شالقىپ جاتقان شالقار تەڭىزدىڭ سۋى ەرنەۋىندە عانا قالدى. اينالا اق تۇزدىڭ القابىنا اينالدى. قۇمنىڭ اراسىندا بالىقشىنىڭ قۇرال-جابدىعى جەلمەن كولبەڭدەيدى. تەڭىزدىڭ تابانىنا تۇراقتاعان كەمەلەردىڭ قاڭقاسى عانا قالعان. كەشە عانا سۋى تولقىنداپ, نۋى جايقالعان بەرەكەلى مەكەننىڭ بۇگىن مەرەكەسى تارقاپ تۇر. ادامدار ۇدەرە كوشۋدى ۇردىسكە اينالدىردى. بالىق كەتكەن سوڭ حالىقتىڭ تۇراقتامايتىنى دا بەلگىلى عوي. بۇل – ارالدىڭ وتكەن بەينەسى ەدى.
شالقىپ جاتقان شالقار تەڭىزدىڭ سۋى ەرنەۋىندە عانا قالدى. اينالا اق تۇزدىڭ القابىنا اينالدى. قۇمنىڭ اراسىندا بالىقشىنىڭ قۇرال-جابدىعى جەلمەن كولبەڭدەيدى. تەڭىزدىڭ تابانىنا تۇراقتاعان كەمەلەردىڭ قاڭقاسى عانا قالعان. كەشە عانا سۋى تولقىنداپ, نۋى جايقالعان بەرەكەلى مەكەننىڭ بۇگىن مەرەكەسى تارقاپ تۇر. ادامدار ۇدەرە كوشۋدى ۇردىسكە اينالدىردى. بالىق كەتكەن سوڭ حالىقتىڭ تۇراقتامايتىنى دا بەلگىلى عوي. بۇل – ارالدىڭ وتكەن بەينەسى ەدى.
ارالدان ۇشقان اق تۇز انتاركتيداعا جەتكەندە بۇل ءبىزدىڭ پروبلەمامىز عانا ەمەس ەدى. تۇتاس الەمنىڭ باس اۋرۋىنا اينالعان. وسى تۇستا ەلباسى نۇرسۇلتان نازارباەۆ ۇلكەن باستامانى قولعا الدى. ول – ساراتس جوباسى بولاتىن. ياعني ارالدى قايتا قالپىنا كەلتىرۋدىڭ كەشەندى جۇمىسى. اتالعان جوبانىڭ العاشقى فازاسىندا كىشى ارالعا سۋ كەلدى. سۋمەن بىرگە ءومىر ورنىقتى. پرەزيدەنتتىڭ تىكەلەي مۇرىندىق بولۋىمەن بۇگىندە ارال ءوڭىرىنىڭ اجارى كىرە باستادى. ال 1993 جىلى حالىقارالىق ارالدى قورعاۋ قورى قۇرىلدى. قوردى قۇرۋعا قازاقستان باس بولىپ, وزبەكستان, قىرعىزستان, تۇركىمەنستان, تاجىكستان سياقتى باۋىرلاس مەملەكەتتەر تىزە قوستى. سونىڭ ناتيجەسىندە تالاي تىرلىكتىڭ باسى قايىرىلدى. اتان تۇيەنىڭ بەلى شىداماس جۇمىستار اتقارىلدى.
حالىقارالىق قوردىڭ قۇرىلعانىنا بيىل جيىرما جىل تولدى. وسى ورايدا قورعا مۇشە مەملەكەتتەردىڭ وكىلدەرى مەن حالىقارالىق ۇيىمداردىڭ مۇشەلەرى, ەلشىلىك قىزمەتكەرلەرى, ەكولوگ ماماندار قىزىلوردا وبلىسىنا ارنايى كەلدى. قورقىت اتا اتىنداعى قىزىلوردا مەملەكەتتىك ۋنيۆەرسيتەتىنىڭ ستۋدەنتتەر سارايىندا «قازاقستان رەسپۋبليكاسى ۇكىمەتىنىڭ «جاسىل» ەكونوميكاعا كوشۋ جونىندەگى باستاماسىنا وراي ارال تەڭىزىنىڭ قازاقستاندىق بولىگىندە سۋ رەسۋرستارىن باسقارۋدى ينتەگرالداۋدىڭ وزات تاجىريبەسىنەن حاباردار بولۋدى ارتتىرۋ» تاقىرىبىندا ءماجىلىس وتكىزدى. ەقىۇ-نىڭ استانا قالاسىنداعى ورتالىعىنىڭ جەتەكشىسى, ەلشى ناتاليا زارۋدنا, سونداي-اق بۇۇ دب وكىلدەرى, سۋ ماسەلەلەرى جونىندەگى حالىقارالىق جوبالاردىڭ ساراپشىلارى, باسسەيندىك باسقارمالاردىڭ قىزمەتكەرلەرى قاتىستى.
