الەۋمەتتىك-دەموگرافيالىق كورسەتكىشتەر بويىنشا 2019 جىلعى 1 جەلتوقسانعا قالاداعى تۇرعىن سانى 1033,5 مىڭ ادامدى قۇرادى جانە 2018 جىلعى 1 جەلتوقسانمەن سالىستىرعاندا 22,3 مىڭ ادامعا (2,2%) ءوستى.
25,8 مىڭ ءسابي تۋىپ, 2018 جىلعى قاڭتار-قاراشامەن سالىستىرعاندا 4,8%-عا ءوستى.
تۇرمىس دەڭگەيى بويىنشا, 2019 جىلعى III توقساندا قالاداعى حالىقتىڭ ورتاشا ءبىر ايدا جان باسىنا شاققانداعى اتاۋلى اقشالاي تابىستارى, باعالاۋ بويىنشا, 70 774 تەڭگەنى قۇراپ, 2018 جىلعى ءتيىستى كەزەڭمەن سالىستىرعاندا 13%-عا, ال ناقتى اقشالاي تابىس 6,7%-عا ءوستى.
اۋىل شارۋاشىلىعى جالپى ءونىمىنىڭ كولەمى 29455,7 ملن تەڭگەنى قۇرادى جانە 2018 جىلدىڭ ءتيىستى كەزەڭىمەن سالىستىرعاندا 6,3% ارتتى, ونىڭ ىشىندە مال شارۋاشىلىعى, تيىسىنشە 19419,6 ملن تەڭگە بولىپ 8,3%, وسىمدىك شارۋاشىلىعى – 9428,3 ملن تەڭگە بولىپ, ياعني 2,9%-عا ارتتى. رەسپۋبليكاداعى اۋىل شارۋاشىلىعى جالپى ءونىمىنىڭ كولەمىندەگى ۇلەسى بويىنشا قالا 14-ءشى ورىندى, نەمەسە 0,6%-دىق ۇلەستى الىپ وتىر.
سونىمەن قاتار بولشەك ساۋدا كولەمى 2019 جىلعى قاڭتار-جەلتوقساندا 381591,9 ملن تەڭگەنى قۇراپ, وتكەن جىلعى ءتيىستى كەزەڭگە قاراعاندا 7,1%-عا ارتقان. كوتەرمە ساۋدا كولەمى 802 438,4 ملن تەڭگەنى قۇراعان جانە وتكەن جىلدىڭ سايكەس كەزەڭىمەن سالىستىرعاندا 3,6%-عا وسكەن. رەسپۋبليكانىڭ كوتەرمە ساۋداسىنداعى قالانىڭ ۇلەس سالماعى 2,5% قۇرادى نەمەسە 7-ءشى ورىن, ناقتى كولەم يندەكسى بويىنشا 10-ورىندا.
