سۋرەتتى تۇسىرگەن ەرلان ومار
«قالالىق توتەنشە جاعدايلار دەپارتامەنتى جەرگىلىكتى اۋقىمداعى توتەنشە جاعداي رەجىمىن ەنگىزۋدى ۇسىندى. قازىر ءبىز بۇل ۇسىنىستى كوميسسيالىق تۇردە تىڭعىلىقتى تالقىلايمىز. دەگەنمەن, دۇربەلەڭ تۋدىرۋعا نەگىز جوق. اۋا رايىنا قاتىستى وتكەن وتىرىستا بارلىق قىزمەتتەردىڭ وكىلدەرىن تىڭدادىق. وسى ورايدا ءتيىستى جوسپاردى قۇرىپ, كۇشەيتىلگەن تارتىپتە جۇمىس ىستەيتىن بولامىز» دەدى ا. كولگىنوۆ.
ەلوردا اكىمىنىڭ ايتۋىنشا, اتالعان رەجىم ەنگىزىلەتىن بولسا, ەۆاكۋاتسيالىق پۋنكتتەر بولۋى كەرەك.
«اۆتوبۋستار نەمەسە باسقا دا كولىكتەر تۇرىپ قالعان جاعدايدا, ادامداردى جىلىتۋ جانە تاماقتاندىرۋ ورىندارى قاجەت. مۇنىمەن قوسا, جەكە كومپانيالاردىڭ تەحنيكاسىن تارتاتىن بولساق, ولارعا ءتيىستى قاراجاتىن ءبولۋ كەرەك. جالپى, بۇل ماسەلەلەردى وتەتىن كوميسسيادا اقىلداسامىز» دەدى ا.كولگىنوۆ.
