ايماقتار • 28 قاڭتار، 2020

480 مىڭ تەڭگەنىڭ ۇرلىعىن جاساعاندار ۇستالدى

51 رەتكورسەتىلدى

پەتروپاۆل قالاسىنىڭ پوليتسيا باسقارماسى كريمينالدىق پوليتسيا ءبولىمىنىڭ قىزمەتكەرلەرى قىزىلجار اۋدانى پوليتسيا بولىمىندەگى ارىپتەستەرىمەن بىرلەسىپ، بىرنەشە دۇكەندى ءادىس-ايلامەن توناپ، باعالى زاتتار مەن اقشانى قولدى ەتكەن ءۇش كۇدىكتىنى ۇستادى.

بۇلار ۇرلىق جاساعاندا قاراپايىم ايلا قولدانىپ وتىرعان. ەكەۋى ساتۋشىنى الداستىرىپ، الەۋەتتى ساتىپ الۋشىنىڭ ءرولىن ويناپ، ارنەمەنىڭ باعاسىن سۇراپ، ونى قىراعىلىعىنان ايىرىپ تۇرعاندا ءۇشىنشىسى ۇرلايتىن قىمبات زاتتاردى سومكەسىنە ءجىتىرىپ، تايىپ وتىرعان. ۇرلىققا وسىلاي كاسىپتەنگەن كۇدىكتىلەردىڭ كىم ەكەندىگى بەينەباقىلاۋ كامەرالارىنداعى كورىنىستەر ارقىلى جەدەل انىقتالعانىمەن ولاردى ۇستاۋ وڭاي بولماعان.

قىزىلجارداعى باقىلاۋعا الىنعان مەكەنجايلارىنا ولار الدەنەدەن كۇدىكتەنىپ جولاماي قويىپ، جالعا العان پاتەرلەردە جاسىرىنىپ جۇرگەن. سوسىن قالا توڭىرەگىندەگى قىزىلجار اۋدانىنىڭ ورتالىعى بەسكولگە بارعان. تەك وسىنداعى جالعا العان پاتەرلەرىندە قىدىرىستاپ جۇرگەندە كوزگە تۇسكەن.

قىزىلجارلىق جانە اۋداندىق ءىز كەسۋشىلەردىڭ بىرلەسكەن جەدەل ءىس-شارالارىنىڭ ناتيجەسىندە ولار بەسكولدە ۇستالدى. ءسويتىپ، بۇرىن دا م ۇلىكتىك قىلمىستار جاساعانى ءۇشىن بىرنەشە رەتتەن سوتتى بولعان قىزىلجاردىڭ 1976، 1987 جانە 1989 جىلدارى تۋعان ءۇش تۇرعىنى ۇستالدى. قازىر جاسالعان قىلمىستار بويىنشا قىلمىستىق كودەكستىڭ «ۇرلىق» اتتى 188-بابىنىڭ 3-ءشى تارماعى بويىنشا سوتقا دەيىنگى تەرگەپ-تەكسەرۋلەر شارالارى جۇرگىزىلۋدە. ورىن العان جاعدايلاردىڭ بىرىندە قىراعى ساتۋشى كۇدىكتىنىڭ ارەكەتىن بايقاپ قالعان، بۇل ەپيزود قك 191-بابى («توناۋ») 3-ءشى تارماعى بويىنشا ايىپتالۋدا. «قازىر ولاردىڭ وسىعان ۇقساس باسقا دا قىلمىستارعا قاتىستىلىعى بارى تەكسەرىلۋدە»، - دەيدى پەتروپاۆل قالاسىنىڭ م ۇلىكتىك قىلمىستاردى تەرگەۋ جونىندەگى ءبولىمىنىڭ باستىعى پوليتسيا كاپيتانى ەربولات قاپتاەۆ. «قازىرگى ۋاقىتتا قىلمىستىق ىستە التى ەپيزود بار. اسا ءىرى مولشەردە دەپ باعالانعان شىعىن - 480 مىڭ تەڭگەگە جۋىق. دۇكەن يەلەرى ورناتقان بەينەباقىلاۋ كامەرالارىنىڭ جازبالارى قىلمىستى اشۋعا زور سەپتىگىن تيگىزدى»، دەدى ول.

وتكەن جىلى سقو دۇكەندەرى مەن ساۋدا ۇيلەرىندە 187 ۇرلىق تىركەلىپ، ونىڭ 141 قىلمىستىق ءىسى وندىرىسپەن اياقتالعان.

سولتۇستىك قازاقستان وبلىسى

سوڭعى جاڭالىقتار

قىلمىستىق ءىس قوزعالدى

ايماقتار • كەشە

باستى اقپارات (21.02.2020)

ۆيدەو • 21 اقپان، 2020

ۇقساس جاڭالىقتار