قىتايدىڭ تسزيانمىن قالاسىندا ۇيىمداستىرىلعان ەرلەر اراسىنداعى تۋرنيردە قازاقستان قۇراماسى العاش قىتايدان 0:3, ەكىنشى ويىندا دا يران قۇراماسىنا ءدال سونداي ەسەپپەن ەسە جىبەردى. سوڭعى ءۇشىنشى ماتچتا قىتايلىق تايپەيدەن 1:3 ناتيجەسىمەن جەڭىلىپ, ءوز توبىندا سوڭعى ورىندا قالىپ قويدى.
تايلاندتا وتكەن ايەلدەر اراسىنداعى باسەكەنى جەرلەستەرىمىز ءساتتى باستادى. توپتىق كەزەڭنىڭ العاشقى ەكى ويىنىندا قازاقستان قۇراماسى يران مەن يندونەزيادان باسىم تۇسسە, ءۇشىنشى كەزدەسۋدە وڭتۇستىك كورەيا سپورتشىلارىنان جەڭىلدى. جارتىلاي فينالدا تايلاند قۇراماسىمەن كەزدەسىپ, الاڭ قوجايىندارى 3:1 ەسەبىمەن جەڭىسكە جەتتى. ال ءۇشىنشى ورىن ءۇشىن وتكەن باسەكەدە ءبىزدىڭ ۆولەيبولشىلار قىتايلىق تايپەيدەن 3:1 ەسەبىمەن باسىم ءتۇسىپ, وليمپياداعا جولداما الماسا دا جارىستى قولا جۇلدەمەن اياقتادى.
