قوعام • 15 قاڭتار، 2020

ادەبي مارافون باستالدى

39 رەتكورسەتىلدى

ل.ن.گۋميلەۆ اتىنداعى ەۋرازيا ۇلتتىق ۋني­ۆەر­سيتەتىندە ابايدىڭ 175 جىلدىعىنا وراي مۇحتار اۋەزوۆتىڭ «اباي جولى» ەپوپەياسىن وقۋعا ارنالعان ادەبي مارافون باستالدى.

بۇل يگى شارا 2020 جىلدىڭ 10 قاڭتارىندا مەملەكەت باسشىسى قاسىم-جومارت توقاەۆتىڭ اباي قۇنانباي ۇلىنىڭ 175 جىل­دىعىنا ارنالعان «اباي جانە XXI عاسىرداعى قازاقستان» اتتى ماقالاسىن زەردەلەۋگە ار­نال­عان ەۇۋ عالىمدارى مەن وقى­تۋشى­لارى باس قوسقان ء«بىز اباي جو­لىن­­دامىز» اتتى جيىندا ءما­لىم بولدى.

شارادا ەۇۋ جاراتىلىستانۋ عىلىمدارى فاكۋلتەتىنىڭ 3-كۋرس ستۋدەنتى، «Qamqor» ەرىك­تى­­لەر قوزعالىسىنىڭ مۇشەسى دي­انا سايلاۋباەۆا ەۋرازيا ۇلت­­­تىق ۋنيۆەرسيتەتىنىڭ رەكتورى، قر ۇعا اكادەميگى ەر­لان سىدىقوۆقا ۇسىنىس جاساپ، مۇح­تار اۋەزوۆتىڭ «اباي جولى» ەپوپەياسىنان ءۇزىندى وقۋ­دى ءوتىندى. رەكتور ەرلان ءبات­تاش­­ ۇلى ستۋدەنت ۇسىنىسىن قا­بىل الىپ، ادەبي مارافوندى ءال-فارابي اتىنداعى قازاق ۇلت­­­تىق ۋنيۆەرسيتەتىنىڭ رەكتو­رى عالىمقايىر مۇتانوۆ پەن الەمدى اۋزىنا قاراتقان ءانشى دي­ماش قۇدايبەرگەنوۆكە، قر ما­دەنيەت جانە سپورت مينيس­ترلىگىنىڭ سپورت جانە دەنە­شى­نىقتىرۋ كوميتەتىنىڭ تور­اعاسى، وليمپيادا چەمپيونى سەرىك ساپيەۆكە جولدادى.

ل.ن.گۋميلەۆ اتىنداعى ەۋ­رازيا ۇلتتىق ۋنيۆەرسيتەتى باس­تاعان اۋقىمدى مارافونعا ۋني­ۆەرسيتەتىمىزدىڭ جيىرما مىڭنان اسا ستۋدەنتتەرى مەن ەكى مىڭعا جۋىق پروفەسسور-وقىتۋشىلارى جانە سالا قىزمەتكەرلەرى قو­سىلدى.

ەندىگى جەردە ەۋرازيا ۇلتتىق ۋنيۆەرسيتەتىنىڭ رەسمي سايتىن­دا، الەۋمەتتىك جەلىلەردە، قازاق­ستان تەلە­ارنالارىندا، كەز كەل­گەن جاس­­تاعى جانە ءارتۇرلى كاسىپ­تەگى ادامدار مۇحتار اۋەزوۆتىڭ «اباي جولى» ەپوپەياسىن اۋدار­ما­­نى قولدانا وتىرىپ، قا­زاق جا­نە ورىس تىلىندە وقيتىن بولادى.

سونداي-اق بۇل شاراعا ءبىز­دىڭ قازاقستاننىڭ ەڭ الىس تۇكپى­رىندەگى وقىرماندار مەن شەتەلدە تۇراتىن قانداستارىمىز دا بەلسەنە قاتىسادى دەگەن سەنىمدەمىز.

 

 

 

سوڭعى جاڭالىقتار

باسىلىم باسشىلارى - ەركىن قىدىر (1962)

باسىلىم باسشىلارى • كەشە

ۇقساس جاڭالىقتار