جاقىندا وبلىس اكىمى دانيال احمەتوۆ قاراۋسىز تۇرعان نىساندى ارالاپ كورىپ, عيماراتتىڭ ءبىر بولىگىنە وسكەمەندەگى جۇمىسپەن قامتۋ ورتالىعىن كوشىرۋ كەرەكتىگىن ايتتى. ويتكەنى اتالعان ورتالىقتىڭ ءىشىنىڭ تارلىعى, اسىرەسە مۇمكىندىگى شەكتەۋلى جاندارعا تىم قولايسىز ەكەندىگى كوپتەن بەرى ءسوز بولىپ ءجۇر. «جۇمىسپەن قامتۋ ورتالىعىنا بارىپ, مەكەمەنىڭ جاي-كۇيىمەن تانىستىم. ورتالىققا كەلۋشىلەرمەن اڭگىمەلەسىپ, ولاردىڭ تالاپ-تىلەكتەرىن ءبىلدىم. بۇل جەر اسا ماڭىزدى مەملەكەتتىك مەكەمە بولعاندىقتان, مۇندا ازاماتتار ءۇشىن جايلى جاعدايلار جاسالۋى قاجەت. كەلۋشىلەرگە ساپالى قىزمەت كورسەتىلۋى كەرەك. بۇرىنعى اۋرۋحانا عيماراتىن تولىق جوندەۋگە قاراجات الداعى ۋاقىتتا بولىنەدى. قۇرىلىس جۇمىستارى ناۋرىز ايىندا باستالادى», دەيدى ءوڭىر باسشىسى.
سونىمەن قاتار وبلىس اكىمى جۇمىسپەن قامتۋ ورتالىعىنىڭ قىزمەتىمەن تانىسۋ بارىسىندا الەۋمەتتىك سالا باسشىلارىنا اقپان ايىنان باستاپ وسكەمەندىك مۇگەدەكتەرگە قاجەت جايالىقتار مەن قوزعالىس قۇرالدارىن ۇيلەرىنە دەيىن جەتكىزىپ بەرۋدى تاپسىردى. قازىر بۇل ساناتتاعى تۇرعىندار وسى زاتتاردىڭ ءبارىن جۇمىسپەن قامتۋ ورتالىعىنا وزدەرى بارىپ الىپ ءجۇر.
وسكەمەن
