ايماقتار • 19 قاڭتار، 2020

قىزىلوردا: ەرىكتىلەر جىلىنداعى جوبالار تالقىلاندى

59 رەتكورسەتىلدى

قىزىلورداداعى دوستىق ۇيىندە وبلىستىق قازاقستان حالقى اسسامبلەياسى ۆولونتەرلەر قوزعالىسى ورتالىعىنىڭ بىرىڭعاي اشىق ەسىك كۇنى ءوتتى.

وعان ەتنومادەني بىرلەستىك باسشىلارى، وبلىستىق قحا قۇرىلىمدارى، ۇەۇ وكىلدەرى، ۆولونتەرلەر قاتىستى.

اشىق ەسىك كۇنىندە «قوعامدىق كەلىسىم» كمم ديرەكتورىنىڭ ورىنباسارى اسىلبەك جۇماباەۆ الداعى ماقساتتى جۇمىستارعا توقتالىپ ءوتتى. ول مەملەكەت باسشىسى جارلىعىمەن بيىل ۆولونتەرلەر جىلى بولىپ جاريالانىپ، دوستىق ۇيلەرىنىڭ بازاسىندا ۆولونتەرلەر قوزعالىسىنىڭ ورتالىقتارى  اشىلعانىن اتاپ ءوتتى.  

قحا ۆولونتەرلىك قوزعالىسىنىڭ نەگىزگى باعىتتارى، قىزمەتى مەن قۇرىلىمدارى جايلى «قوعامدىق كەلىسىم» كمم ءبولىم باسشىسى قانات اقىلبەكوۆ حابارلاما جاسادى. ول قوعامداعى الەۋمەتتىك، وزگە دە ماسەلەلەردى شەشۋدە ۆولونتەرلىك قىزمەتتىڭ ماڭىزدىلىعىن ارتتىرا وتىرىپ، جۇمىستى ۇيلەستىرۋ، باستامالارىنا قولداۋ ءبىلدىرۋ سەكىلدى ناقتى جوبالار جۇزەگە اسىرىلاتىندىعىن العا تارتتى.

سپورت باعىتى بويىنشا پىكىر بىلدىرگەن كارىس ەتنومادەني بىرلەستىگى جەتەكشىسىنىڭ ورىنباسارى يۋري كيم تەك قانا جاستار ەمەس، بارلىق قالاۋى بار جۇرەگى جايساڭ جانداردى يگىلىكتى ىستەردى جاساۋعا شاقىردى. قحا جانىنداعى قوعامدىق كەلىسىم كەڭەسىنىڭ مۇشەسى الەكساندر ابانين ء بىلىم باعىتى بويىنشا ويىن ورتاعا سالدى.  

ۆولونتەرلىك ورتالىق بويىنشا 4 جوبا قاراستىرىلعان بولسا ونىڭ ىشىندە مەدياتسيا سالاسى بويىنشا ۆولونتەرلىك قىزمەتتى دامىتۋعا ايقىن كوڭىل بولىنگەن.  

«ەل اراي» قايىرىمدىلىق قورىنىڭ ديرەكتورى اسحات بايداۋلەت بىرنەشە جىلدان بەرى ۆولونتەر بولىپ كەلەدى.

ءبىزدىڭ قور بىرنەشە جىلدان وبلىستىق قازاقستان حالقى اسسامبلەياسىمەن بىرلەسىپ جۇمىس جاساپ كەلەدى. بۇگىنگى وبلىستىق اسسامبلەيانىڭ باستاماسىمەن اشىلعان ورتالىقتىڭ باعىتتارى قوعامنىڭ وزگەرۋىنە ۇلكەن سەپتىگىن تيگىزەدى دەپ ويلايمىن. وتكەن جىلى شەت ايماقتاعى كوگىلدىر وتىنسىز وتىرعان ۇيلەرگە گاز ورناتىپ بەردىك. ودان بولەك، جەتىم بالالار مەن مۇمكىندىگى شەكتەۋلى بالالاردىڭ وي-ءورىسىن ارتتىراتىن ءارتۇرلى سپورتتىق، ويىن-ساۋىق شارالارى، تانىمدىق ساياحاتتار ۇيىمداستىرىلدى. الداعى ماقساتىمىز، مۇقتاج وتباسىلارعا قول كومەگىن كورسەتىپ، ءۇي-ۇيلەردى ارالاپ، قورالارىنا تال ەگىپ، ءۇي شارۋاشىلىعىنداعى جۇمىستارىنا كومەكتەسۋ، دەدى ول.

شارا سوڭىندا قاتىسۋشىلار ءوزارا پىكىر الماسىپ، الداعى جوسپارلاردى تالقىعا سالدى.

سوڭعى جاڭالىقتار

ەسىك نەگە «تەسىك»؟

قوعام • كەشە

ۇقساس جاڭالىقتار