قازاقستان • 23 قاڭتار، 2020

كەپىلدىك جەتپەسە، مەملەكەتتىك كەپىلدەندىرۋ جۇيەسى كومەكتەسەدى

29 رەتكورسەتىلدى

«اۋىل شارۋاشىلىعىن قارجىلاي قولداۋ قورى» اق 2019 جىلدىڭ قىركۇيەك ايىنان باستاپ اۋىلدارداعى جانە مونوقالالارداعى كاسىپكەرلەردىڭ شاعىن نەسيەلەرىن كەپىلدەندىرۋمەن اينالىسادى. جاڭا باعىت «قازاگروكەپىل» اق قورعا قوسىلعاننان كەيىن ىسكە اسىرىلا باستادى.

2017 جىلى اۋىل تۇرعىندارى ءۇشىن قولجەتىمدى قارجىلاندىرۋدى قامتاماسىز ەتۋگە ارنالعان جاڭا قولايلى قولداۋ قۇرالدارى پايدا بولدى.

نەسيە الۋعا نيەت تانىتقان كوپتەگەن فەرمەرلەر كەپىلدىك قويۋعا كەلگەندە كەرى بۇرىلىپ جاتادى. شارۋالاردىڭ بۇل پروبلەماسىنا تۇسىنىستىكپەن قاراعان مەملەكەت قولداۋ كورسەتۋ ماسەلەسىن شەشىپ، بيۋدجەت قارجىسى ەسەبىنەن كەپىلدەندىرۋ مۇمكىندىگىن جاسادى.

«ەڭبەك» مەملەكەتتىك باعدارلاماسى اياسىندا نەسيە سەرىكتەستەرىنە نەمەسە ميكروقارجى ۇيىمدارىنا نەسيە الۋعا ءوتىنىش بەرگەن كاسىپكەرلەردىڭ كەپىلدىكتەرى جەتپەگەن جاعدايدا قور كەپىلدەندىرەدى. ايتا كەتۋ كەرەك، كەپىلدەندىرۋ وتەۋسىز بەرىلەدى جانە قانداي دا ءبىر قىزمەت تۇرلەرىمەن شەكتەلمەيدى.

كەپىلدەندىرىلەتىن نەسيەنىڭ ەڭ جوعارى سوماسى 8000 ايلىق ەسەپتىك كورسەتكىشكە دەيىن، كەپىلدەندىرۋ مەرزىمى 5 جىلعا دەيىن. ال، مال شارۋاشىلىعى مەن اۋىل شارۋاشىلىعى كووپەراتيۆتەرىن قۇرۋ سالاسىندا 7 جىلعا دەيىنگى نەسيەلەر كەپىلدەندىرىلەدى.

جۇمىس ىستەپ تۇرعان بيزنەس ءۇشىن نەسيە سوماسىنىڭ 50%-نە دەيىن، ستارتاپ جوبالار مەن ءىسىن جاڭا باستاعان كاسىپكەرلەر ءۇشىن نەسيە سوماسىنىڭ 85%-نە دەيىن كەپىلدەندىرىلەدى.

كاسىپكەر بيزنەس جوسپارىن جاساپ، قۇجاتتارىن جينايدى. سودان كەيىن قورعا كەلەدى. ءوتىنىمى ماقۇلدانعان سوڭ نەسيە راسىمدەۋ ءۇشىن نەسيە سەرىكتەسىنە نەمەسە ميكروقارجى ۇيىمىنا بارادى.

بۇگىنگى تاڭدا 2 500-دەن استام اۋىلدىق وكرۋگ پەن 45-تەن استام شاعىن قالالاردا 1120 كاسىپكەردىڭ نەسيەسى كەپىلدەندىرىلگەن.  

اۋىل شارۋاشىلىعىن قارجىلاي قولداۋ قورىنىڭ فيليالدارى رەسپۋبليكانىڭ بارلىق وبلىس ورتالىقتارىندا، سونداي-اق نۇر-Cۇلتان، الماتى، سەمەي قالالارىندا بار.

سوڭعى جاڭالىقتار

باسىلىم باسشىلارى - ەركىن قىدىر (1962)

باسىلىم باسشىلارى • كەشە

ۇقساس جاڭالىقتار