پرەمەر-ءمينيستردىڭ ءبىرىنشى ورىنباسارى — وڭىرلىك دامۋ ءمينيسترى باقىتجان ساعىنتاەۆ اقتوبە وبلىسىنا ءبىر كۇندىك جۇمىس ساپارىمەن كەلدى. ونىڭ ساپارىنىڭ نەگىزگى ماقساتى ايماقتىڭ الەۋمەتتىك-ەكونوميكالىق دامۋى جانە سالالىق مەملەكەتتىك باعدارلامالاردى جۇزەگە اسىرۋ بارىسىمەن تانىسۋ بولىپ تابىلادى.
پرەمەر-ءمينيستردىڭ ءبىرىنشى ورىنباسارى — وڭىرلىك دامۋ ءمينيسترى باقىتجان ساعىنتاەۆ اقتوبە وبلىسىنا ءبىر كۇندىك جۇمىس ساپارىمەن كەلدى. ونىڭ ساپارىنىڭ نەگىزگى ماقساتى ايماقتىڭ الەۋمەتتىك-ەكونوميكالىق دامۋى جانە سالالىق مەملەكەتتىك باعدارلامالاردى جۇزەگە اسىرۋ بارىسىمەن تانىسۋ بولىپ تابىلادى.
پرەمەر-ءمينيستردىڭ ءبىرىنشى ورىنباسارى كەلگەن بويدا العا اۋدانىنا اتباسىن تىرەدى. ول ەڭ الدىمەن «انگۋس» جانە «گەرەفورد» اسىل تۇقىمدى ءىرى قارا ءوسىرىپ, بورداقىلاۋمەن جانە وتكىزۋمەن اينالىساتىن «اكتەپ» جشس مال شارۋاشىلىعى كەشەنىندە بولدى. «اكتەپ» جشس قۇرىلتايشىسى نۇرلان ساعىنالين كەشەننىڭ جۇمىسى جانە ەت كلاستەرى كاسىپورنىنىڭ دامۋ جوبالارى تۋرالى حاباردار ەتتى. ونىڭ ايتۋىنشا, ءبىر مەزگىلدە 3000 ءىرى قارانى بورداقىدا ۇستاۋعا ەسەپتەلگەن كەشەننىڭ ءبىرىنشى كەزەگى 2012 جىلدىڭ اقپان ايىندا پايدالانۋعا بەرىلگەن. قازىر مۇندا 1836 ءونىم بەرەتىن سيىر ۇستالۋدا. قاجەتتى مال ازىعىن دايىنداۋ ءۇشىن «قازاگروقارجى» اق ارقىلى 127,7 ملن. تەڭگە سوماعا مال ازىعىن دايىنداۋ تەحنيكاسى ليزينگكە الىنعان. مۇندا جاقىن ۋاقىتتا 10 مىڭ ءىرى قارا بورداقىلاۋعا باعىت ۇستالۋدا.
باقىتجان ساعىنتاەۆ باستاعان دەلەگاتسيا وسىنداعى جۇمىسشىلارعا ارنالعان 48 ورىندىق جاتاقحاناداعى تۇرمىستىق جاعدايدى كوردى. ول مال شارۋاشىلىعى كەشەنىن ارالاپ كورگەننەن كەيىن وبلىستىڭ اگروونەركاسىپ كەشەنى كورمە قويىلىمدارىمەن تانىستى.
پرەمەر-ءمينيستردىڭ ءبىرىنشى ورىنباسارى باقىتجان ساعىنتاەۆ «بيزنەستىڭ جول كارتاسى-2020» مەملەكەتىك باعدارلاماسى اياسىندا مەملەكەتتىك قولداۋعا يە بولعان العا قالاسىنداعى «ايىم ا» اۆتومەكتەبىندە بولىپ, ونىڭ ماتەريالدىق بازاسىمەن جانە جۇرگىزۋشىلەر دايارلاۋ باعىتىنداعى جۇمىسىمەن تانىستى. مۇندا 1280 اۆتوموبيل جۇرگىزۋشىسى دايارلانعان. سونىڭ 86-سى «كوركەيە بەر, تۋعان جەر» اكتسياسى اياسىندا تەگىن وقىتىلىپتى. وسى ارادا جينالىپ قالعان قالا تۇرعىندارىنىڭ وتىنىشتەرىن تىڭدادى. العالىقتار قالا كوشەلەرىنىڭ تارلىعىن, بالالار وينايتىن الاڭداردىڭ جەتىسپەيتىنىن جەتكىزدى. ءوز كەزەگىندە باقىتجان ساعىنتاەۆ ۇكىمەتتە شاعىن قالالاردى دامىتۋ باعدارلاماسى جاسالىپ جاتقانىن, سول باعدارلاما اياسىندا بۇل ماسەلەلەردىڭ كوپ ۇزاماي شەشىمىن تاباتىنىنا سەندىردى.
