«2050 جىلعا قاراي قازاقستان ءوزىنىڭ ءوندىرىستىك اكتيۆتەرىن ەڭ جاڭا تەحنولوگيالىق ستاندارتتارعا سايكەس تولىقتاي جاڭارتۋى ءتيىس».
نۇرسۇلتان نازارباەۆ.
(«قازاقستان-2050» ستراتەگياسى – قالىپتاسقان مەملەكەتتىڭ جاڭا ساياسي باعىتى»
اتتى قازاقستان حالقىنا جولداۋىنان).
بيىلدان باستاپ وسكەمەن مەن ءشۇلبى سۋ ەلەكتر ستانسالارىنا اۋقىمدى جوندەۋ جۇمىستارى جۇرگىزىلۋدە
«2050 جىلعا قاراي قازاقستان ءوزىنىڭ ءوندىرىستىك اكتيۆتەرىن ەڭ جاڭا تەحنولوگيالىق ستاندارتتارعا سايكەس تولىقتاي جاڭارتۋى ءتيىس».
نۇرسۇلتان نازارباەۆ.
(«قازاقستان-2050» ستراتەگياسى – قالىپتاسقان مەملەكەتتىڭ جاڭا ساياسي باعىتى»
اتتى قازاقستان حالقىنا جولداۋىنان).
بيىلدان باستاپ وسكەمەن مەن ءشۇلبى سۋ ەلەكتر ستانسالارىنا اۋقىمدى جوندەۋ جۇمىستارى جۇرگىزىلۋدە
قازاقستانداعى AES كومپانيالار توبىنىڭ قوعاممەن بايلانىس قىزمەتىنىڭ ديرەكتورى سۆەتلانا نيششەنكونىڭ ايتۋىنشا, الداعى ۋاقىتتا 60 جىلدىق تاريحى بار وسكەمەن گەس-ىندە جاڭا ينجەنەرلىك-تۇرمىستىق كورپۋس قۇرىلىسى اياقتالماق. اتالعان نىساننىڭ جالپى كولەمى 800 شارشى مەتردى قۇرايدى. بۇل – بارلىق قىرىنان قازىرگى زامان تالاپتارىنا ساي ءارى قىزمەتكەرلەر ەڭبەگىن جاقسارتۋعا باعىتتالعان عيمارات. ماسەلەن, ينجەنەرلىك-تۇرمىستىق كورپۋستا جۇمىس كەڭسەلەرىمەن قاتار 46 ورىنعا ارنالعان اسحانا, مەدپۋنكت, ءماجىلىس زالى, قاۋىپسىزدىك تەحنيكاسىن وقىتۋعا ارنالعان زاماناۋي وقۋ سىنىبى قاراستىرىلعان.
بيىل ماۋسىم ايىندا وسكەمەن سۋ ەلەكتر ستانساسىنىڭ №3 گيدروقۇرىلعىسىن قايتا قۇرىلىمداۋ جۇمىستارى باستالدى. اگرەگات پايدالانۋعا بەرىلگەندە ونىڭ قۋاتى 9 مۆت-عا دەيىن ارتادى دەپ كۇتىلۋدە. قازىرگى كەزدە ستانسانىڭ قولدانىستاعى جابدىقتارىن جاڭارتۋ بويىنشا ءىس-شارالاردى جۇزەگە اسىرۋ كەزەڭ-كەزەڭىمەن ورىندالىپ جاتىر.
جوسپار بويىنشا 2015 جىلى جاڭعىرتىلعان گيدروقۇرىلعى پايدالانۋعا بەرىلۋى ءتيىس. جالپى, ءشۇلبى جانە وسكەمەن گەس-ىندەگى ينۆەستيتسيالىق جوبالاردى جۇزەگە اسىرۋ ستانسانىڭ نەگىزگى جانە قوسالقى جابدىقتارىن, سونداي-اق ەلىمىزدىڭ شىعىسىنداعى گيدروتەحنيكالىق قۇرىلىم كەشەندەرىنىڭ قاۋىپسىزدىگى مەن سەنىمدىلىگىن ارتتىرۋعا باعىتتالعان.
ءشۇلبى گەس-ىندە دە قايتا جاڭعىرتۋ جۇمىستارى جۇرگىزىلۋدە. 2013 جىلى ماڭىزدى جوبالار قاتارىندا جاڭادان ءورت قاۋىپسىزدىگى دەپوسى قۇرىلىسىنىڭ باستالۋى مەن ستانسا عيماراتىنىڭ قاسبەتىن ءجوندەۋ جۇمىستارىن ايتۋعا بولادى.
«ءورت قاۋىپسىزدىگى تۋرالى» زاڭعا سايكەس, ەنەرگەتيكالىق نىسانداردا كەز كەلگەن ءورتتى جەدەل وشىرۋگە ارنالعان جەكە ورتتەن قورعاۋ قىزمەتىنىڭ قۇرىلۋى تالاپ ەتىلەدى. ءشۇلبى گەس-ىندە مۇنداي قىزمەت ءتۇرى بار, ال ءورت قاۋىپسىزدىگى دەپوسى ورتتەن قورعاۋ قىزمەتىنىڭ قىزمەتكەرلەرىنە قاجەتتى جاعداي جاسايدى.
12 مىڭ شارشى مەتر اۋماقتى قۇرايتىن عيماراتتىڭ قاسبەتىنە زاماناۋي ارلەۋ جانە جىلىلاۋ ماتەريالدارى قولدانىلماق. ناتيجەسىندە, ءشۇلبى ستانساسىنىڭ ماشينالار زالىنداعى جابدىقتارعا قولايلى تەمپەراتۋرا بەلگىلەۋگە مۇمكىندىك تۋادى.
كومپانيا وكىلدەرىنىڭ ايتۋىنشا, ينۆەستورلار بيىل اتالعان جوبالارعا 6 ملرد. تەڭگەگە جۋىق قارجى قۇيادى.
وسكەمەن جانە ءشۇلبى سۋ ەلەكتر ستانسالارى – ەرتىس وزەنىنىڭ بويىنداعى جاساندى قۇلاما سۋعا سالىنعان ستانسالاردىڭ ءبىر بولىگىنە جاتادى. 1939 جىلى قۇرىلىسى باستالعان وسكەمەن گەس-ءى سوعىس جىلدارىنان كەيىن قايتا جالعاسىپ, ءوزىنىڭ العاشقى ەلەكتر قۋاتىن 1952 جىلى تاراتقان بولاتىن. ال ءشۇلبى گەس-ءى – ەلىمىزدەگى ەڭ جاس ستانسالار ساپىندا, 1987 جىلدان باستاپ العاشقى ەلەكتر قۋاتىن وندىرە باستادى.
دۋمان اناش.
شىعىس قازاقستان وبلىسى.
