ساياسات • 30 قاڭتار، 2020

جاعداي جەدەلدىكتى تالاپ ەتەدى

8 رەت كورسەتىلدى

قىسقى كەزەڭ جاعدايىنداعى جەدەل احۋال تۋرالى بريفينگ ءوتتى. وندا ىشكى ىستەر ءمينيسترىنىڭ ورىنباسارى يۋ.يلين توتەنشە جاعدايلارعا بايلانىستى اتقارىلىپ جاتقان جۇمىستار تۋرالى باياندادى.

ىشكى ىستەر ءمينيسترى ورىن­با­سارىنىڭ سوزىنە قاراعاندا،  اۋا رايىنىڭ ناشارلاۋىنا باي­لانىستى اۆتوجولدار 418 رەت جابىلىپ، جولدىڭ 44 ۋچاسكە­سىندە كولىك جۇرىسىنە شەكتەۋ قو­يىلعان. ءبىر سوزبەن ايتقاندا، بارلىق ۋچاس­كەگە بلوك-بە­كەت­تەر ورناتىلعان. سونىڭ وزىندە قار قۇرساۋىندا 2933 تەحني­كا قالعان. ولاردىڭ ءبارى دەر كە­زىندە شىعارىلىپ، جىلىتۋ پۋنكت­تەرىنە 1483 ادام، سونىڭ ىشىندە 128 بالا ورنا­لاس­تىرىل­عان. (نۇر-سۇلتان – 58، اقمولا – 928، اق­توبە – 53، قاراعاندى – 249، پاۆ­لودار – 195).

وسىلايشا اۆاريا­لىق-قۇتقارۋ جۇمىستارى مەن جول­داردى تازالاۋ تاۋلىك بويى جۇرگى­زىلۋدە. تج كوميتەتىندە جانە تج بويىنشا 10 وڭىرلىك دەپارتامەنتتە (اقمولا، شقو، جامبىل، بقو، قاراعاندى، قوستاناي، پاۆلودار، سقو، تۇركىستان، نۇر-سۇلتان ق.) جەدەل شتابتار قۇرىلعان. سوعان ساي «قاۋىرت جەلى» جۇمىسى ۇيىمداستىرىلىپ، وعان 454 قوڭىراۋ تۇسكەن. ءسويتىپ وسىنداي قاۋىرت جۇمىستاردىڭ ناتيجەسىندە اتالعان كەزەڭ ىشىندە بارلىعى 3377 ادام، سونىڭ ىشىندە 335 بالا قار قۇرساۋىنان قۇتقارىلىپ، 3677 ادام، سونىڭ ىشىندە 265 بالا قاۋىپسىز جەرگە ورنالاستىرىلدى. 2933 ءتۇرلى تەحنيكا قاردان ارشىلدى.

سوڭعى جاڭالىقتار

تاميلانىڭ تارتۋى

ونەر • كەشە

مۋتاتسيالانعان ۆيرۋس

مەديتسينا • كەشە

ۇقساس جاڭالىقتار