مەرزىمىن 10 تامىزعا دەيىن ۇزارتتى
امەريكا قۇراما شتاتتارى وزدەرىنىڭ شەتەلدەردەگى 19 ەلشىلىگىنىڭ جۇمىسىن ۋاقىتشا توقتاتۋ مەرزىمىن 10 تامىزعا دەيىن ۇزارتتى. بۇل جونىندە «رەيتەر» اگەنتتىگى اقش مەملەكەتتىك دەپارتامەنتىنىڭ مالىمدەمەسىنە سىلتەمە جاساي وتىرىپ حابارلادى.
مەرزىمىن 10 تامىزعا دەيىن ۇزارتتى
امەريكا قۇراما شتاتتارى وزدەرىنىڭ شەتەلدەردەگى 19 ەلشىلىگىنىڭ جۇمىسىن ۋاقىتشا توقتاتۋ مەرزىمىن 10 تامىزعا دەيىن ۇزارتتى. بۇل جونىندە «رەيتەر» اگەنتتىگى اقش مەملەكەتتىك دەپارتامەنتىنىڭ مالىمدەمەسىنە سىلتەمە جاساي وتىرىپ حابارلادى.
وسىعان بايلانىستى 10 تامىزعا دەيىن اقش-تىڭ يوردانيا, ءباا, ەگيپەت, ساۋد ارابياسى, كاتار, كۋۆەيت, باحرەين, ومان, يەمەن, سۋدان, ليۆيا, بۋرۋندي, دجيبۋتي, راۋند, سونداي-اق ماداگاسكار مەن ماۆريكاداعى ەلشىلىكتەرى مەن كونسۋلدىقتارى جۇمىس ىستەمەيدى. بۇعان دەيىن جۇمىسى ۋاقىتشا توقتاتىلعان اقش-تىڭ بانگلادەش, الجير, ماۆريتانيا, اۋعانستان جانە يراكتاعى ەلشىلىكتەرى كەشە قايتا اشىلدى. ەلشىلىكتەر جۇمىسىنىڭ ۋاقىتشا توقتاتىلۋى «ال-كاەدا» ۇيىمىنىڭ تەررورلىق ارەكەتتەر جونىندەگى مالىمدەمەسىنە بايلانىستى بولسا كەرەك.
پرەمەر-ءمينيستردى وتكىزۋدەن باس تارتتى
ەگيپەت بۇقارالىق اقپارات قۇرالدارىنىڭ حابارلاۋىنشا, تۇركيا پرەمەر-ءمينيسترى رەدجەپ ەردوعاننىڭ تامىز ايىنىڭ باسىندا گازا سەكتورىنا جوسپارلانعان ساپارى وزگەرتىلدى.
اقپاراتتارعا قاراعاندا, ەگيپەت بيلىگى ت.ەردوعاندى ءوز اۋماعىندا قابىلداۋدان باس تارتقان. تۇركيا پرەمەر-ءمينيسترى گازا سەكتورىنا تەك ەگيپەت ەلىنىڭ اۋماعى ارقىلى عانا وتە الادى. ەردوعاننىڭ ساپارىنىڭ وزگەرتىلگەندىگىن قازىرگە تۇركيا دا, ەگيپەت تە, پالەستينا دا رەسمي تۇردە ناقتىلاعان جوق. اتاپ وتەيىك, تۇركيا پرەمەر-ءمينيسترىنىڭ گازا سەكتورىنا ساپارمەن كەلۋى جونىندەگى الدىن الا ۋاعدالاستىققا وسى جىلدىڭ كوكتەمىندە قول جەتكىزىلگەن ەدى. سول كەزدە ەگيپەتتىڭ پرەزيدەنتى موحاممەد مۋرسي بولاتىن.
ەل استاناسىندا قاۋىپسىزدىك شارالارى كۇشەيتىلدى
پاكستان استاناسى – يسلامابادتا تەررورلىق قاۋىپ-قاتەر مۇمكىندىگىنىڭ جوعارى دەڭگەيى جاريالاندى. ەل ۇكىمەتىندەگى لاۋازىمدى تۇلعانىڭ ايتۋىنشا, بۇعان پاكستاندىق ارنايى قىزمەت ورگاندارىنىڭ تەررورشىلار تاراپىنان شابۋىلدار دايىندالىپ جاتقاندىعى تۋرالى اقپاراتتار العاندىعى سەبەپ بولعان.
بۇگىندە يسلامابادتا ارميا بولىمشەلەرى مەن پوليتسيا قاتاڭ رەجىمگە كوشىرىلدى. قالا ءۇستىن, تاۋ سىلەمدەرىن اسكەري ۇشاقتار باقىلاۋعا العان, يسلاماباد ماڭايىن اسكەريلەر كۇزەتۋدە. اسىرەسە, مينيسترلىكتەر مەن مەملەكەتتىك مەكەمەلەر ورنالاسقان, سونداي-اق اسكەري نىساندار ەرەكشە قورعاۋعا الىنعان.
335 ادامدى «نون گرات» دەپ جاريالادى
ازەربايجاننىڭ سىرتقى ىستەر مينيسترلىگى تاۋلى قاراباققا بارعانى ءۇشىن «نون گرات» دەپ جاريالانعان تۇلعالاردىڭ ءتىزىمىن تاراتتى. مينيسترلىك ءباسپاسوز قىزمەتىنىڭ مالىمدەۋىنشە, تىزىمگە 335 ادام ەنىپ وتىر.
