يراننىڭ جەدەل مەديتسينالىق كومەك قىزمەتىنىڭ باسشىسى پيرحوسەين كۋليۆاندتىڭ ايتۋىنشا, قۇتقارۋشى بريگادا اپات ورنىنا جىبەرىلگەنىمەن, ۇشاقتاعى ءورتتىڭ كەسىرىنەن كومەك كورسەتە الماي وتىر.
FlightRadar 24 ۇشۋدى باقىلاۋ قىزمەتى Twitter پاراقشاسىندا ۇشاق ءۇش جارىم جىل بويى پايدالانۋدا بولعانىن حابارلادى.
اگەنتتىڭ مالىمەتىنە سايكەس, اپات تەحنيكالىق قيىندىقتارعا بايلانىستى بولعان.
Boeing كومپانياسى باق-تاعى اپات تۋرالى اقپاراتتان حاباردار ەكەنىن جانە قوسىمشا زەرتتەۋ جۇرگىزىلىپ جاتقاندىعىن حابارلادى.
قازاقستان رەسپۋبليكاسىنىڭ سىرتقى ىستەر مينيسترلىگى ۇشاق بورتىندا قازاقستاندىقتاردىڭ بار-جوعىن تەكسەرىپ جاتقانىن ايتتى.
«ۇشاق اپاتىنان حاباردارمىز. قازىر قر سىرتقى ىستەر مينيسترلىگىنىڭ يرانداعى وكىلدەرى ۇشاق بورتىندا قازاقستاندىقتاردىڭ بار-جوعىن تەكسەرىپ جاتىر. يرانداعى ديپلوماتتاردان حابار كۇتىپ وتىرمىز. ولار يراننىڭ قۇزىرەتتى ورگان قىزمەتكەرلەرىمەن بايلانىستا وتىر. اقپارات كەلگەن كەزدە حابارلاما تاراتامىز», - دەدى ءسىم ءباسپاسوز قىزمەتى باسقارماسىنىڭ باسشىسى نۇربەك الماشەۆ.
