2013 جىلعى 29 ناۋرىز, استانا, ۇكىمەت ءۇيى
«ەسەپتىك ءتاريفتى ايقىنداۋ, شەكتى جانە جەكە تاريفتەردى بەكىتۋ ەرەجەسىن بەكىتۋ تۋرالى» قازاقستان رەسپۋبليكاسى ۇكىمەتىنىڭ 2009 جىلعى 10 ناۋرىزداعى № 277 قاۋلىسىنا تولىقتىرۋ ەنگىزۋ تۋرالى
2013 جىلعى 29 ناۋرىز, استانا, ۇكىمەت ءۇيى
«ەسەپتىك ءتاريفتى ايقىنداۋ, شەكتى جانە جەكە تاريفتەردى بەكىتۋ ەرەجەسىن بەكىتۋ تۋرالى» قازاقستان رەسپۋبليكاسى ۇكىمەتىنىڭ 2009 جىلعى 10 ناۋرىزداعى № 277 قاۋلىسىنا تولىقتىرۋ ەنگىزۋ تۋرالى
قازاقستان رەسپۋبليكاسىنىڭ ۇكىمەتى قاۋلى ەتەدى:
1. «ەسەپتىك ءتاريفتى ايقىنداۋ, شەكتى جانە جەكە تاريفتەردى بەكىتۋ ەرەجەسىن بەكىتۋ تۋرالى» قازاقستان رەسپۋبليكاسى ۇكىمەتىنىڭ 2009 جىلعى 10 ناۋرىزداعى № 277 قاۋلىسىنا (قازاقستان رەسپۋبليكاسىنىڭ ءپۇاج-ى, 2009 ج., № 14, 101-قۇ.جات) مىناداي تولىقتىرۋ ەنگىزىلسىن:
كورسەتىلگەن قاۋلىمەن بەكىتىلگەن ەسەپتىك ءتاريفتى ايقىنداۋ, شەكتى جانە جەكە تاريفتەردى بەكىتۋ ەرەجەسى مىناداي مازمۇنداعى 25-1-تارماقپەن تولىقتىرىلسىن:
«25-1. ەنەرگيا ءوندىرۋشى ۇيىم كەلىسىمدە كوزدەلگەن ينۆەستيتسيالىق مىندەتتەمەلەردى ورىنداماعان جاعدايدا, ەنەرگيا ءوندىرۋشى ۇيىم كەلىسىمدە ينۆەستيتسيالىق مىندەتتەمەلەردى ورىنداۋ ءۇشىن كوزدەلگەن جانە ولاردى ىسكە اسىرۋعا پايدالانىلماعان, الىنعان قاراجاتتى ەلەكتر ەنەرگياسىنىڭ كەلەسى كۇنتىزبەلىك جىلعا ارنالعان بوساتۋ باعاسىن تومەندەتۋ ارقىلى, وسى اقپاراتتى بۇقارالىق اقپارات قۇرالدارىندا ورنالاستىرا وتىرىپ, كوتەرمە ساۋدا نارىعىنىڭ سۋبەكتىلەرىنە قايتارۋعا مىندەتتى.
وسى تارماقتىڭ ءبىرىنشى بولىگىندە كوزدەلگەن مىندەت كەلەسى كۇنتىزبەلىك جىلعا كەلىسىم جاساسۋ كەزىندە قازاقستان رەسپۋبليكاسى ۇلتتىق بانكىنىڭ كەلىسىم جاساسۋ كۇنگى قايتا قارجىلاندىرۋ مولشەرلەمەسىن ەسكەرە وتىرىپ, ورىندالماعان سوماعا قوسىمشا ينۆەستيتسيالىق مىندەتتەمەلەر قابىلداعان ەنەرگيا ءوندىرۋشى ۇيىمدارعا قولدانىلمايدى.
ەنەرگيا ءوندىرۋشى ۇيىم كەلىسىمدە كوزدەلگەن قوسىمشا ينۆەستيتسيالىق مىندەتتەمەلەردى كەلەسى كۇنتىزبەلىك جىلى ورىنداماعان جاعدايدا, ەنەرگيا ءوندىرۋشى ۇيىم وسى مىندەتتەمەلەردى كەيىنگى جىلدارعا قابىلداي المايدى جانە ولار وسى تارماقتىڭ ءبىرىنشى بولىگىنە سايكەس كوتەرمە ساۋدا نارىعىنىڭ سۋبەكتىلەرىنە قايتارىلۋعا ءتيىس.
