الماتىدا قاتارى 5 ادامنان تۇراتىن قاراقشىلار توبى قىلمىس ۇستىندە قولعا ءتۇستى. بۇل تۋرالى وبلىستىق ىشكى ىستەر دەپارتامەنتىنىڭ ءباسپاسوز قىزمەتى حابارلادى.
«جىل باسىنان بەرى ۇستالعان ازاماتتار قالاداعى بۋكمەكەرلىك كەڭسەلەرگە 15 رەت قاراقشىلىق شابۋىل جاساعان. بارلىق شابۋىلدان كەلگەن شىعىننىڭ جالپى كولەمى 2 ملن. 149 مىڭ تەڭگەنى قۇرادى», – دەلىنگەن حابارلامادا.
«ۇستالعان ازاماتتاردىڭ ەشقايسىسى بۇعان دەيىن سوتتالماعان. بەسەۋدىڭ بىرەۋى عانا – 1991 جىلى تۋعان ازامات «تۇلپار» جشس-دا تاكسيست بوپ جۇمىس ىستەگەن. ولاردان ايعاق زاتتار تاركىلەنءىپ الىندى», – دەلىنگەن ودان ءارى پاراقشادا.
بارلىق فاكتى بويىنشا قىلمىستىق ءىس قوزعالىپ, تەرگەۋ امالدارى باستالىپ كەتتى.
مۇرات ايتقوجا.
