تەحنولوگيا • 28 قاڭتار، 2020

جەتىستىككە جەتەم دەۋشىلەرگە يلون ماسكتان 3 كەڭەس

484 رەتكورسەتىلدى

ارينە بۇل كەڭەس ەلدىڭ نازارىن وزىنە اۋدارىپ، كەرەمەت كاسىپكەر بولام دەيتىندەر ءۇشىن بولار. دەسە دە ءوزى اتاقتى، ءوزى تاپقىر ەكسپەريمەنتشىل جاننىڭ اقىلىن تىڭداۋ كىم-كىمگە بولسا دا ارتىق بولا قويماس. نورۆەگيادا وتكەن ءبىر كونفەرەنتسيادا يلون ماسك كوپشىلىكتىڭ اقىلىنا قوناتىن جانە وتە پايدالى ءوز كەڭەستەرىن بەردى. جەتىستىككە جەتۋ ءۇشىن تومەندەگى ءۇش قادامدى جاساساڭىز بولعانى.

العا قويعان ماقساتقا جەتۋ ءۇشىن ادام كەرەك كەزىندە ءوز رايىنان قايتىپ، ءتىپتى كوزقاراسىن دا وزگەرتكەنى دۇرىس بولادى ەكەن. ياعني، باسقالارمەن ءتىل تابىسۋ ءۇشىن ادام جايلى جانە ىمىراعا كەلگىش بولۋى ءتيىس. باسىنا كەرەمەت وي كەلگەن ادام كومپانياسىن اشىپ، جويقىن كۇشپەن جۇمىسقا كىرىسەم دەگەندە، الدىنان ويلاماعان جەردەن نەبىر پروبلەمالار شىعىپ، جۇمىسقا بوگەت بولار وقيعالارعا كەزدەسىپ، جاعداي وزگەرىپ كەتەدى. سول سەبەپتى قاتايىپ قاتىپ قالماي، ءوزىڭنىڭ دە كەمشىلىگىڭدى مويىنداپ ارەكەت ەتۋگە تۋرا كەلەدى.

ءبىرىنشى قادام – باسقالاردان ەرەكشە جانە كۇشتى بولۋ. بالليستيكالىق راكەتا قاجەت بولىپ، ونى الەمدە كەرەمەت جاسايتىن رەسەيگە بارىپ سۇراعان ەكەن. ءار داناسى 8 ملن دوللار دەگەندە شالقاسىنان تۇسە جازداعان يلەكەڭ، ەلىنە قايتىپ كەلىپ سول راكەتانى ءوزىم نەگە جاساماسقا دەپ شەشكەن. ارتىنشا ساپاسى ولاردان ارتىق، بىراق باعاسى قولجەتىمدى راكەتا جاساپ شىعاراتىن كومپانيا اشىپ، دەگەنىنە جەتكەن. ارينە ول ءۇشىن دە تالاي تەر توگىپ، ەڭبەك ەتۋگە تۋرا كەلگەن. الەمدىك ۇلكەن نارىققا شىعاتىن ادام باسقالاردان كۇشتى بولماسا ەڭبەكتىڭ دالاعا كەتكەنى.

ەكىنشى قادام – سىندى سىرتتان بىرەۋدەن ەستىگەنشە ءوزىڭدى قاتتى سىناۋ، ياعني ءوز كەمشىلىگىڭدى مويىنداپ، ونى تۇزەتۋ ءۇشىن دۇرىس باعىتتا جۇمىس ىستەۋ. جانى اشىپ ءارى ۇسىنىسىمەن بىرگە ايتىلاتىن سىن التىننان دا قىمبات ەكەنىن ايتقان كاسىپكەر دوستارى مەن جاقىندارىنان ۇنەمى سىن-ەسكەرتپەلەر جيناپ جۇرگەن ادام عانا داميدى دەگەندى ايتادى.

ءۇشىنشى قادام – جانىڭا تەك قانا مىقتىلاردى جيناۋ. يلون ماسك ەكونوميكا مەن فيزيكا سالاسىندا قانشاما بىلگىر بولسا دا كوپتەگەن سۇراقتارعا جاۋاپ تابا الماي قينالاتىنىن مىسالعا كەلتىردى. سوندىقتان دا كوبىنە مىقتى مامانداردان اقىل-كەڭەس سۇراپ، ولاردىڭ كاسىبي پىكىرلەرىنە توقتام جاسايتىنىن ايتتى. تىپتەن مۇنداي كەزدە سىزگە ۇنامايتىن وعاش ويلار بولسا دا ولاردى قاىلداۋعا تۋرا كەلەتىنىن ەسكەرتتى.

2050 جىلى مارستى وتارلاماقشى بولىپ وتىرعان امەريكاندىق كاسىپكەر مىڭداعان Spaceship راكەتالارىنان عارىشتىق فلوت جاساقتاپ، قىزىل پلانەتادا ميلليون ادام قونىستاندىرماقشى ويى بار ەكەنىن اتاپ وتپەسكە بولماس.

سوڭعى جاڭالىقتار

قىلمىستىق ءىس قوزعالدى

ايماقتار • كەشە

باستى اقپارات (21.02.2020)

ۆيدەو • 21 اقپان، 2020

ۇقساس جاڭالىقتار