ول سونداي-اق, العا شاعىن قالاسىن الەۋمەتتىك دامىتۋ باعىتىندا جاسالىپ جاتقان جۇمىستاردى, كوشەلەر مەن جىلۋ جۇيەلەرىنىڭ جوندەلگەن ۋچاسكەلەرىن قاراپ شىقتى. العا اۋدانىنىڭ اكىمى اسقار شاريازدانوۆ سوڭعى جىلدارى رەسپۋبليكالىق بيۋدجەت ەسەبىنەن 11,4 شاقىرىم سۋ ايداۋ قۇبىرى جۇرگىزىلىپ, 42 شاقىرىم سۋ قۇبىرى تارتىلعانىن, سۋ ايداۋ ستانساسى سالىنعانىن باياندادى. جالپى قۇنى 554 ميلليون تەڭگە تۇراتىن 11,8 شاقىرىم جىلۋ جۇيەسى قايتا جاراقتاندىرىلۋدا ەكەنىن ءمالىم ەتتى. سونداي-اق, اۋدان باسشىسى وتكەن جىلى باستالعان ورتالىق بۋ قازاندىعىن قايتا جاڭعىرتۋ جۇمىستارىن تولىق اياقتاۋ ءۇشىن رەسپۋبليكالىق بيۋدجەتتەن 401,0 ميلليون تەڭگە قاجەتتىگىن, بيولوگيالىق تازارتۋ قۇرىلىسىن كۇردەلى جوندەۋدىڭ دە قارجىعا تىرەلىپ تۇرعانىن دا جاسىرمادى.
باقىتجان ساعىنتاەۆ ءتۇستەن كەيىن «قازحروم» تۇك» اق-قا قاراستى اقتوبە فەرروقورىتپا زاۋىتىنا بارىپ, وسىندا سالىنىپ جاتقان 4 تسەح قۇرىلىسىنىڭ بارىسىمەن تانىستى. اكتسيونەرلىك قوعام پرەزيدەنتى ۆيكتور ءتيلدىڭ ايتۋىنشا, اتالعان ينۆەستيتسيالىق جوبانى جۇزەگە اسىرۋ 2009 جىلدان باستاپ رەسپۋبليكالىق يندۋستريالاندىرۋ كارتاسى اياسىندا قولعا الىنۋدا. ونىڭ جالپى قۇنى – 111 ميلليارد تەڭگە. زاۋىتتىڭ قۋاتتىلىعى جىلىنا 440 مىڭ توننا فەرروحروم شىعارۋعا مۇمكىندىك بەرەدى. قۇرىلىس بارىسىندا 1500 جۇمىس ورنى قۇرىلىمدالدى, ال ىسكە قوسىلعان كەزدە 450 جوعارى بىلىكتى ماماندار مەن جۇمىسشىلار ەڭبەك ەتەتىن بولادى.
قۇرىلىس جانە قوندىرعىلاردى ورناتۋ جۇمىستارى كەستەگە سايكەس جۇرۋدە. ۇستىمىزدەگى جىلدىڭ قاراشا ايىندا زاۋىتتىڭ ەكى پەشىن ىسكە قوسۋ كوزدەلۋدە. باقىتجان ءابدىر ۇلى, كاسىپورىندا ەڭبەك جاعدايى, ەڭبەكاقى, الەۋمەتتىك ماسەلەلەردىڭ قالاي شەشىلىپ وتىرعانىنا, قۇرىلىس جۇمىستارىندا جەرگىلىكتى ادامدار ەڭبەككە قانشالىقتى تارتىلعانىنا قىزىعۋشىلىق تانىتىپ, جۇمىسشىلاردى سوزگە تارتتى.
بۇدان كەيىن ءبىرىنشى ۆيتسە-پرەمەر اقتوبە رەلستى-ارقالىق زاۋىتى سالىنىپ جاتقان قۇرىلىس الاڭىندا بولدى. بولاشاعى زور كاسىپورىن تۋرالى رەلستى-ارقالىق زاۋىتى ديرەكتورىنىڭ ءوندىرىس جونىندەگى ورىنباسارى مارات يبراگيموۆ حاباردار ەتتى. يتاليانىڭ الەمگە تانىمال «Siemens-VAI» كومپانياسى مەن «قازاقستان تەمىر جولى» ۇلتتىق كومپانياسى» اق بىرلەسىپ قولعا العان بۇل جوبانىڭ جالپى قۇنى 55 ميلليارد تەڭگە تۇرادى. قازىر ءوندىرىس ورنى ىرگە
