دەموكراتيانىڭ ايقىن كورىنىسى
كەشە اتىراۋ وبلىسىنىڭ 72 وكرۋگىنە اكىم سايلاندى
نە نارسەنىڭ دە بولعانىنان بولادىسى قىزىق قوي. اۋىل اكىمدەرىن سايلاۋ وتەدى دەگەلى بەرى اتىراۋداعى ەل-جۇرت تا ەلەڭدەپ قالدى. مۇنى ءبىر جاعىنان دەموكراتيالىق دامۋدىڭ جارقىن بەلەسىنە بالايتىندار كوپ. ويتكەنى, بۇعان دەيىن اۋىل اكىمدەرى تاعايىنداۋ ارقىلى قىزمەتكە الىنسا, ەندى ءبارى باسقاشا سيپات العالى تۇر. وزگە وڭىرلەر سەكىلدى مۇنايلى وڭىردە دە اۋىل اكىمى بولۋعا ىنتا تانىتقاندار از بولمادى. ولاي دەيتىنىمىز, وڭىردەگى 72 وكرۋگتەن 214 ۇمىتكەر سايلاۋعا قاتىسۋعا نيەت ءبىلدىردى. سونىڭ ىشىندە كەشە ءوزىمىز كۋا بولعان ماحامبەت اۋدانىنداعى اۋىلدار اكىمىنە 30 ۇمىتكەر تىركەلىپتى.
دەموكراتيانىڭ ايقىن كورىنىسى
كەشە اتىراۋ وبلىسىنىڭ 72 وكرۋگىنە اكىم سايلاندى
نە نارسەنىڭ دە بولعانىنان بولادىسى قىزىق قوي. اۋىل اكىمدەرىن سايلاۋ وتەدى دەگەلى بەرى اتىراۋداعى ەل-جۇرت تا ەلەڭدەپ قالدى. مۇنى ءبىر جاعىنان دەموكراتيالىق دامۋدىڭ جارقىن بەلەسىنە بالايتىندار كوپ. ويتكەنى, بۇعان دەيىن اۋىل اكىمدەرى تاعايىنداۋ ارقىلى قىزمەتكە الىنسا, ەندى ءبارى باسقاشا سيپات العالى تۇر. وزگە وڭىرلەر سەكىلدى مۇنايلى وڭىردە دە اۋىل اكىمى بولۋعا ىنتا تانىتقاندار از بولمادى. ولاي دەيتىنىمىز, وڭىردەگى 72 وكرۋگتەن 214 ۇمىتكەر سايلاۋعا قاتىسۋعا نيەت ءبىلدىردى. سونىڭ ىشىندە كەشە ءوزىمىز كۋا بولعان ماحامبەت اۋدانىنداعى اۋىلدار اكىمىنە 30 ۇمىتكەر تىركەلىپتى.
نەگىزىنەن اۋىل شارۋاشىلىعى سالاسىن دامىتۋعا بەت بۇرىلعان بۇل اۋداندا 10 وكرۋگ بار. اۋدان ورتالىعىمەن بىرگە, اۋىلداردا حالىق سانى ارتىپ كەلەدى. وكرۋگتەردىڭ بىرەۋىنەن وزگەسى جايىق وزەنى جاعاسىنا تاياۋ ورنالاسقان. وسى وكرۋگتەردەن اۋداندىق ماسليحاتقا سايلانعان 12 دەپۋتات اۋىل اكىمدەرىن تاڭدادى. سايلاۋ باستالار الدىندا ماحامبەت اۋداندىق اۋماقتىق سايلاۋ كوميسسياسىنىڭ توراعاسى مارات مىرزاشەۆ داۋىس بەرۋ ءتارتىبىن ءتۇسىندىرىپ ءوتتى.
