۋاپكەرشىلىك ەكەنىن ايتىپ, يگى باستاماعا بىركىسىدەي اتسالىستى. جۇدىرىقتاي جۇمىلعان جۇمىستىڭ ناتيجەسىندە پارك اۋماعىنا 200 ءتۇپ كوشەت وتىرعىزىلدى. الداعى ۋاقىتتا بۇل جەردەگى كوشەتتىڭ جالپى سانىن 5 مىڭ ءتۇپكە جەتكىزۋ جوسپارلانعان. ءوءڭىردىڭ كليماتتىق ەرەكشەلىگى ەسكەرىلىپ, ءتوزىمدى ءارى ءساندى اعاش تۇرلەرى تاڭداپ الىنعان. ودان بولەك مۇندا جاياۋ جۇرگىنشىلەر جولى, زاماناۋي جارىقتاندىرۋ جۇيەلەرى مەن دەمالاتىن ورىندار جاسالىپ, تۇرعىندار ءۇشىن جايلى ورتاعا اينالماق. جىل سوڭىنا دەيىن تولىق پايدالانۋعا بەرىلەدى. سونىمەن قاتار «كوشپەندىلەر قالاشىعى» ماڭىندا دا ەكو-پارك قۇرىلىپ, وندا 500 ءتۇپ اعاش وتىرعىزۋ جوسپارلانعان. اباتتاندىرۋ جۇمىستارى كەزەڭ-كەزەڭىمەن جۇرگىزىلەدى.
