2013 جىلعى 30 ءساۋىر استانا, ۇكىمەت ءۇيى
«باستاپقى مەديتسينالىق-سانيتاريالىق كومەك كورسەتۋ قاعيدالارىن جانە ازاماتتاردى باستاپقى مەديتسينالىق-سانيتاريالىق كومەك ۇيىمدارىنا بەكىتۋ قاگيدالارىن بەكىتۋ تۋرالى» قازاقستان رەسپۋبليكاسى ۇكىمەتىنىڭ 2011 جىلعى 1 قاراشاداعى № 1263 قاۋلىسىنا وزگەرىستەر مەن تولىقتىرۋلار ەنگىزۋ تۋرالى
2013 جىلعى 30 ءساۋىر استانا, ۇكىمەت ءۇيى
«باستاپقى مەديتسينالىق-سانيتاريالىق كومەك كورسەتۋ قاعيدالارىن جانە ازاماتتاردى باستاپقى مەديتسينالىق-سانيتاريالىق كومەك ۇيىمدارىنا بەكىتۋ قاگيدالارىن بەكىتۋ تۋرالى» قازاقستان رەسپۋبليكاسى ۇكىمەتىنىڭ 2011 جىلعى 1 قاراشاداعى № 1263 قاۋلىسىنا وزگەرىستەر مەن تولىقتىرۋلار ەنگىزۋ تۋرالى
قازاقستان رەسپۋبليكاسىنىڭ ۇكىمەتى قاۋلى ەتەدى:
1. «باستاپقى مەديتسينالىق-سانيتاريالىق كومەك كورسەتۋ قاعيدالارىن جانە ازاماتتاردى باستاپقى مەديتسينالىق-سانيتاريالىق كومەك ۇيىمدارىنا بەكىتۋ قاعيدالارىن بەكىتۋ تۋرالى» قازاقستان رەسپۋبليكاسى ۇكىمەتىنىڭ 2011 جىلعى 1 قاراشاداعى № 1263 قاۋلىسىنا (قازاقستان رەسپۋبليكاسىنىڭ ءپۇاج-ى, 2011 ج., № 60, 861-قۇجات) مىناداي وزگەرىستەر مەن تولىقتىرۋلار ەنگىزىلسىن:
1) كورسەتىلگەن قاۋلىمەن بەكىتىلگەن باستاپقى مەديتسينالىق-سانيتاريالىق كومەك كورسەتۋ قاعيدالارى:
مىناداي مازمۇنداعى 13-1, 14-1-تارماقتارمەن تولىقتىرىلسىن: «13-1. دارىگەردىڭ قابىلداۋىنا جازىلۋ جەكە تۇلعانىڭ نەمەسە ونىڭ وكىلىنىڭ بمسك كورسەتەتىن مەديتسينالىق ۇيىمعا تىكەلەي ءوتىنىش جاساۋى, تەلەفون بايلانىسى ارقىلى نەمەسە ەلەكتروندىق تسيفرلىق قولتاڭباسىز «ەلەكتروندىق ۇكىمەت» ۆەب-پورتالى ارقىلى ەلەكتروندىق فورماتتا جۇزەگە اسىرىلادى.;
14-1. دارىگەردى ۇيگە شاقىرۋ جەكە تۇلعانىڭ نەمەسە ونىڭ وكىلىنىڭ بمسك كورسەتەتىن مەديتسينالىق ۇيىمعا تىكەلەي ءوتىنىش جاساۋى, تەلەفون بايلانىسى ارقىلى نە ەلەكتروندىق تسيفرلىق قولتاڭباسىز «ەلەكتروندىق ۇكىمەت» ۆەب-پورتالى ارقىلى ەلەكتروندىق فورماتتا جۇزەگە اسىرىلادى.»;
2) كورسەتىلگەن قاۋلىمەن بەكىتىلگەن ازاماتتاردى باستاپقى مەديتسينالىق-سانيتاريالىق كومەك ۇيىمدارىنا بەكىتۋ قاعيدالارىندا:
مىناداي مازمۇنداعى 3-1-تارماقپەن تولىقتىرىلسىن:
«3-1. بمسك كورسەتەتىن مەديتسينالىق ۇيىمدارعا ناقتى بەكىتىلگەن حالىقتىڭ سانى تۋرالى, اۋماقتىق قىزمەت كورسەتۋ ۋچاسكەلەرى, ۋچاسكەلىك قىزمەتتىڭ (جالپى پراكتيكا قىزمەتى) دارىگەرلەرى مەن ورتا مەديتسينا پەرسونالى تۋرالى اقپارات تىركەلگەن حالىق ءتىزىلىمىنىڭ دەرەكقورىندا قالىپتاستىرىلادى.
