قوعام • 30 قاڭتار، 2020

80 مىڭنان استام وتباسى ااك تاعايىنداۋعا قۇجات تاپسىردى

123 رەتكورسەتىلدى

2020 جىلعى 28 قاڭتارداعى جاعداي بويىنشا اتاۋلى الەۋمەتتىك كومەك تاعايىنداۋعا ءوتىنىش 80،5 مىڭ وتباسىدان قابىلداندى. ونىڭ قۇرامىنا 412،9 مىڭ ادام كىرەدى، ونىڭ ىشىندە 265،6 مىڭى بالا. كوپبالالى وتباسىلاردىڭ ۇلەسى 40،5 % نەمەسە 32،6 مىڭ وتباسىن قۇرايدى. بۇل تۋرالى ەڭبەك جانە حالىقتى الەۋمەتتىك قورعاۋ مينيسترلىگىنىڭ ءباسپاسوز قىزمەتى حابارلادى.

وڭىرلەر بولىنىسىندە وتىنىشتەردىڭ ەڭ كوپ سانى تۇركىستان وبلىسىندا – 14،2 مىڭ وتباسى نەمەسە 17،6%، شىمكەنت قالاسىندا – 11،1 مىڭ وتباسى نەمەسە 13،8%، الماتى وبلىسىندا – 9،6 مىڭ وتباسى نەمەسە 11،9%، جامبىل وبلىسىندا – 6،9 مىڭ وتباسى نەمەسە 8،7%، قىزىلوردا وبلىسىندا – 5،9 مىڭ وتباسى نەمەسە 7،4% قابىلداندى.

وڭىرلەردە 2،6 مىڭنان استام ۋچاسكەلىك كوميسسيا جۇمىس ىستەيدى. ولار جۇرگىزگەن زەرتتەۋ ناتيجەلەرىن ەسكەرە وتىرىپ، ااك 21،2 مىڭ وتباسىعا نەمەسە 103،8 مىڭ ادامعا تاعايىندالدى، ونىڭ ىشىندە 38،4% - ىن كوپبالالى وتباسىلار قۇرايدى. ااك تاعايىنداۋعا ءوتىنىش بەرگەن وتباسىلاردىڭ ماتەريالدىق جاعدايىن تەكسەرۋ جۇمىستارى جالعاسۋدا.

وڭىرلەر بولىنىسىندە ەڭ كوپ تاعايىنداۋ سانى الماتى وبلىسىنا – 3070 وتباسى نەمەسە 14،5%، شىمكەنت قالاسىنا – 2920 وتباسى نەمەسە 13،8%، جامبىل وبلىسىنا – 2271 وتباسى نەمەسە 10،7%، شقو – 2024 وتباسى نەمەسە 9،5%-دان كەلەدى.

بۇدان بۇرىن حابارلانعانداي، مەملەكەت باسشىسىنىڭ 2 قىركۇيەكتەگى قازاقستان حالقىنا جولداۋىندا ايتىلعان تاپسىرماسى بويىنشا ااك تاعايىنداۋ تەتىگى ونىڭ ايقىندىلىعىن، ادىلدىگىن جانە ەڭبەككە ىنتاسىن قامتاماسىز ەتۋ ماقساتىندا تۇزەتىلدى. مەملەكەتتىك كومەكتىڭ جاڭا شارالارى كەشەندى تۇردە ىسكە اسىرىلۋدا جانە وعان: كوپبالالى وتباسىلاردى قولداۋ، جاڭعىرتىلعان اتاۋلى الەۋمەتتىك كومەك، تابىسى از وتباسىلارىنداعى بالالارعا ارنالعان كەپىلدىك بەرىلگەن الەۋمەتتىك توپتاما كىرەدى.

اعىمداعى جىلعى 1 قاڭتاردان باستاپ قازاقستاندا 4 جانە ودان دا كوپ كامەلەتكە تولماعان نەمەسە 23 جاسقا دەيىنگى كۇندىزگى وقۋ بولىمىندە وقيتىن ستۋدەنت بالالارى بار كوپبالالى وتباسىلارعا ارنالعان جاڭا مەملەكەتتىك جاردەماقى ەنگىزىلدى. بۇل مەملەكەتتىك جاردەماقى وتباسىنىڭ تابىسىنا قاراماستان 42 496 تەڭگەدەن 74 388 تەڭگەگە دەيىن سارالانعان مولشەردە تولەنەدى. وسىنداي تولەمدى اعىمداعى جىلعى قاڭتاردا جالپى سوماسى 17،7 ملرد تەڭگەگە 367 مىڭ وتباسى الدى.

