سپورت • 23 قاڭتار، 2020

فۋتزالدان قازاقستان قۇراماسى وقۋ-جاتتىعۋ جيىنىن وتكىزەدى

15 رەتكورسەتىلدى

فۋتزالدان قازاقستان ۇلتتىق قۇراماسىنىڭ باس باپكەرى ريكاردو كاكا قاڭتار ايىندا وتەتىن وقۋ-جاتتىعۋ جيىنىنا شاقىرىلعان فۋتبولشىلاردىڭ ەسىمدەرىن جاريالادى. بۇل تۋرالى Olympic.kz حابارلادى.

وقۋ-جاتتىعۋ جيىنى 23-31 قاڭتار ارالىعىندا نۇر-سۇلتان قالاسىندا وتەدى. جيىننىڭ سوڭعى كۇنى چەحيانىڭ برنو قالاسىنا جول تارتادى. 2020 جىلعى الەم چەمپيوناتىنىڭ ەليتالىق كەزەڭىنىڭ ىرىكتەۋ ويىندارى 2-5 اقپان ارالىعىندا بولماق. اتالعان ويىندا قازاقستان قۇرامانىڭ قارسىلاستارى – رۋمىنيا، سلوۆەنيا جانە چەحيا. 

وقۋ جاتتىعۋ جيىنىنا 16 ويىنشى قاتىسادى.

قاقپاشىلار: يگيتا («قايرات»)، الەكساندر گۋروۆ («ايات»)، نۇرالەم بايدوللا («جەتىسۋ»);

الاڭداعى ويىنشىلارى: داۋرەن نۇرعوجين، شىڭعىس ەسەنامانوۆ، ءبىرجان ورازوۆ، داۋرەن تۇرساعۇلوۆ، البەرت اقبالىقوۆ، نۇرسۇلتان پيالى، دۋگلاس (بارلىعى - «قايرات»)، ازات ۆاليۋللين («ايات»)، دىنمۇحامەد سۇلەيمەنوۆ، ارنولد كناۋب (ەكەۋى دە - «جەتىسۋ»)، قايرات يمانالين («اقتوبە»)، تاينان، لەو (ەكەۋى دە - «سپورتينگ»، پورتۋگاليا);

جاتتىقتىرۋشىلار شتابى: ريكاردو كاكا – باس باپكەر، سەرگەي كوريدزە – باس باپكەردىڭ كومەكشىسى، دە سوۋزا ليۋز ەنريكە – دەنە دايارلىعى باپكەرى، نۇرلان بيتۇگىلوۆ - دارىگەر، تياگو ۆيەيرا - فيزيوتەراپەۆت، جاندوس كەڭەسوۆ - ادمينيستراتور، ءۋاليحان بايتاقوۆ - مەنەدجەر. 

سوڭعى جاڭالىقتار

باسىلىم باسشىلارى - ەركىن قىدىر (1962)

باسىلىم باسشىلارى • كەشە

ۇقساس جاڭالىقتار