تىركەلگەن حالىق تىزىلىمىنەن بمسك ۇيىمدارىنىڭ بولىنىسىندە تىركەلگەن حالىقتىڭ بولۋى تۋرالى اقپارات بمسك ۇيىمدارىنىڭ اراسىندا جان باسىنا شاققانداعى نورماتيۆكە اقى تولەۋدى قارجىلاندىرۋ كولەمدەرىن ءبولۋ ءۇشىن نەگىز بولىپ تابىلادى.»;
6,7-تارماقتار مىناداي رەداكتسيادا جازىلسىن:
«6. قاعاز تۇرىندە جانە «ەلەكتروندىق ۇكىمەت» ۆەب-پورتالى ارقىلى ەلەكتروندىق فورماتتا قالىپتاستىرىلاتىن مەديتسينالىق ۇيىمعا بەكىتىلۋ انىقتاماسى (تالونى) (بۇدان ءارى - بەكىتۋ انىقتاماسى (تالونى) ازاماتتىڭ بمسك ۇيىمىنا بەكىتىلگەنى تۋرالى كۋالاندىراتىن قۇجات بولىپ تابىلادى. قاعاز فورماتتاعى بەكىتۋ انىقتاماسىن (تالونىن) مەديتسينالىق ۇيىمنىڭ مەديتسينالىق تىركەۋشىسى بەرەدى. ەلەكتروندىق فورماتتاعى بەكىتۋ تۋرالى انىقتاما (تالون) مەديتسينالىق-سانيتاريالىق العاشقى كومەك كورسەتەتىن مەديتسينالىق ۇيىمنىڭ ەلەكتروندىق تسيفرلىق قولتاڭباسى قويىلعان ەلەكتروندىق فورماتتا «ەلەكتروندىق ۇكىمەت» ۆەب-پورتالى ارقىلى بەرىلەدى.
7. بمسك ۇيىمىنا بەكىتۋ ەركىن نىس انداعى ءوتىنىش پەن جەكە باسىن كۋالاندىراتىن قۇجات (جەكە كۋالىك, پاسپورت, تۋ تۋرالى كۋالىك, قازاقستان رەسپۋبليكاسىنىڭ زاڭناماسىندا بەلگىلەنگەن تارتىپپەن بەرىلگەن وزگە دە قۇجات) نەگىزىندە بمسك ۇيىمىنىڭ جۇمىس كەستەسىنە سايكەس كەز كەلگەن كۇنتىزبەلىك ۋاقىتتا جۇزەگە اسىرىلادى. بمسك ۇيىمىنا بەكىتۋ ءۇشىن «ەلەكتروندىق ۇكىمەت» ۆەب-پورتالىنا جۇگىنگەن كەزىندە سۇراۋ سالۋدى جىبەرۋ, سونداي-اق جەكە باسىن كۋالاندىراتىن قۇجاتى (جەكە كۋالىك, پاسپورت, تۋ تۋرالى كۋالىك, قازاقستان رەسپۋبليكاسىنىڭ زاڭناماسىندا بەلگىلەنگەن تارتىپپەن بەرىلگەن وزگە دە قۇجات) جانە ەلەكتروندىق تسيفرلىق قولتاڭباسى بولۋى قاجەت.»;
9-تارماق مىناداي رەداكتسيادا جازىلسىن:
«9. وسى قاعيدالاردىڭ 7-تارماعىندا كورسەتىلگەن قۇجاتتار بولعان كەزدە دەنساۋلىق جاعدايى بويىنشا بمسك ۇيىمىنا وزدىگىنەن كەلۋگە مۇمكىندىگى جوق ادامداردى بەكىتۋ بمسك ۇيىمدارىندا ولاردىڭ جازباشا نەمەسە «ەلەكتروندىق ۇكىمەت» ۆەب-پورتالى ارقىلى ەلەكتروندىق فورماتتا جۇگىنۋى بويىنشا جۇزەگە اسىرىلادى.»;
12,13-تارماقتار مىناداي رەداكتسيادا جازىلسىن:
«12. بەكىتۋ وزگەرگەن كەزدە بەكىتۋ انىقتاماسى (تالونى) بمسك ۇيىمىنا قايتارىلادى, ال ازاماتقا قاعاز تۇرىندەگى بمسك ۇيىمىنان بەكىتۋدەن شىعۋ انىقتاماسى (تالونى) بەرىلەدى. «ەلەكتروندىق ۇكىمەت» ۆەب-پورتالى ارقىلى ەلەكتروندىق فورماتتا بەكىتىلگەن كەزدە, باسقا بمسك ۇيىمدارىنا بەكىتىلگەن جاعدايدا ونى ەسەپتەن شىعارۋ اۆتوماتتى تۇردە جۇزەگە اسىرىلادى.
13. ازامات بمسك ۇيىمىنا بەكىتۋدى ەركىن تاڭداعان كەزدە وعان وسى ۇيىم ماماندارىنىڭ ۇيدە قىزمەت كورسەتۋ مۇمكىندىگى الدىن الا كەلىسىلەدى جانە بەكىتۋ انىقتاماسىندا (تالونىندا) كورسەتىلەدى.».
2. وسى قاۋلى العاشقى رەسمي جاريالانعان كۇنىنەن باستاپ كۇنتىزبەلىك ون كۇن وتكەن سوڭ قولدانىسقا ەنگىزىلەدى.
قازاقستان رەسپۋبليكاسىنىڭ پرەمەر-ءمينيسترى
س.احمەتوۆ.