كەلىسىمدە ينۆەستيتسيالىق مىندەتتەمەلەردى ورىنداۋ ءۇشىن كوزدەلگەن جانە ولاردى ىسكە اسىرۋعا پايدالانىلماعان قاراجاتتىڭ تۇپكىلىكتى سوماسى (Sك) قازاقستان رەسپۋبليكاسى ۇلتتىق بانكىنىڭ شەشىم قابىلداعان كۇنگە قايتا قارجىلاندىرۋ مولشەرلەمەسىن ەسكەرە وتىرىپ, مىنا فورمۋلامەن ايقىندالادى:
Sك =S ورىندالماعان +S ورىندالماعان * ك, مۇنداعى
Sك – كەلىسىمدە ينۆەستيتسيالىق مىندەتتەمەلەردى ورىنداۋ ءۇشىن كوزدەلگەن جانە ولاردى ىسكە اسىرۋعا پايدالانىلماعان قاراجاتتىڭ تۇپكىلىكتى سوماسى;
Sورىندالماعان – قايتا قارجىلاندىرۋ مولشەرلەمەسىن ەسكەرە وتىرىپ, الدىڭعى كۇنتىزبەلىك جىل ءۇشىن كەلىسىمدە ينۆەستيتسيالىق مىندەتتەمەلەردى ورىنداۋ ءۇشىن كوزدەلگەن جانە ولاردى ىسكە اسىرۋعا پايدالانىلماعان قاراجات, تەڭگە;
ك - شەشىم قابىلدانعان كۇنگى قازاقستان رەسپۋبليكاسى ۇلتتىق بانكىنىڭ قايتا قارجىلاندىرۋ مولشەرلەمەسى, %.
قاراجاتتى قايتارۋدى ەنەرگيا ءوندىرۋشى ۇيىمدار مىنا فورمۋلانى قولدانا وتىرىپ, ءوزىنىڭ تۇتىنۋشىلارىنا ءتاريفتى تومەندەتۋ ارقىلى جۇزەگە اسىرۋى ءتيىس:
تتومەند =Tكەلىسىم — Sك/ Wجىلدىڭ سوڭىنا دەيىن, مۇنداعى
تتومەند – الدىڭعى كۇنتىزبەلىك جىل ءۇشىن كەلىسىمدە ينۆەستيتسيالىق مىندەتتەمەلەردى ورىنداۋ ءۇشىن كوزدەلگەن جانە ولاردى ىسكە اسىرۋعا پايدالانىلماعان قاراجاتتى تۇتىنۋشىلارعا قايتارۋعا ارنالعان تومەندەتىلگەن تاريف;
تكەلىسىم – ەنەرگيا ءوندىرۋشى ۇيىم قول قويعان كەلىسىمدە كوزدەلگەن اعىمداعى كۇنتىزبەلىك جىلعا ارنالعان تاريف;
Wجىلدىڭ سوڭىنا دەيىن – اعىمداعى جىلدىڭ سوڭىنا دەيىن ەلەكتر ەنەرگياسىن وتكىزۋدىڭ بولجامدى, جيىنتىق كولەمى, كۆت.س.
قوسىمشا ينۆەستيتسيالىق مىندەتتەمەلەر قابىلداۋ نەمەسە ءتاريفتى تومەندەتۋ ارقىلى شەكتى تاريفتەردى قولدانۋدان الىنعان جانە ينۆەستيتسيالىق مىندەتتەمەلەردى ورىنداۋعا ارنالعان پايدالانىلماعان قاراجاتتى كوتەرمە ساۋدا نارىعىنىڭ سۋبەكتىلەرىنە قايتارۋ ۋاكىلەتتى ورگان مەن ەنەرگيا ءوندىرۋشى ۇيىمنىڭ اراسىندا جاسالاتىن ينۆەستيتسيالىق كەلىسىمگە قوسىمشا كەلىسىمدە كورىنىس تابادى.».
2. وسى قاۋلى العاشقى رەسمي جاريالانعان كۇنىنەن باستاپ كۇنتىزبەلىك ون كۇن وتكەن سوڭ قولدانىسقا ەنگىزىلەدى جانە 2017 جىلعى 1 قاڭتارعا دەيىن قولدانىستا بولادى.
قازاقستان رەسپۋبليكاسىنىڭ پرەمەر-ءمينيسترى
س.احمەتوۆ.
