«اۋىلدىق كىتاپحانا – الەۋمەتتىك ورتالىق» جوباسى اياسىندا الداعى ۋاقىتتا جەرگىلىكتى ەلدى-مەكەندەردەگى كىتاپحانالار تومەندەگى 5 باعىت بويىنشا حالىققا قىزمەت كورسەتەتىن بولادى: 1) كىتاپحانا - كىتاپحانالىق قىزمەت كورسەتۋ ورتالىعى بولۋى ءتيىس. 2) كىتاپحانا - الەۋمەتتىك ورتالىق, ياعني, مەملەكەتتىك قىزمەت كورسەتۋ پۋنكتى رەتىندە قولدانىلادى. 3) كىتاپحانا - الەۋمەتتىك ورتالىق رەتىندە اۋىلدىق وكرۋگتەگى ارداگەرلەر كەڭەسىنىڭ باس قوسىپ, كەڭەسەتىن الاڭىنا اينالادى. 4) كىتاپحانا - جەرگىلىكتى بيلىك ورگاندارى ءۇشىن ديالوگ الاڭى رەتىندە پايدالانىلادى. 5) كىتاپحانا – كوۆوركينگ ورتالىعى ء(بىلىم ورتالىعى) رەتىندە حالىققا قىزمەت كورسەتۋى ءتيىس.
وسىلايشا اۋىلدىق كىتاپحانالار تۇرعىندار ءۇشىن بىرنەشە باعىت بويىنشا قىزمەت كورسەتەتىن امبەباپ ورىنعا اينالادى. اتالعان 5 باعىتتىڭ اۋقىمى كەڭ. ماسەلەن, ەكىنشى باعىت بويىنشا اۋىل تۇرعىندارى جەرگىلىكتى كىتاپحانا ماماندارىنىڭ كومەگىمەن e-gov.kz باعدارلاماسى بويىنشا ەلەكتروندى قىزمەتتىڭ يگىلىگىن كورە الادى. سونداي-اق جەرگىلىكتى بيلىك ورگاندارى كىتاپحانادا ءارتۇرلى باعىتتاعى كەزدەسۋلەر وتكىزۋگە مۇمكىندىكتەرى بار. بۇدان بولەك, اۋىل كىتاپحانالارىندا بالالار مەن جاسوسپىرىمدەرگە جانە ەگدە جاستاعى ادامدار ءۇشىن كومپيۋتەرلىك ساۋات اشۋ كۋرستارى ۇيىمداستىرىلادى. سونىمەن قاتار مۇمكىندىگى شەكتەۋلى ادامدارعا دا كىتاپحانا قىزمەتى قولجەتىمدى بولادى. بۇل ورىن اتالعان ساناتتاعى ازاماتتار ءۇشىن رۋحاني-مادەني قارىم-قاتىناستى نىعايتاتىن, قوعاممەن ەتەنە بايلانىسۋعا ىڭعايلى دەمالىس ورنىنا اينالادى. بەلگىلەنگەن 5 باعىتتىڭ ارقايسىسىندا وسىنداي قوعام ءۇشىن ماڭىزدى ماسەلەلەر قامتىلعان.
اتالعان باستامانىنىڭ نەگىزگى ماقساتى – ەلدى مەكەن تۇرعىندارىن كىتاپحاناعا تارتا وتىرىپ, اۋىل كىتاپحانالارىنىڭ قولدانىس اياسىن كەڭەيتۋ. كىتاپحانالاردى تەك ءبىر عانا ماقساتتا پايدالانباي, بىرنەشە باعىت بويىنشا قىزمەت كورسەتۋگە بەيىمدەۋ. بۇگىندە پاۆلودار وبلىسى بويىنشا 231 كىتاپحانا جۇمىس ىستەپ تۇر. ونىڭ باسىم بولىگى, ياعني, 201-ءى اۋىلدىق جەردە ورنالاسقان. سوندىقتان دا كىتاپحانا قىزمەتىنىڭ ساپاسىن ارتتىرۋدى ەلدى-مەكەندەردەن باستاۋ وڭ ناتيجە بەرەتىنى ءسوزسىز.
س.تورايعىروۆ اتىنداعى پاۆلودار وبلىستىق كىتاپحاناسى بيىل بىرنەشە اۋقىمدى جوبانى جۇزەگە اسىرۋدى جوسپارلاۋدا. ونىڭ ىشىندە اۋىلدىق كىتاپحاناشىلاردىڭ بىلىكتىلىگىن ارتتىرۋ ماقساتىندا فورسايت سەسسيا وتكىزىلمەكشى. شارا بارىسىندا ماماندار ءار اۋىلدىڭ كىتاپحانالارىنا بارىپ ادىستەمەلىك كومەك كورسەتەدى. سونداي-اق اتالعان جوبا اياسىندا جىل بويى تاجىريبەلىك جۇمىستار, ترەنينگتەر, سەمينارلار وتكىزۋ جوسپارلانعان.
الپىسباي حونج,
س.تورايعىروۆ اتىنداعى
پاۆلودار وبلىستىق كىتاپحاناسىنىڭ قوعاممەن بايلانىس مەنەدجەرى
