نۇرجان التاەۆ پارلامەنتتەگى جالپى زاڭ قابىلداۋ جۇمىستارىنىڭ بارىسىن ەكشەپ ءوتتى. كاسىپوداق مۇشەلەرى مەن تۇرعىندار سان ءتۇرلى سالانى قامتيتىن سۇراقتارىن قويدى.
اۋماقتىق كاسىپوداقتار بىرلەستىگىنىڭ توراعاسى بەرىك بەكجانوۆ كاسىپوداق ۇيىمدارىنىڭ نەگىزگى ماقساتى جۇمىسشىلار مەن ەڭبەككەرلەردىڭ قۇقىن قورعاۋ ەكەنىنە ەرەكشە توقتالىپ, وسى باعىتتا كاسىپورىنداردا وندىرىستىك جازاتايىم وقيعالاردىڭ الدىن الۋ, جۇمىس ورىندارىندا ەڭبەك قاۋىپسىزدىگىن ساقتاۋ بويىنشا اتقارىلعان جۇمىستاردىڭ اۋقىمدى ەكەنىن جەتكىزدى.
سونداي-اق جۇمىس بەرۋشىلەردىڭ جۇمىسشىلار الدىنداعى جالاقى قارىزدارىن شەشۋ, ەڭبەك شارتتارىن جاساسۋ مەن ۇجىمدىق شارت جاساسۋ ماسەلەلەرىنىڭ شەشىلۋىن باياندادى. بىرلەستىك توراعاسى ەڭبەك داۋىن جويۋ ماقساتىندا اشىلعان تاتۋلاسۋ ورتالىعىنىڭ جەمىستى جۇمىستارمەن دە ءبولىستى.
دەپۋتات پەن كاسىپوداقتىقتارمەن كەزدەسۋىندە «مەدياتسيا» تۋرالى زاڭنىڭ اياسىن كەڭەيتۋ, سونىڭ ناقتى مىسالى رەتىندە مەملەكەتتىك مەكەمە مەن مەملەكەتتىك قىزمەتكەر اراسىندا بولاتىن داۋدى ەڭ الدىمەن تاتۋلاسۋ بويىنشا مەدياتسيا باسپالداعىنان باستاۋ قاجەتىگى كوتەرىلدى.
پارلامەنت ءماجىلىسىنىڭ دەپۋتاتى نۇرجان التاەۆ ساۋالدارعا بايىپپەن جاۋاپ بەرىپ, وزەكتى ماسەلەلەردى شەشۋ ءۇشىن ءتيىستى اتقارۋشى ورگاندارمەن بىرلەسە جۇمىس جاسايتىنىن جەتكىزدى.
