- پوليتسيا دەپارتامەنتى, توتەنشە جاعدايلار دەپارتامەنتى مەن كوممۋنالدىق قىزمەتكەرلەرگە كۇشەيتىلگەن جۇمىس رەجيمىنە كوشۋدى تاپسىردىم. ياعني جۇمىس تاۋلىك بويى اتقارىلاتىن بولادى. 101,102,103 شۇعىل قوڭىراۋلار قىزمەتى كۇشەيتىلگەن رەجيمدە جۇمىس ىستەپ جاتىر. سونىمەن قاتار قوڭىراۋلاردىڭ كوبى Ikomek109 قىزمەتىنە كەلىپ تۇسۋدە. ءاربىر ءوتىنىش نازارعا الىنىپ, جۇمىس جاسالىپ جاتىر, - دەلىنگەن جازبادا.
قالا اكىمىنىڭ ايتۋىنشا, الدىمەن مەديتسينالىق ورتالىقتارعا, مەكتەپتەرگە, بالاباقشالارعا, الەۋمەتتىك نىساندارعا اپارار جولدار مەن كولىك جولدارى, سونداي-اق جاياۋ جۇرگىنشىلەر جولى تازارتىلادى. سودان سوڭ, كۆارتالىشى اۋماقتارى تازارتىلاتىن بولادى.
- اۋدان اكىمدەرىنە ءوز اۋماقتارىن ارالاپ, قاردى تازالاۋ جانە شىعارۋ بويىنشا جۇمىستى قولعا الۋ تاپسىرىلدى. سونداي-اق پاتەر يەلەرى كووپەراتيۆتەرى مەن مەردىگەرلىك ۇيىمداردىڭ جۇمىسىن قولعا الۋ تاپسىرىلدى. قالادا بارلىعى 6 پوليگون بار. ونىڭ ەكەۋى قارعا تولى. قالانى قاردان ۋاقىتىلى تازالاۋ ءۇشىن قوسىمشا ارنايى تەحنيكانى جۇمىسقا تارتامىز. جۇمىس تاۋلىك بويى جۇرگىزىلەدى. بارلىق جۇمىس سىزدەر ءۇشىن اتقارىلىپ جاتىر, - دەپ جازدى التاي كولگىنوۆ.
