قازاقستان • 23 قاڭتار، 2020

نۇر-سۇلتاندا 11 اۋە رەيسى توقتاتىلدى

26 رەتكورسەتىلدى

اۋا رايىنىڭ قولايسىزدىعىنا بايلانىستى نۇرسۇلتان نازارباەۆ حالىقارالىق اۋەجايىندا 38 اۆيارەيس كەشىكتىرىلىپ، 11 رەيس توقتاتىلدى. بۇل تۋرالى اتالعان اۋەجايدىڭ ءباسپاسوز قىزمەتى حابارلادى.

 

حالىقارالىق اۋەجاي ءباسپاسوز قىزمەتىنىڭ مالىمەتىنە سايكەس، اۋە كەمەسىنىڭ باسقا قالالاردان كەش كەلۋى جانە باراتىن اۋەجايداعى ناشار مەتەوجاعدايلار سەبەبىنەن ۇشىپ كەلۋى ءتيىس 22 رەيس كەشىگۋدە.

ولار: «Air Astana» اۋە كومپانياسىنىڭ 9 رەيسى (ونىڭ ىشىندە ومبى، تاشكەنت، ماسكەۋ جانە كيەۆ قالالارىنان حالىقارالىق رەيستەرى); «SCAT» اۋە كومپانياسىنىڭ 8 رەيسى (ۇلان-باتىر، ماسكەۋ، پراگا); «Qazaq Air» اۋە اكومپانياسىنىڭ الماتى جانە قوستاناي قالالارىنان 2 رەيسى; «Fly Arystan» اۋە كومپانياسىنىڭ پاۆلودار، الماتى جانە قوستاناي قالالارىنان 3 رەيسى.

سونداي-اق اۋە كەمەسىنىڭ باسقا قالالاردان كەش كەلۋى جانە ۇشىپ شىعاتىن اۋەجايداعى اۋا رايىنىڭ ناشارلاۋى سەبەبىنەن ۇشىپ شىعۋى ءتيىس 16 رەيس كەشىگۋدە (جەلدىڭ ەكپىنى سەكۋندىنا 20 مەترگە جەتەدى).

ولار: «Air Astana» اۋە كومپانياسىنىڭ 6 رەيسى (ونىڭ ىشىندە تاشكەنت جانە كيەۆ قالالارىنا حالىقارالىق رەيستەر); «SCAT» اۋە كومپانياسىنىڭ 8 رەيسى (ونىڭ ىشىندە پراگا جانە ماسكەۋ قالالارىنا حالىقارالىق رەيستەر); «Qazaq Air» جانە «Fly Arystan» اۋە كومپانيالارىنىڭ 4 رەيسى.

سونىمەن قاتار «Lufthansa» اۋە كومپانياسى فرانكفۋرت قالاسىنا، «LOT Polish» اۋە كومپانياسى ۆارشاۆاعا، «Turkish Airlines» اۋە كومپانياسى ىستانبۇلعا ۇشاتىن رەيستەرى جانە «Qazaq Air»، «Air Astana»، «SCAT» اۋە كومپانيالارىنىڭ 11 رەيسى توقتاتىلدى.

«جەلدىڭ قاتتى ەكپىنى ۇشۋ قاۋىپسىزدىگى ماقساتىندا اۋە كەمەلەرىن مۇزدانۋعا قارسى سۇيىقتىقپەن وڭدەۋگە جول بەرمەي تۇر. نۇرسۇلتان نازارباەۆ حالىقارالىق اۋەجايى شتاتتىق رەجيمدە جۇمىس ىستەيدى»، دەلىنگەن حابارلامادا.

ەسكە سالا كەتەيىك، بۇعان دەيىن اۋا رايىنىڭ قولايسىزدىعىنا بايلانىستى نۇرسۇلتان نازارباەۆ اتىنداعى حالىقارالىق اۋەجايدا 32 اۋە رەيسى كەشىكتىرىلىپ جاتقانىن حابارلاعان بولاتىنبىز.

 

سوڭعى جاڭالىقتار

باسىلىم باسشىلارى - ەركىن قىدىر (1962)

باسىلىم باسشىلارى • كەشە

ۇقساس جاڭالىقتار