تابىسى از وتباسىلارعا اتاۋلى الەۋمەتتىك كومەك كوزدەلگەن. ااك تاعايىنداۋ ءۇشىن باستى كريتەري – وتباسىنىڭ ءاربىر مۇشەسىنە جان باسىنا شاققانداعى ورتاشا تابىسى ءوڭىردىڭ ەڭ تومەنگى كۇنكورىس دەڭگەيىنىڭ 70%-ىنان تومەن بولۋعا ءتيىس. وتباسىنىڭ بارلىق مۇشەلەرى ءۇشىن ااك مولشەرى جان باسىنا شاققانداعى تابىس پەن كەدەيلىك شەگىنىڭ اراسىنداعى ايىرما رەتىندە ايقىندالادى. ااك اشىقتىعىن قامتاماسىز ەتۋ ءۇشىن ول توقسان سايىن تاعايىندالاتىن بولادى، ال وتباسىنىڭ ماتەريالدىق جاعدايىنا تەكسەرۋ جۇرگىزۋ مەرزىمى 3 كۇننەن 7 كۇنگە دەيىن ۇلعايتىلادى. ااك تاعايىنداۋ كەزىندەگى ماڭىزدى تالاپتاردىڭ ءبىرى جۇمىسقا قابىلەتتى وتباسى مۇشەلەرىنىڭ جۇمىسپەن قامتۋعا جاردەمدەسۋ شارالارىنا مىندەتتى تۇردە قاتىسۋى بولىپ تابىلادى. جۇمىسپەن قامتۋدى قامتاماسىز ەتۋ ءۇشىن «ەڭبەك» مەملەكەتتىك باعدارلاماسىن ىسكە اسىرۋ شەڭبەرىندە كوپبالالى جانە تابىسى از وتباسىلارعا ۇيدە جۇمىس ىستەۋ ءۇشىن دە، ءوز ءىسىن اشۋ ءۇشىن دە كەڭ مۇمكىندىكتەر بەرەتىن جاڭا تەتىكتەر كوزدەلگەن.

بۇدان باسقا، ااك الاتىن تابىسى از وتباسىلاردىڭ بالالارىنا كەپىلدىك بەرىلگەن الەۋمەتتىك توپتاما ۇسىنىلاتىن بولادى. 1 جاستان 6 جاسقا دەيىنگى بالالار ءۇشىن الەۋمەتتىك توپتاماعا ازىق-ت ۇلىك جيىنتىعى مەن تۇرمىستىق حيميا تاۋارلارىنىڭ جيىنتىعى كىرەدى. 6 جاستان 18 جاسقا دەيىنگى بالالار ءۇشىن مەكتەپتەردە ىستىق تاماق، وقۋ قۇرالدارى مەن مەكتەپ كيىمدەرىن بەرۋ كوزدەلەدى. سونداي-اق، وسى ساناتتاعى بالالار ءۇشىن مەكتەپكە دەيىنگى جول ءجۇرۋ شىعىندارى وتەلەتىن بولادى. مەديتسينالىق، ونىڭ ىشىندە ستوماتولوگيالىق كومەك 18 جاسقا دەيىنگى بالالارعا تەگىن مەديتسينالىق كومەكتىڭ كەپىلدىك بەرىلگەن كولەمى جانە مىندەتتى الەۋمەتتىك مەديتسينالىق ساقتاندىرۋ شەڭبەرىندە كورسەتىلەتىن بولادى.

ايتا كەتۋ كەرەك، ااك كورسەتۋدىڭ جاڭا تەتىكتەرىنىڭ ەنگىزىلۋىنە بايلانىستى رەسپۋبليكالىق جانە جەرگىلىكتى بيۋدجەتتەردەن تابىسى از جانە كوپبالالى وتباسىلاردى الەۋمەتتىك قولداۋعا ارنالعان قارجىلاندىرۋ كولەمى ۇلعايتىلدى. 2020 جىلى بۇل ماقساتقا 326،9 ملرد تەڭگە ءبولىندى (رەسپۋبليكالىق بيۋدجەتتەن – 279،9 ملرد تەڭگە، جەرگىلىكتى بيۋدجەتتەن – 46،9 ملرد تەڭگە). 2019 جىلى ااك تولەۋگە 244،2 ملرد تەڭگە ءبولىندى.

جاڭا تاسىلدەرگە سايكەس اقشالاي جانە زاتتاي تۇردەگى الەۋمەتتىك قولداۋ مولشەرى تابىسى از جانە بالالار سانى كوپ وتباسىلار ءۇشىن كوبىرەك بولادى. بۇل رەتتە وتباسىنىڭ ءاربىر مۇشەسىنە ااك تولەۋ سوماسى ورتاشا ەسەپپەن 10 مىڭ تەڭگەنى قۇرايدى، ال تابىسى جوق وتباسىلاردا الەۋمەتتىك كومەك تاعايىنداۋ ءۇشىن بەلگىلەنگەن كريتەريدەن تولىق كولەمدە – وڭىرلىك كۇنكورىس دەڭگەيىنىڭ 70%-ى. وسىلايشا، تابىسى از وتباسىلار، كوپبالالى وتباسىلارعا بەرىلەتىن مەملەكەتتىك جاردەماقىنى ەسەپتەمەگەندە، ءار بالاعا ورتاشا ەسەپپەن 20 مىڭ تەڭگە اتاۋلى الەۋمەتتىك كومەك الاتىن بولادى. ونىڭ 10 مىڭعا جۋىعى – ااك-ءتىڭ اقشالاي تولەمى، 10 مىڭعا جۋىعى – زاتتاي تۇردەگى كەپىلدىك بەرىلگەن الەۋمەتتىك توپتاما.

سوڭعى جاڭالىقتار

ەرلىكتى دارىپتەيتىن قوماقتى قور

رۋحانيات • 05 ماۋسىم، 2020

ەكى قىلمىستىق توپ ۇستالدى

ايماقتار • 05 ماۋسىم، 2020

ۇقساس جاڭالىقتار