حالىقارالىق ارالدى قۇتقارۋ قورى مەن ەقىۇ استاناداعى ورتالىعى بىرلەسىپ وتكىزگەن شارانى اشقان اتقارۋ ديرەكتسياسىنىڭ ديرەكتورى مەدەت وسپانوۆ قازىرگى تاڭدا قولعا الىنىپ وتىرعان جوبالارعا توقتالدى. شانحاي ىنتىماقتاستىق ۇيىمى باسقارماسىنىڭ كەڭەسشىسى دارحان نۇرسادىقوۆ سىرتقى ىستەر ءمينيسترىنىڭ, حالىقارالىق ارالدى قۇتقارۋ قورى اتقارۋ كوميتەتى توراعاسىنىڭ ورىنباسارى دەمەسىن نۇرماعانبەتوۆ سۋ شارۋاشىلىعى كوميتەتى توراعاسىنىڭ ىستىق ءىلتيپاتتارىن جەتكىزدى. ەقىۇ استاناداعى ورتالىعىنىڭ جەتەكشىسى, ەلشى ناتاليا زارۋدنا ەۋروپاداعى قاۋىپسىزدىك جانە ىنتىماقتاستىق ۇيىمى تاراپىنان ارال تەڭىزىنىڭ قازاقستاندىق بولىگىندە سۋ رەسۋرستارىن باسقارۋدى ينتەگرالداۋ جوباسى جۇزەگە اسىرىلىپ جاتقانىن باياندادى. شارا بارىسىندا قوردىڭ اتقارۋ ديرەكتسياسىنىڭ ديرەكتورى مەدەت وسپانوۆ سالانىڭ جۇمىسىنا ەلەۋلى ۇلەس قوسقان ءبىر توپ قىزىلوردالىق اعايىندى قوردىڭ 20 جىلدىق ەستەلىك توسبەلگىسىمەن ماراپاتتادى. دوڭگەلەك ۇستەل وتىرىسى ودان ءارى پلەنارلىق ماجىلىسكە جالعاستى. وندا تاۋەلسىز ساراپشى يگور پەتراكوۆ «جاسىل» ەكونوميكاداعى سۋ سەكتورىن ىلگەرى جىلجىتۋ جولدارى», تاۋەلسىز ساراپشى الەكساندر ميروشنيچەنكو «جاسىل» ەكونوميكاداعى سۋ رەسۋرستارىن باسقارۋ: باسسەيندىك كورپوراتسيا جانە تاريفتەر», ۇلتتىق ستراتەگيا جونىندەگى بۇۇ دب جوباسىن ۇيلەستىرۋشى تالعات كەرتەشوۆ «جاسىل» ەكونوميكاعا تابيعي كاپيتال ارقىلى» تاقىرىبىندا بايانداما جاسادى.
حالىقارالىق شارانىڭ باعدارلاماسى بويىنشا ءبىرىنشى سەسسيادا «كىشى ارال مەن سىرداريا وزەنىنىڭ ساعاسىنداعى سۋدىڭ ساپاسى», ەكىنشى سەسسيادا «جاسىل ەكونوميكاعا ءوتۋدىڭ نەگىزى – سۋ جيناقتايتىن تەحنولوگيالار» تاقىرىبى تالقىلانسا, ال ءۇشىنشى سەسسيادا وڭىرىمىزدەگى بىرقاتار وبەكتىلەردىڭ تۇساۋكەسەرى وتكىزىلدى. دوڭگەلەك ۇستەل وتىرىسىندا قارالعان ماسەلەلەر قورىتىندىلانىپ, وعان قاتىسۋشىلار ۇندەۋ قابىلدادى.
شارا سوڭىندا الىس-جاقىن شەتەلدەر مەن رەسپۋبليكامىزدىڭ وزگە وڭىرلەرىنەن كەلگەن كونفەرەنتسيا قوناقتارى قاراۋىلتوبە ءتاجى-ريبە شارۋاشىلىعىنىڭ كۇرىش القاپتارى مەن قورقىت اتا اتىنداعى قىزىلوردا مەملەكەتتىك ۋنيۆەرسيتەتىنىڭ جىلىجاي