داۋىس بەرۋ كوپ ۋاقىت الا قويعان جوق دەسەك تە, ءبىر ساعاتتان استامعا سوزىلدى. ءار دەپۋتات ءوزى قالاعان ۇمىتكەرگە داۋىس بەرىپ, وزدەرىن اۋداندىق ءماسليحات دەپۋتاتتىعىنا سايلاعان حالىقتىڭ اتىنان تاڭداۋ جاسادى. بىزبەن تىلدەسكەن ماحامبەت اۋداندىق ءماسليحاتى دەپۋتاتتارىنىڭ ءبىرى – اقتۇرلان ەرمانوۆ: «بۇگىن مەن ەڭ ءبىر جاۋاپتى ءساتتى باستان وتكەردىم. ماعان جۇكتەلگەن جاۋاپكەرشىلىكتىڭ جەڭىل ەمەسىن سەزىندىم. اۋىل اكىمدەرىن تاڭداۋ ءۇشىن الدىمەن ولاردىڭ باعدارلاماسىمەن جەتە تانىستىم. ءبارى دە ءبىزدىڭ اۋداننىڭ تۇرعىندارى بولعانىمەن, ولاردىڭ اراسىنان اۋىل ادامدارىنىڭ الەۋمەتتىك جاعدايىنىڭ جاقسارۋىنا ىقپال ەتەتىن, ءوز ىسىنە جاۋاپكەرشىلىكپەن قارايتىن ىسكەر ۇمىتكەرلەردى تاڭداۋ وڭاي بولمادى. ويتكەنى, اۋىل اكىمدەرىنە جۇكتەلەر جاۋاپكەرشىلىك بۇرىنعىدان دا ەسەلەنە ارتىپ وتىر. قاشاندا ەل-جۇرتپەن ەتەنە جۇمىس جاساۋ ەكىنىڭ ءبىرىنىڭ قولىنان كەلەتىن جۇمىس ەمەس», دەدى.
ماحامبەت اۋدانىنداعى سايلاۋ ۇدەرىسىن ءتورت بايقاۋشى ءجىتى باقىلاپ وتىردى. داۋىس ساناۋ بارىسى دا بايقاۋشىلاردىڭ نازارىنان تىس قالعان جوق. «ەكو» قوعامدىق بىرلەستىگى اتىنان قاتىسقان بايقاۋشى ماكس بوقاەۆ: «بۇل جاقسى قۇبىلىس. سايلاۋ زاڭعا ساي ءوتتى», دەپ تۇيىندەدى ءوز ويىن. اۋداندىق ارداگەرلەر كەڭەسىنىڭ توراعاسى ناسىپقالي سامەنوۆ: «سايلاۋ زاڭ شەڭبەرىندە ءوتتى. ەندىگى جاۋاپكەرشىلىك 12 دەپۋتاتىمىزدا, ولار اكىمدەردى دۇرىس تاڭدادى ما, جوق پا, ونى ۋاقىت كورسەتەدى. جالپى, ەلدىڭ كادر تاڭداۋ جونىندەگى العاشقى بولسا دا جاقسى باستاماسى قۋانتادى», دەدى. ال بايقاۋشى قاجىمۇقان ەسقاليەۆ ەلىمىزدە اۋىل اكىمدەرىن سايلاۋدىڭ اشىق وتكەنىنە كوڭىل اۋداردى.
اۋداندىق اۋماقتىق سايلاۋ كوميسسياسىنىڭ مۇشەلەرى سايلاۋ بيۋللەتەندەرىن مۇقيات سانادى. ءار ۇمىتكەرگە بەرىلگەن داۋىستان قاتە كەتپەۋىنە ەرەكشە كوڭىل اۋداردى. داۋىس ساناۋ, سوعان سايكەس حاتتاما تولتىرىلعاننان كەيىن ماحامبەت اۋداندىق اۋماقتىق سايلاۋ كوميسسياسىنىڭ توراعاسى مارات مىرزاشەۆ ءار ۇمىتكەردىڭ قانشا داۋىس العانىن جاريا ەتتى. ناتيجەسىندە اۋدانداعى ون وكرۋگتىڭ ەكەۋىنە جاڭا اكىم تاڭدالدى. ءسويتىپ, اۋداندىق ءماسليحات دەپۋتاتتارى اقتوعاي جانە ەسبول سەلولىق وكرۋگتەرىنە ورىنشا قايرەكەشەۆا مەن مەرەكە ادىلعاليەۆتى تاڭدادى. اتالعان وكرۋگتەر ءۇشىن جاڭا اكىم رەتىندە تاڭدالعانداردىڭ ءبىرى – ورىنشا قايرەكەشەۆانىڭ بۇعان دەيىن دە بۇل قىزمەتتە تاجىريبە جيناعانىنا كوڭىل اۋدارىلعان سەكىلدى. ال مەرەكە ادىلعاليەۆ وسى ۋاقىتقا دەيىن اۋداننىڭ ءبىلىم بەرۋ سالاسىندا جۇمىس جاساعان ەكەن. قالعان سەگىز وكرۋگتى بۇرىنعى اكىمدەر باسقارا بەرەتىن بولدى.
بۇرىنعى اكىمدەر دەمەكشى, ولاردىڭ اراسىنان سارايشىق سەلولىق وكرۋگىنىڭ اكىمى الماجاي ماستەكوۆا ەڭ كوپ داۋىس جينادى. ا
