ءبىرىنشى جارىس كۇنىندە اناستاسيا لاۆروۆا جاپونيالىق حونوكا حاشيمتومەن كەزدەستى. وكىنىشكە قاراي, جەرلەسىمىز الەم چەمپيوناتىنىڭ قولا جۇلدەگەرىنە قارسىلىق كورسەتە المادى. ال قازاقستان قۇراماسىنىڭ كوشباسشىسى كيريلل گەراسيمەنكو العاشقى باسەكەسىندە جاپوندىق سونە كاكەردەن باسىم ءتۇستى. كەلەسى اينالىمدا گەراسيمەنكو گەرمانيالىق ۆالتەر ريكاردوعا قارسى وينايدى.
ايتا كەتەيىك, German Open – حالىقارالىق ۇستەل تەننيسى فەدەراتسياسىنىڭ ۇيىمداستىرۋىمەن جىل سايىن گەرمانيادا وتەتىن تۋرنير. بۇگىندە اتالعان دودانىڭ جۇلدە قورى 235 000 اقش دوللارىن قۇرايدى.
