ايماقتار • 25 قاڭتار، 2020

قىزىلوردادا «كورشىلەر باقىلاۋى» باعدارلاماسى تۇسىندىرىلۋدە

99 رەتكورسەتىلدى

قىزىلوردا قالاسىندا پوليتسەيلەر اۋلا ارالاپ، «كورشىلەر باقىلاۋى» باعدارلاماسىن تۇسىندىرۋدە. بۇل تۋرالى وبلىستىق پوليتسيا دەپارتامەنتىنىڭ ءباسپاسوز قىزمەتى حابارلادى.

وسىنداي شارا وبلىس ورتالىعىنداعى اباي داڭعىلى №51 ءۇيدىڭ اۋلاسىندا ءوتتى. وندا قالالىق پوليتسيا باسقارماسىنىڭ باسشىلارى ءتۇرلى قىلمىس مەن قۇقىق بۇزۋشىلىقتاردىڭ، ونىڭ ىشىندە ۇرلىقتىڭ الدىن الۋ، توسقاۋىل قويۋ ماقساتىنداعى«كورشىلەر باقىلاۋى» باعدارلاماسىن ەنگىزۋدىڭ ءتارتىبى مەن تيىمدىلىگءىن ءتۇسىندىردى.

ولار كوپقاباتتى ءۇي تۇرعىندارى ءوز اۋلالارىنا سىرتتان كەلگەن سەزىكتى جاندار، وزدەرى كۋا بولعان كۇمان تۋعىزاتىن جاعدايلار جايلى پوليتسياعا جەدەل حابارلاسا، دەرەۋ شارالار قابىلدانىپ، ۇرلىق تا، ءتۇرلى قىلمىس تا ازاياتىنىن ايتتى.

ءتۇسىندىرۋ جۇمىستارى الدا دا جالعاسادى.

سوڭعى جاڭالىقتار

ەسىك نەگە «تەسىك»؟

قوعام • كەشە

ۇقساس جاڭالىقتار