29 قاڭتارداعى جاعداي بويىنشا (01.01.2020-29.01.2020 ج.تاڭعا دەيىن) 53 مم جاۋىن-شاشىن ءتۇستى (ايلىق نورمادا 16 مم), ول ايلىق نورمادان 3,3 ەسە اسىپ ءتۇستى.
23 قاڭتاردان باستاپ قارلى بوراننان جانە قار قۇرساۋىنان 1048 ادام قۇتقارىلدى. قار كەپتەلىسى مەن بوراننان 270 بىرلىك تەحنيكا (239 جەڭىل كولىك, 9 اۆتوبۋس, 18 جۇك كولىگى, 2 فۋر جانە 1 جۇك تيەگىش تەحنيكا) شىعارىلدى. استانالىق قۇتقارۋشىلار اقمولا وبلىسىنىڭ شەكارالاس ەلدى مەكەندەرىنىڭ تۇرعىندارىنا كومەك كورسەتۋ ءۇشىن 55 شىعۋدى جۇزەگە اسىردى, وندا 792 ادام, ونىڭ ىشىندە 15 جۇكتى ايەل مەن 50 بالا قۇتقارىلدى.
نۇر-سۇلتان قالاسى تج دەپارتامەنتىنىڭ بولىمشەلەرى وتكىزگىشتىگى جوعارى ارنايى تەحنيكامەن پاترۋلدەۋدەپ, شاقىرتۋلارعا شىعۋدا. مىسالى, وسىنداي توتەنشە جاعدايلاردىڭ ءبىرى 28 قاڭتاردا ورىن الدى, قۇتقارۋشىلار اپاتتار مەديتسيناسى ورتالىعىنىڭ دارىگەرلەرىمەن بىرلەسىپ, نوۆوماركوۆكا اۋىلىنا شاقىرتۋعا شىقتى, وندا ايەل ادام سانىن سىندىرىپ الىپ, اۋىر حالدە جاتىپ, جەدەل مەديتسينالىق كومەكتى قاجەت ەتتى. شاقىرتۋ ورنىنا كەلىپ جەتكەن قر ءىىم تجك امو دارىگەرلەرى دەرەۋ مەديتسينالىق كومەك كورسەتتى جانە پاتسيەنتەۆاكۋاتسيالانىپ, استانالىق «تراۆماتولوگيا جانە ورتوپەديا» عزي-نا جەتكىزىلدى.
تاعى ءبىر شۇعىل تۇردە كومەك كورسەتىلگەن ناۋقاس اياعى سىنعان ەر ادام بولىپ شىقتى, ونى قۇتقارۋشىلار اپاتتار مەديتسيناسى ورتالىعىنىڭ دارىگەرلەرىمەن بىرگە اۋرۋحاناعا جەتكىزدى.
