الماتى قالاسىنىڭ تۇركىسىب اۋدانىندا ەلىمىزدەگى تۇڭعىش جوبا – «2012-2015 جىلدارعا ارنالعان ەسكى تۇرعىن ۇيلەردى بۇزۋ باعدارلاماسى» بويىنشا سالىنعان جاڭا ۇيلەردىڭ العاشقى پاتەرلەرى ۇلەستىرىلدى. ساڭعىراعان كەڭ بولمەلى جاڭا باسپانالاردىڭ كىلتىن ۇزاق جىلدار بويى ەسكى ۇيلەردە تۇرىپ كەلگەن 100 وتباسى يەلەرىنە شاھار باسشىسىنىڭ ءوزى سالتاناتتى تۇردە تابىستادى.
الماتى قالاسىنىڭ تۇركىسىب اۋدانىندا ەلىمىزدەگى تۇڭعىش جوبا – «2012-2015 جىلدارعا ارنالعان ەسكى تۇرعىن ۇيلەردى بۇزۋ باعدارلاماسى» بويىنشا سالىنعان جاڭا ۇيلەردىڭ العاشقى پاتەرلەرى ۇلەستىرىلدى. ساڭعىراعان كەڭ بولمەلى جاڭا باسپانالاردىڭ كىلتىن ۇزاق جىلدار بويى ەسكى ۇيلەردە تۇرىپ كەلگەن 100 وتباسى يەلەرىنە شاھار باسشىسىنىڭ ءوزى سالتاناتتى تۇردە تابىستادى.
«قالامىزدا وتكەن عاسىردىڭ 50-جىلدارى سالىنعان, پايدالانۋ مەرزىمى ءوتىپ كەتكەن 2 قاباتتى مىڭنان استام ءۇي بار. ولاردىڭ ماسەلەسىن شەشۋ تۋرالى ەلباسى تاپسىرماسى بويىنشا جاسالعان قالالىق باعدارلامانىڭ العاشقى ناتيجەسىنە بۇگىن كۋا بولىپ وتىرسىزدار. بيىل ەسكى ۇيلەردى بۇزىپ, ورنىنا جاڭا باسپانا سالۋ جۇمىسى قالامىزدىڭ 3 اۋدانىندا تولىق جۇزەگە اسىرىلادى. كەلەسى جىلدان باستاپ ونى باسقا اۋدانداردا جالعاستىرامىز دەگەن ويىمىز بار. جالپى, «2012-2015 جىلدارعا ارنالعان ەسكى تۇرعىن ۇيلەردى بۇزۋ» باعدارلاماسى بويىنشا 55 ەسكى ءۇي بۇزىلىپ, 565 وتباسى ونىڭ ورنىنا سالىنعان جاڭا ۇيلەرگە كوشىرىلەدى», دەدى قالا اكىمى احمەتجان ەسىموۆ.
قالا باسشىسىنىڭ ايتۋىنشا, «پاتەردەن-پاتەرگە كوشىرۋ» جۇيەسى بويىنشا وندا ءاربىر تۇرعىن ەسكى ۇيدەگى ءوز پاتەرىنىڭ سانى بويىنشا جاڭا ۇيدەن سونشا پاتەرلى باسپانا الا الادى. جارىق, جىلى, ەڭسەلى جانە كولەمى ۇلكەن بۇل پاتەرلەردە تۇرعىنداردىڭ جايلى ءومىر سۇرۋىنە بارلىق جاعداي جاسالعان. بۇل ءۇشىن ولار ەشكىمگە قوسىمشا اقى تولەمەيدى. قالالىق جاڭا باعدارلامانىڭ العاشقى قاتىسۋشىسى بولىپ جاڭا قونىسقا يە بولعان تۇرعىنداردىڭ قۋانىشىندا شەك جوق.
«ءبىز تۇرىپ كەلگەن ەسكى ءۇي 1927 جىلى سالىنعان ەكەن. وندا وتباسىمىزبەن 17 جىلدان اسا تۇردىق. 2012 جىلى اكىمدىكتەگى جينالىستا اۋلاداعى ەسكى سارايدىڭ ورنىنا ءزاۋلىم ءۇي سالىپ بەرەمىز دەگەندە سەنەر-سەنبەسىمىزدى بىلمەدىك. كۇمانمەن قاراساق تا «كوپپەن بىرگە كورەرمىز» دەپ كەلىسىمگە قول قويىپ ەدىك. ەندى, مىنە, اينالاسى 1 جىلدىڭ ىشىندە توزىعى جەتكەن ەسكى ۇيدەن ەڭسەلى دە جارىق جاڭا ۇيگە كوشكەلى وتىرمىز. تۇرمىسقا قاجەتتى بارلىق جاعدايى جاسالعان مۇنداي ۇيگە كوشۋ بۇرىن ءوڭ تۇگىلى تۇسىمىزگە دە كىرمەگەن بولاتىن», دەيدى جاڭا پاتەردىڭ يەسى اتىركۇل ساعىندىقوۆا. بۇرىنعى بولمەسىنىڭ سانىنا قاراي 1 بولمەلى جاڭا پاتەردىڭ كىلتىن الىپ جاتقان ونىڭ ايتۋىنشا, قالا تۇرعىنىنا قاجەتتى بالاباقشا, مەكتەپ, مادەنيەت ءۇيى مەن سپورت كەشەنى, سونىمەن قاتار, كۇندەلىكتى ازىق-ت ۇلىكتى ارزانداتىلعان باعامەن الاتىن ساۋدا ءۇيى دە جاقىن جەردە ورنالاسقان ەكەن.
قانات ەسكەندىر,
«ەگەمەن قازاقستان».
الماتى.