ولاردىڭ اراسىندا رەسەيدىڭ ارمەنياداعى بۇرىنعى ەلشىسى ۆ.ستۋپيشين, رەسەيدىڭ ساياسي جانە اسكەري تالداۋ ينستيتۋتىنىڭ ءبولىم باستىعى س.ماركەدونوۆ, سونداي-اق رەسەي مەملەكەتتىك دۋماسىنىڭ 14 دەپۋتاتى بار. بۇلاردان بولەك تىزىمگە بريتاندىق لوردتار پالاتاسىنىڭ بۇرىنعى ۆيتسە-سپيكەرى بارونەسسا كەرولاين كوكس, يتالياندىق ءانشى ال بانو, يسپاندىق ءانشى مونسەررات كابالە, ءانشى فيليپپ كيركوروۆتىڭ اكەسى – بەدروس كيركوروۆ, سونىمەن قاتار, ەۋروپارلامەنتتىڭ, فرانتسيا, ۇلىبريتانيا, شۆەيتساريا جانە ۋرۋگۆاي پارلامەنتتەرىنىڭ بىرقاتار دەپۋتاتتارى كىرگىزىلگەن كورىنەدى.
پرەزيدەنتتىك سايلاۋدا مۋگابە جەڭىسكە جەتتى
زيمبابۆەدە وتكەن پرەزيدەنتتىك سايلاۋدا 89 جاستاعى روبەرت مۋگابە جەڭىسكە جەتتى. «فرانس-پرەسس» اگەنتتىگىنىڭ حابارلاۋىنشا, مۋگابەگە سايلاۋشىلاردىڭ 61 پايىزى داۋىس بەرگەن. ونىڭ ەڭ باستى باسەكەلەسى, ەلدىڭ پرەمەر-ءمينيسترى مورگان تسۆانگيرايدى سايلاۋشىلاردىڭ 34 پايىزى قولداعان.
جاقىندا ەلدىڭ ورتالىق سايلاۋ كوميسسياسى پرەزيدەنتتىك سايلاۋمەن قاتار وتكەن پارلامەنتتىك سايلاۋدىڭ دا ناتيجەسىن شىعاردى. وندا مۋگابە جەتەكشىلىك ەتەتىن «زيمبابۆە افريكالىق ۇلتتىق وداعى» پارتياسى جەڭىسكە جەتىپ, پارلامەنتتەگى 210 ورىننىڭ 142-ءسىن الدى. ەندى پرەزيدەنتتىك پارتيانىڭ ەل كونستيتۋتسياسىنا وزگەرىستەر ەنگىزۋىنە مۇمكىندىكتەرى بار. روبەرت مۋگابە ەلدى 33 جىلدان بەرى باسقارىپ كەلەدى.
سويلەيتىن روبوتى بار اپپاراتتى عارىشقا ۇشىردى
جاپونيا وزدەرىنىڭ نتV4 عارىشتىق جۇك تاسىعىشىن جۇكتەرىمە ن بىرگە, حالىقارالىق عارىش ستانساسى ءۇشىن وربيتاعا شىعاردى. عارىشتىق اپپاراتتى ۇشىرۋ تانەگاسيما ارالىنان جەرگىلىكتى ۋاقىت بويىنشا ساعات 4.48-دە جۇزەگە اسىرىلعان.
اپپاراتتىڭ بورتىندا اۋىز سۋ, تاماق, كيىم جانە حالىقارالىق عارىش ستانساسى ەكيپاجىنا قاجەتتى باسقا دا ماتەريالدار, سونداي-اق, سويلەيتىن شاعىن روبوت بار. روبوتتىڭ بويى 30 سانتيمەتردەن استام, سالماعى ءبىر كيلوعا جۋىق. ول جاپون تىلىندە سويلەي الادى جانە ول ستانساداعى جاپوندىق استروناۆت كويتي ۆاكاتامەن بىرگە جەرگە ورالاتىن كورىنەدى.
قىسقا قايىرىپ ايتقاندا:
*لۋيزيانا شتاتىنداعى لوۋتەلل قالاسىندا حيميالىق زاتتار تيەلگەن پويىز اپاتى سالدارىنان 100-دەن استام ءۇيدىڭ تۇرعىندارى قاۋىپسىز جەرگە جەتكىزىلدى. اپات سەبەپتەرى انىقتالۋ ۇستىندە.
*سولتۇستىكتەن كورەيا باسشىلىعى تاسقىن سۋ باسۋىنا بايلانىستى جازعى اسكەري جاتتىعۋلار باعدارلاماسىن قىسقارتۋعا ءماجبۇر بولدى. وعان قاتىسۋعا ءتيىس اسكەريلەر تاسقىن سالدارىن جويۋعا جۇمىلدىرىلعان.
*«تۇركىمەن اۋە جولدارى» مەملەكەتتىك اۆياكومپانياسىنىڭ ۇشاقتارى جالاقىلارىن كوبەيتۋدى جانە ەڭبەك جاعدايلارىن جاقسارتۋدى تالاپ ەتتى. كومپانيا باسشىلىعى ۇشقىشتار تالابىن ورىنداۋدان باس تارتىپ وتىر.
*اقش-تىڭ قورعانىس مينيسترلىگى تەڭىزدەگى قارۋلى كۇشتەرىن ەداۋىر قىسقارتپاق. كاتارداعى 11 اۆياتاسىمالداۋشى كەمەنىڭ 8-ءى نەمەسە 9-ى قالادى. سونىمەن قاتار, اسكەري تەڭىز كۇشتەرىندەگى 10 مىڭعا جۋىق ادام قىسقارتۋعا ۇشىرايتىن كورىنەدى.
ينتەرنەت ماتەريالدارى نەگىزىندە ازىرلەندى.
