كەزدەسۋدىڭ العاشقى كەزەڭىندە «بارىس» نيكيتا ميحايليس پەن كوربەن نايت سوققان شايبادان كەيىن 2:0 ەسەبىمەن العا شىقتى. ەكىنشى كەزەڭ باستالا سالا قوناق كوماندا جىلدام شايبا سوعىپ, ەسەپ ايىرماسىن قىسقارتۋعا مۇمكىندىك الدى. گول اۆتورى – انتون لاندەر. دەگەنمەن ارادا 10 مينۋت وتكەندە داستين بويد «بارىستىڭ» ءۇشىنشى گولىن سوققان ەدى. بىراق «لوكوموتيۆ» حوككەيشىلەرى ءبىر مينۋتتان سوڭ ەسەپتى 3:2-گە جەتكىزدى. ءۇشىنشى كەزەڭدە سان باسىمدىعىنا يە بولعان قوناقتار ءۇشىنشى گولىن سوعىپ, ەسەپتى تەڭەستىرىپ كەتتى. بۇل جولى ستەفان دا كوستا مەرگەندىگىمەن كوزگە ءتۇستى. نەگىزگى ۋاقىت تەڭ اياقتالعان سوڭ باسەكە وۆەرتايمعا جالعاستى. 62-مينۋتتا انتون ساگادەەۆ «لوكوموتيۆ» قاقپاسىنان ساڭلاۋ تاۋىپ, «بارىسقا» ماڭىزدى ەكى ۇپاي اپەردى.
جەرلەستەرىمىز كەلەسى كەزدەسۋىن بۇگىن ۋفانىڭ «سالاۆات يۋلاەۆ» كومانداسىمەن وتكىزەدى.
